ನ್ಯೂಯಾರ್ಕ್:ಭಾನುವಾರ ನಡೆದಪ್ರತಿಷ್ಟಿತ ಯುಎಸ್ ಓಪನ್ 2022 ಪುರುಷರ ಸಿಂಗಲ್ಸ್‌ ಟೆನಿಸ್ ಪಂದ್ಯಾವಳಿಯ ಫೈನಲ್‌ನಲ್ಲಿ ಸ್ಪೇನ್‌ನ ಕಾರ್ಲೋಸ್‌ ಅಲ್ಕರಜ್ ಮತ್ತು ನಾರ್ವೆಯ ಕ್ಯಾಸ್ಪರ್‌ ರೂಡ್ ಅನಿರೀಕ್ಷಿತವಾಗಿ ಪ್ರಶಸ್ತಿ ಕಣದಲ್ಲಿ ನಿಂತು ಮುಖಾಮುಖಿಯಾಗಿ ಜಿದ್ದಾಜಿದ್ದಿನ ಪೈಪೋಟಿ ನಡೆಸಿದರು. ಕುತೂಹಲದ ಸಂಗತಿ ಎಂದರೆ, ಇಬ್ಬರಿಗೂ ಇದು ಮೊದಲ ಯುಎಸ್ ಓಪನ್ ಫೈನಲ್ ಆಗಿತ್ತು. ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಉಭಯ ಆಟಗಾರರು ನೀನಾ-ನಾನಾ ಎಂಬಂತೆ ಸ್ಪರ್ಧಿಸಿದರು. ಅಂತಿಮವಾಗಿ ಗೆಲುವು ಸ್ಪೇನ್‌ನ 19 ವರ್ಷದ ಆಟಗಾರ ಅಲ್ಕರಜ್‌ಗೆ ಒಲಿಯಿತು.
ಸುಮಾರು ಮೂರೂವರೆ ಗಂಟೆಗಳ ಕಾಲ ನಡೆದ ಹೋರಾಟದಲ್ಲಿ 6-4, 2-6, 7-6(1), 6-3 ಸೆಟ್‌ಗಳಿಂದ ಅಲ್ಕರಜ್ ಗೆದ್ದು ಸಂಭ್ರಮಿಸಿದರು. ಇದರೊಂದಿಗೆ ವಿಶ್ವದ ನಂಬರ್ ಒನ್ ಶ್ರೇಯಾಂಕವನ್ನೂ ಪಡೆದಿದ್ದಾರೆ.