ಪತ್ನಿ ಹುಟ್ಟಿದ ದಿನವೇ ಮಗಳಿಗೆ ಹೆಸರಿಟ್ಟು ಜತೆಗೆ ಫೋಟೋ ಶೇರ್​ ಮಾಡಿದ ಬೋಲ್ಟ್​!!

ಇನ್ಸ್‌ಸ್ಟಾಗ್ರಾಮ್​ನಲ್ಲಿ 21ನೇ ವರ್ಷಕ್ಕೆ ಕಾಲಿರಿಸಿದ ಪತ್ನಿಗೆ ಶುಭಾಶಯ ಕೋರಿರುವ ಬೋಲ್ಟ್​, ತಮ್ಮ ಮಡದಿಯ ಮುಖದಲ್ಲಿ ನಗು ಸದಾ ಇರುವ ಹಾಗೆ ನೋಡಿಕೊಳ್ಳುವ ಭರವಸೆ ನೀಡಿದ್ದಾರೆ..

ಕಿಂಗ್​ಸ್ಟನ್​ :ವಿಶ್ವದ ವೇಗದ ಓಟಗಾರ, ಒಲಿಂಪಿಕ್ಸ್​ನಲ್ಲಿ 8 ಚಿನ್ನದ ಪದಕ ಗೆದ್ದಿರುವ ಜಮೈಕಾದ ಉಸೇನ್​ ಬೋಲ್ಟ್​ ತಮ್ಮ ಮಗಳಿಗೆ ಒಲಿಂಪಿಯಾ ಲೈಟ್​ನಿಂಗ್​ ಬೋಲ್ಟ್​ ಎಂದು ನಾಮಕರಣ ಮಾಡಿರುವುದಾಗಿ ತಿಳಿಸಿದ್ದಾರೆ.

ಇನ್ಸ್‌ಸ್ಟಾಗ್ರಾಮ್​ನಲ್ಲಿ 21ನೇ ವರ್ಷಕ್ಕೆ ಕಾಲಿರಿಸಿದ ಪತ್ನಿಗೆ ಶುಭಾಶಯ ಕೋರಿರುವ ಬೋಲ್ಟ್​, ತಮ್ಮ ಮಡದಿಯ ಮುಖದಲ್ಲಿ ನಗು ಸದಾ ಇರುವ ಹಾಗೆ ನೋಡಿಕೊಳ್ಳುವ ಭರವಸೆ ನೀಡಿದ್ದಾರೆ. ನಮ್ಮ ಮಗಳ ಜೊತೆ ಹೊಸ ಅಧ್ಯಾಯ​ ಆರಂಭಿಸಿದ್ದೇವೆ. ಭವಿಷ್ಯವನ್ನ ನಾವು ಎದುರು ನೋಡುತ್ತಿದ್ದೇವೆ. ನಾನು ಈ ಕುಟಂಬದ ಆಧಾರ ಸ್ತಂಭವಾಗಿರುತ್ತೇನೆ. ಐ ಲವ್​ ಯು, 21ನೇ ಜನ್ಮದಿನದ ಶುಭಾಶಯ ಎಂದು ಬರೆದುಕೊಂಡಿದ್ದಾರೆ.

ಇದೇ ಸಂದರ್ಭದಲ್ಲಿ ವಿಶ್ವದ ವೇಗದ ಓಟಗಾರ ಬೋಲ್ಟ್​ ಮೇ 18ರಂದು ಜನಿಸಿರುವ ತಮ್ಮ ಮಗಳ ಫೋಟೋವನ್ನು ಕೂಡ ಹಂಚಿಕೊಂಡಿದ್ದಾರೆ. ಜೊತೆಗೆ ಮಗಳಿಗೆ ಒಲಿಂಪಿಯಾ ಲೈಟ್​ನಿಂಗ್​ ಬೋಲ್ಟ್​ ಎಂದು ನಾಮಕರಣ ಮಾಡಿರುವುದಾಗಿ ತಿಳಿಸಿದ್ದಾರೆ.