ಹ್ಯಾಂಗ್‌ಝೌ (ಚೀನಾ):ಭಾರತದಪುರುಷರ 10 ಮೀಟರ್ ಏರ್ ರೈಫಲ್ ತಂಡವು ವಿಶ್ವದಾಖಲೆಯೊಂದಿಗೆ ಪ್ರಸ್ತುತ ಸಾಲಿನ ಏಷ್ಯನ್ ಗೇಮ್ಸ್‌ನಲ್ಲಿ ಮೊದಲ ಚಿನ್ನ ಸಂಪಾದಿಸಿತು. ರುದ್ರಾಂಕ್ಷ್ ಪಾಟೀಲ್, ಐಶ್ವರಿ ತೋಮರ್ ಮತ್ತು ದಿವ್ಯಾಂಶ್ ಪನ್ವಾರ್ ಚಿನ್ನಕ್ಕೆ ಗುರಿಯಿಟ್ಟ ಸ್ಪರ್ಧಿಗಳು. ಈವೆಂಟ್‌ನಲ್ಲಿ ಈ ಮೂವರು 1893.7 ಪಾಯಿಂಟ್‌ ಗಳಿಸಿದರು. ದಕ್ಷಿಣ ಕೊರಿಯಾ ಬೆಳ್ಳಿ ಹಾಗೂ ಚೀನಾ ಕಂಚು ಜಯಿಸಿತು.
ಇದೇ ವೇಳೆ, ಭಾರತ ತಂಡ 10 ಮೀಟರ್ ಏರ್ ರೈಫಲ್‌ನ ವಿಶ್ವದಾಖಲೆ ನಿರ್ಮಿಸಿತು. ಕಳೆದ ತಿಂಗಳು ಚೀನಿ ಸ್ಪರ್ಧಿಗಳ ತಂಡ 1893.3 ಅಂಕ ಗಳಿಸಿತ್ತು. ಇದೀಗ ಭಾರತ 1893.7 ಪಾಯಿಂಟ್‌ ಗಳಿಕೆಯೊಂದಿಗೆ ಈ ದಾಖಲೆ ಅಳಿಸಿ ಹಾಕಿದೆ.
ರೋಯಿಂಗ್ನಲ್ಲಿ ಕಂಚು: ರೋಯಿಂಗ್ನಲ್ಲಿ ಭಾರತಕ್ಕೆ ಇಂದು ಮತ್ತೊಂದು ಪದಕ ಬಂದಿದೆ. ಪುರುಷರ 4ನೇ ವಿಭಾಗದ ಫೈನಲ್‌ನಲ್ಲಿ ಜಸ್ವಿಂದರ್, ಭೀಮ್, ಪುನಿತ್ ಮತ್ತು ಆಶಿಶ್ ಕಂಚು ಗೆದ್ದರು.