ಏಷ್ಯನ್ ಗೇಮ್ಸ್​ 2023: ಅರ್ಚರಿ ಮಹಿಳಾ ರಿಕರ್ವ್ ವಿಭಾಗದಲ್ಲಿ ಭಾರತಕ್ಕೆ ಕಂಚು... 87ಕ್ಕೆ ಏರಿಕೆ ಆದ ಪದಕಗಳ ಸಂಖ್ಯೆ

Asian Games 2023: ಹ್ಯಾಂಗ್‌ಝೌನಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್​ನಲ್ಲಿ ಭಾರತ ಪದಕಗಳ ಬೇಟೆ ಮುಂದುವರಿಸಿದೆ. ಇಂದು (ಶುಕ್ರವಾರ) ಭಾರತದ ಅರ್ಚರಿ ಮಹಿಳಾ ರಿಕರ್ವ್ ತಂಡವು ವಿಯೆಟ್ನಾಂ ತಂಡವನ್ನು ಸೋಲಿಸಿ ಕಂಚಿನ ಪದಕವನ್ನು ತನ್ನದಾಗಿಸಿಕೊಂಡಿದೆ. ಅಂಕಿತಾ ಭಕತ್, ಸಿಮ್ರಂಜೀತ್ ಮತ್ತು ಭಜನ್ ಕೌರ್ ಅವರು ಉತ್ತಮ ಪ್ರದರ್ಶನ ನೀಡಿದ್ದಾರೆ.

ಹ್ಯಾಂಗ್‌ಝೌ:ಹ್ಯಾಂಗ್‌ಝೌನಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್​ನಲ್ಲಿ ಭಾರತದ ಅರ್ಚರಿ ಮಹಿಳಾ ರಿಕರ್ವ್ ತಂಡವು ವಿಯೆಟ್ನಾಂ ತಂಡವನ್ನು ಮಣಿಸುವ ಮೂಲಕ ಕಂಚಿನ ಪದಕಕ್ಕೆ ಕೊರೊಳಡ್ಡಿದೆ. ಭಾರತದ ಅಂಕಿತಾ ಭಕತ್, ಸಿಮ್ರಂಜೀತ್ ಮತ್ತು ಭಜನ್ ಕೌರ್ ಅವರು ಒಳ್ಳೆಯ ಪ್ರದರ್ಶನ ನೀಡಿದ್ದಾರೆ.

ಈ ಬಾರಿಯ ಏಷ್ಯನ್ ಗೇಮ್ಸ್​ನಲ್ಲಿ ಭಾರತೀಯ ಆಟಗಾರರು ಹಿಂದಿನ ಏಷ್ಯನ್ ಗೇಮ್ಸ್‌ನ ದಾಖಲೆಯನ್ನು ಮುರಿದಿದ್ದಾರೆ. ಈ ಸಲ ಭಾರತ ಏಷ್ಯನ್ ಗೇಮ್ಸ್‌ನಲ್ಲಿ 21 ಚಿನ್ನ, 32 ಬೆಳ್ಳಿ ಮತ್ತು 34 ಕಂಚು ಸೇರಿದಂತೆ ಇದುವರೆಗೂ 87 ಪದಕಗಳನ್ನು ಗೆದ್ದಿದೆ. ಏಷ್ಯನ್​ ಗೇಮ್ಸ್​ ಮುಗಿಯಲು ಇನ್ನೂ ಎರಡುದಿನಗಳಷ್ಟೇ ಬಾಕಿ ಇದೆ.

ಈ ಬಾರಿ ಭಾರತ ಹಾಕಿಕೊಂಡಿರುವ ಯೋಜನೆಯಂತೆ ಪದಕಗಳ ಶತಕ ಬಾರಿಸಲು 13 ಪದಕಗಳ ಅವಶ್ಯಕತೆ ಇದ್ದು, ಗುರಿ ಈಡೇರುವ ಸಾಧ್ಯತೆಗಳಿವೆ.

ಇದನ್ನೂ ಓದಿ:Asian Games: ಬಾಂಗ್ಲಾ ಬಗ್ಗುಬಡಿದು ಫೈನಲ್​ಗೆ ಟೀಂ ಇಂಡಿಯಾ ಲಗ್ಗೆ.. ಭಾರತಕ್ಕೆ ಮತ್ತೊಂದು ಪದಕ ಖಚಿತ