ನವದೆಹಲಿ: ಭಾರತದ ಗೌರವ್ ಸೈನಿ 70 ಕೆಜಿ ವಿಭಾಗದ ಜೂನಿಯರ್ ಬಾಯ್ಸ್ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ. ಅವರು ಎಎಸ್ಬಿಸಿ ಏಷ್ಯನ್ ಯೂತ್ & ಜೂನಿಯರ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ಸ್ನಲ್ಲಿ ಸೋಮವಾರ ಕಿರ್ಗಿಸ್ತಾನದ ಜಾಕಿರೋವ್ ಮುಖಮಾಡಾಜಿಜ್ ಅವರನ್ನು ಮಣಿಸಿದರು.
ಹರಿಯಾಣದ ಗೌರವ್ ಇಂದಿನ ಪಂದ್ಯದಲ್ಲಿ ಎದುರಾಳಿ ಬಾಕ್ಸರ್ನಿಂದ ಪ್ರತಿರೋಧ ಎದುರಾದರೂ ತಮ್ಮ ಬಲಿಷ್ಠ ಪಂಚ್ಗಳಿಂದ 4-1ರಲ್ಲಿ ಗೆಲುವು ಸಾಧಿಸಿದರು. ಇವರಷ್ಟೇ ಅಲ್ಲದೆ 3 ಬಾಕ್ಸರ್ಗಳು ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಮತ್ತೆ ಪದಕಗಳನ್ನು ಖಚಿತಪಡಿಸಿದರು.
54 ಕೆಜಿ ವಿಭಾಗದಲ್ಲಿ ಆಶಿಷ್ ತಜಿಕಿಸ್ತಾನ ರೆಹ್ಮನೊವ್ ಜಾಫರ್ ವಿರುದ್ಧ 5-0ಯಲ್ಲಿ, ಅನ್ಶುಲ್ 57 ಕೆಜಿ ವಿಭಾಗದಲ್ಲಿ ಸ್ಥಳೀಯ ಬಾಕ್ಸರ್ ಮನ್ಸೂರ್ ಖಲೀದ್ ವಿರುದ್ಧ ಗೆಲುವು ಸಾಧಿಸಿದರು. ಅನ್ಶುಲ್ ನಿರಂತರ ದಾಳಿ ನಡೆಸಿದ್ದರಿಂದ ಎದುರಾಳಿ ಚೇತರಿಸಿಕೊಳ್ಳುವಲ್ಲಿ ವಿಫಲರಾದ ಕಾರಣ ರೆಫ್ರಿ ಭಾರತೀಯನನ್ನು ವಿಜೇತರೆಂದು ಘೋಷಿಸಿದರು.