ಮೇಟನ್​ ಕಪ್.. ವರ್ಷದ ಮೊದಲ ಟೂರ್ನಿಯಲ್ಲೇ ಚಿನ್ನಕ್ಕೆ ಮುತ್ತಿಕ್ಕಿದ ಅಪೂರ್ವಿ,ದಿವ್ಯಾಂಶ್‌ ಸಿಂಗ್..​

ಮೇಟನ್​ ಕಪ್​ ಅಂತರರಾಷ್ಟ್ರೀಯ ಶೂಟಿಂಗ್​ ಚಾಂಪಿಯನ್​ಶಿಪ್​ನ ಮಹಿಳೆಯರ ವಿಭಾಗದ 10 ಮೀಟರ್​ ಏರ್‌ ರೈಫಲ್​ನಲ್ಲಿ 27 ವರ್ಷದ ಅಪೂರ್ವಿ ಚಂಡೇಲಾ 251.4 ಅಂಕ ಪಡೆದು ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ದಾರೆ. ಅದೇ ವಿಭಾಗದಲ್ಲಿ ಭಾರತದವರೇ ಆದ ಅಂಜುಮ್​ ಮೌಡ್ಗಿಲ್​ 229 ಅಂಕ ಸಂಪಾದಿಸಿ ಕಂಚಿನ ಪದಕ ಪಡೆಯುವಲ್ಲಿ ಸಫಲರಾಗಿದ್ದಾರೆ.

ಇನ್ಸ್‌ಬ್ರಕ್(ಆಸ್ಟ್ರೀಯ):ಆಸ್ಟ್ರೀಯಾದಲ್ಲಿ ನಡೆಯುತ್ತಿರುವ ಮೇಟನ್​ ಕಪ್​ನಲ್ಲಿ ಭಾರತ ಶೂಟರ್​ಗಳಾದ ಅಪೂರ್ವಿ ಚಂಡೇಲಾ, ದಿವ್ಯಾಂಶ್​ ಸಿಂಗ್ ಪನ್ವರ್​ 10 ಮೀಟರ್​ ಏರ್​ ರೈಫಲ್​ನಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದಾರೆ.

ಮೇಟನ್​ ಕಪ್​ ಅಂತರರಾಷ್ಟ್ರೀಯ ಶೂಟಿಂಗ್​ ಚಾಂಪಿಯನ್​ಶಿಪ್​ನ ಮಹಿಳೆಯರ ವಿಭಾಗದ 10 ಮೀಟರ್​ ಏರ್‌ ರೈಫಲ್​ನಲ್ಲಿ 27ವರ್ಷದ ಅಪೂರ್ವಿ ಚಂಡೇಲಾ 251.4 ಅಂಕ ಪಡೆದು ಚಿನ್ನದ ಪದಕ ಪಡೆದಿದ್ದಾರೆ. ಅದೇ ವಿಭಾಗದಲ್ಲಿ ಭಾರತದವರೇ ಆದ ಅಂಜುಮ್​ ಮೌಡ್ಗಿಲ್​ 229 ಅಂಕ ಸಂಪಾದಿಸಿ ಕಂಚಿನ ಪದಕ ಪಡೆಯುವಲ್ಲಿ ಸಫಲರಾಗಿದ್ದಾರೆ.

ಪುರುಷರ ವಿಭಾಗದ 10ಮೀಟರ್​ ಏರ್​ರೈಫಲ್​ನಲ್ಲಿ ಭಾರತದ ದಿವ್ಯಾಂಶ್ ಸಿಂಗ್ ಪನ್ವರ್​ 249.7 ಅಂಕಗಳೊಂದಿಗೆ ಚಿನ್ನದ ಪದಕ ಪಡೆದರೆ,ಮತ್ತೊಬ್ಬ ಭಾರತೀಯ ದೀಪಕ್​ ಕುಮಾರ್ 228 ಅಂಕಗಳೊಂದಿಗೆ ಕಂಚಿನ ಪದಕ ಪಡೆದಿದ್ದಾರೆ.ಇಲ್ಲಿ ಪದಕ ಗೆದ್ದಿರುವ ನಾಲ್ಕು ಶೂಟರ್​ಗಳು ಈಗಾಗಲೇ ಟೋಕಿಯೋ ಒಲಿಂಪಿಕ್​ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ. ಅಪೂರ್ವಿ ಚಂಡೇಲಾ ದಕ್ಷಿಣ ಕೊರಿಯಾದಲ್ಲಿ ನಡೆದಿದ್ದ ಶೂಟಿಂಗ್ ವಿಶ್ವಕಪ್​ನಲ್ಲಿ 4ನೇ ಸ್ಥಾನ ಪಡೆಯುವ ಮೂಲಕ ಟೋಕಿಯೋ ಒಲಿಂಪಿಕ್​ಗೆ ಅರ್ಹತೆಗಿಟ್ಟಿಸಿಕೊಂಡಿದ್ದರು.

ದಿವ್ಯಾಂಶ್​ 2019 ಐಎಸ್​ಎಸ್​ಎಫ್​ ವಿಶ್ವಕಪ್​ನಲ್ಲಿ ಬೆಳ್ಳಿಪದಕ ಗೆದ್ದು ಟೋಕಿಯೋ ಒಲಿಂಪಿಕ್​ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದರು. ದೀಪಕ್​ 14ನೇ ಏಷಿಯನ್​ ಚಾಂಪಿಯನ್​ಶಿಪ್​ನಲ್ಲಿ ಕಂಚು ಗೆಲ್ಲುವ ಮೂಲಕ ಒಲಿಪಿಕ್​ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದರು.