ಅಮಾನ್‌ (ಜೋರ್ಡಾನ್‌):ಜೋರ್ಡಾನ್‌ನ ಅಮಾನ್‌ನಲ್ಲಿ ನಡೆಯುತ್ತಿರುವ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತಕ್ಕೆ ಮತ್ತೆ ಮೂರು ಚಿನ್ನದ ಪದಕಗಳು ಬಂದಿವೆ. ಮಹಿಳಾ ಬಾಕ್ಸರ್ಗಳಾದ ಲವ್ಲಿನಾ, ಸ್ವೀಟಿ ಹಾಗೂ ಅಲಿಫಿಯಾ ಪಠಾಣ್ ಬಂಗಾರದ ಪದಕಕ್ಕೆ ಗೆದ್ದಿದ್ದಾರೆ.
ಇಂದು ನಡೆದ ಫೈನಲ್ ಪಂದ್ಯಗಳಲ್ಲಿ ಭಾರತದ ಮಹಿಳಾ ಬಾಕ್ಸರ್ಗಳು ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಇದಕ್ಕೂ ಮುನ್ನ ಮಹಿಳೆಯರ 63 ಕೆಜಿ ವಿಭಾಗದ ಫೈನಲ್ನಲ್ಲಿ ಪರ್ವೀನ್ ಹೂಡಾ ಚಿನ್ನದ ಪದಕ ಗೆದ್ದಿದ್ದರು. ಮಹಿಳೆಯರ 52 ಕೆಜಿ ವಿಭಾಗದಲ್ಲಿ ಮೀನಾಕ್ಷಿ ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿದ್ದರು.
ಈಗ 75 ಕೆಜಿ ವಿಭಾಗದಲ್ಲಿ ಲವ್ಲಿನಾ, 81 ಕೆಜಿ ವಿಭಾಗದಲ್ಲಿ ಸ್ವೀಟಿ ಹಾಗೂ 81 ಕೆಜಿಗೂ ಮೆಲ್ಪಟ್ಟವರ ವಿಭಾಗದಲ್ಲಿ ಅಲಿಫಿಯಾ ಪಠಾಣ್ ಸಹ ಬಂಗಾರದ ಪದಕಕ್ಕೆ ಗೆದ್ದಿದ್ದಾರೆ. ಈ ಮೂಲಕ ಫೈನಲ್ ಪ್ರವೇಶಿಸಿದ ಐವರು ಮಹಿಳಾ ಬಾಕ್ಸರ್ಗಳ ಪೈಕಿ ನಾಲ್ವರು ಚಿನ್ನ ಮತ್ತು ಒಬ್ಬರು ಬೆಳ್ಳಿ ಪದಕ ಗೆದ್ದು ಮಿಂಚಿದ್ದಾರೆ.