ಇತಿಹಾಸ ಬರೆದ ಕುಸ್ತಿಪಟು ಅನ್ಶು ಮಲಿಕ್.. ವಿಶ್ವಚಾಂಪಿಯನ್​ಶಿಪ್​ನಲ್ಲಿ ಫೈನಲ್​ಗೇರಿದ ಮೊದಲ ಭಾರತೀಯ ಮಹಿಳೆ

ಏಷ್ಯನ್ ಚಾಂಪಿಯನ್ ಆಗಿರುವ 19 ವರ್ಷ ವಯಸ್ಸಿನ ಅನ್ಶು ಸೆಮಿಫೈನಲ್​ ಬೌಟ್​ನಲ್ಲಿ ಆರಂಭದಿಂದಲೂ ಎದುರಾಳಿಯ ಮೇಲೆ ನಿಯಂತ್ರಣ ಸಾಧಿಸಿದರು ಮತ್ತು ತಾಂತ್ರಿಕ ಶ್ರೇಷ್ಠತೆ ಮೆರೆದು 57 ಕೆಜಿ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ ಭಾರತ ಮೊದಲ ಮಹಿಳಾ ಕುಸ್ತಿಪಟು ಎನಿಸಿಕೊಂಡರು.

ಒಸ್ಲೋ(ನಾರ್ವೆ): ಭಾರತದ ಯುವ ಮಹಿಳಾ ಕುಸ್ತಿಪಟು ಅನ್ಶು ಮಲಿಕ್ ಬುಧವಾರ​ ವಿಶ್ವ ಕುಸ್ತಿ ಚಾಂಪಿಯನ್​ಶಿಪ್​ನಲ್ಲಿ ಫೈನಲ್​ ಪ್ರವೇಶಿಸುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ. ಮಲಿಕ್​ ಸೆಮಿಫೈನಲ್​ನಲ್ಲಿ ಜೂನಿಯರ್ ಯುರೋಪಿಯನ್​ ಚಾಂಪಿಯನ್​ ಉಕ್ರೇನ್​ನ​ ಸೊಲೊಮಿಯಾ ವಿನ್ನಿಕ್ ಅವರನ್ನು 11-0 ಅಂತರದಲ್ಲಿ ಮಣಿಸಿ ಫೈನಲ್​ ಪ್ರವೇಶಿಸಿದ್ದಾರೆ.

ಏಷ್ಯನ್ ಚಾಂಪಿಯನ್ ಆಗಿರುವ 19 ವರ್ಷ ವಯಸ್ಸಿನ ಅನ್ಶು ಸೆಮಿಫೈನಲ್​ ಬೌಟ್​ನಲ್ಲಿ ಆರಂಭದಿಂದಲೂ ಎದುರಾಳಿಯ ಮೇಲೆ ನಿಯಂತ್ರಣ ಸಾಧಿಸಿದರು ಮತ್ತು ತಾಂತ್ರಿಕ ಶ್ರೇಷ್ಠತೆ ಮೆರೆದು 57 ಕೆಜಿ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ ಭಾರತ ಮೊದಲ ಮಹಿಳಾ ಕುಸ್ತಿಪಟು ಎನಿಸಿಕೊಂಡರು.

ವಿಶ್ವ ಚಾಂಪಿಯನ್​ಶಿಪ್​ನಲ್ಲಿ ಕೇವಲ 4 ಭಾರತೀಯ ಮಹಿಳಾ ಕುಸ್ತಿಪಟುಗಳು ಮಾತ್ರ ಪದಕ ಗೆದ್ದಿದ್ದಾರೆ. ಗೀತಾ ಫೋಗಟ್​(2012), ಬಬಿತಾ ಫೋಗಟ್​(2012), ಪೂಜಾ ಧಂಡ(2018) ಮತ್ತು ವಿನೇಶ್ ಫೋಗಟ್​(2019) ಈ ಹಿಂದೆ ಕಂಚಿನ ಪದಕ ಪಡೆದಿದ್ದರು.

ಆದರೆ ಅನ್ಶು ಇವರೆಲ್ಲರಿಗಿಂತ ಒಂದು ಹೆಜ್ಜೆ ಮುಂದೆ ಹೋಗಿ ಫೈನಲ್ ಪ್ರವೇಶಿಸಿ ಕನಿಷ್ಠ ಬೆಳ್ಳಿ ಪದಕ ಖಚಿತಪಡಿಸಿದ್ದಾರೆ. ಅಲ್ಲದೇ ವಿಶ್ವ ಚಾಂಪಿಯನ್​ಶಿಪ್ ಇತಿಹಾಸದಲ್ಲಿ ಸುಶೀಲ್ ಕುಮಾರ್(2010) ಮತ್ತು ಬಜರಂಗ್ ಪೂನಿಯಾ(2018) ನಂತರ ಫೈನಲ್​ ಪ್ರವೇಶಿಸಿದ ಕುಸ್ತಿಪಟು ಎನಿಸಿಕೊಂಡರು. ಅನ್ಶು ಪ್ರಸ್ತುತ ಆವೃತ್ತಿಯಲ್ಲಿ ಭಾರತಕ್ಕೆ ಮೊದಲ ಪದಕವನ್ನು ಖಚಿಪಡಿಸಿದ್ದಾರೆ.

ಇನ್ನು ಹಾಲಿ ವಿಶ್ವ ಚಾಂಪಿಯನ್​ಗೆ ಮಣಿಸಿದ್ದ ಅಚ್ಚರಿ ಮೂಡಿಸಿದ್ದ ಸರಿತಾ ಸೆಮಿಫೈನಲ್​ನಲ್ಲಿ ಬಲ್ಗೇರಿಯಾದ ಬಿಲಿಯಾನಾ ಜಿವ್ಕೋವಾ ದುಡೋವಾ ವಿರುದ್ಧ 0-3 ರಲ್ಲಿ ಸೋಲು ಕಂಡು ನಿರಾಸೆ ಅನುಭವಿಸಿದರು. ಇದೀಗ ಅವರು ಕಂಚಿನ ಪದಕಕ್ಕಾಗಿ ಹೋರಾಟ ನಡೆಸಲಿದ್ದಾರೆ.

ಇದನ್ನು ಓದಿ:EXCLUSIVE: ಶೆಫಾಲಿ ಅಂದ್ರೆ ಮಿಂಚು, ಅವರನ್ನು ಕಂಡ್ರೆ ಎದುರಾಳಿ ತಂಡಗಳಿಗಿದೆ ಭಾರಿ ಭಯ:ರಾಮನ್