ನವದೆಹಲಿ: ವನ್ಶಾಜ್ ಮತ್ತು ಪ್ರೀತಿ ಸೇರಿದಂತೆ ಭಾರತದ 6 ಬಾಕ್ಸರ್ಗಳು ಗುರುವಾರ ದುಬೈನಲ್ಲಿ ನಡೆಯುತ್ತಿರುವ ಎಸಿಬಿಸಿ ಏಷ್ಯನ್ ಯೂತ್ ಮತ್ತು ಜೂನಿಯರ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ನಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.
ಐಎಎನ್ಎಸ್ ವರದಿಯಂತೆ ಪುರುಷರ ವಿಭಾಗದಲ್ಲಿ ವನ್ಶಾಜ್ ಜೊತೆಗೆ 80 ಕೆಜಿ ವಿಭಾಗದಲ್ಲಿ ವಿಶಾಲ್ ಫೈನಲ್ ಪ್ರವೇಶಿಸಿದ್ದಾರೆ. ಆದರೆ, ದಕ್ಷ್ ಸಿಂಗ್ (67ಕೆಜಿ)_ , ಅಭಿಮನ್ಯು ಲೌರಾ(92 ಕೆಜಿ) ಮತ್ತು ಅಮಾನ್ ಸಿಂಗ್ ಬಿಶ್ತ್(92+ಕೆಜಿ) ಸೆಮಿಫೈನಲ್ನಲ್ಲಿ ಸೋಲು ಕಂಡು ಕಂಚಿನ ಪದಕಕ್ಕೆ ತೃಪ್ತಿ ಪಟ್ಟರು. ಮಹಿಳೆಯರ ವಿಭಾಗದಲ್ಲಿ ಪ್ರೀತಿ(57ಕೆಜಿ) ಪ್ರೀತಿ ದಹಿಯಾ(60 ಕೆಜಿ) ,ಸಿಮ್ರಾನ್ ವರ್ಮಾ(52 ಕೆಜಿ) ಮತ್ತು ಸ್ನೇಹಾ ಕುಮಾರಿ(66ಕೆಜಿ) ಫೈನಲ್ ತಲುಪಿದ್ದಾರೆ.
ಟೂರ್ನಿಯ 7ನೇ ದಿನ ಐದು ಕಿರಿಯ ಭಾರತೀಯ ಬಾಕ್ಸರ್ಗಳು ತಮ್ಮ ಸೆಮಿಫೈನಲ್ ಆಡಲಿದ್ದಾರೆ. ಬಾಲಕರಲ್ಲಿ ಆಶಿಶ್ (54 ಕೆಜಿ) ಮತ್ತು ಅಂಶುಲ್ (57 ಕೆಜಿ) ಮತ್ತು ಬಾಲಕಿಯರ ವಿಭಾಗದಲ್ಲಿ ವಿಶು ರಥೀ (48 ಕೆಜಿ), ತನು (52 ಕೆಜಿ) ಮತ್ತು ನಿಕಿತಾ ಚಾಂದ್ (60 ಕೆಜಿ) ಹೋರಾಟ ನಡೆಸಲಿದ್ದಾರೆ.