ಬುಡಾಪೆಸ್ಟ್(ಹಂಗೇರಿ): 2020ರ ಯೂರೋ ಲೀಗ್ ಆರಂಭವಾಗುವ ಒಂದು ಗಂಟೆ ಮುಂಚೆ ನಡೆದ ಮಾಧ್ಯಮಗೋಷ್ಠಿಯಲ್ಲಿ ಹಾಲಿ ಪೋರ್ಚುಗಲ್ ನಾಯಕ ಕ್ರಿಶ್ಚಿಯಾನೋ ರೊನಾಲ್ಡೊ ವೇದಿಕೆಯಲ್ಲಿದ್ದ ಕೊಕಾ ಕೋಲಾ ಬಾಟಲ್ಗಳನ್ನು ತೆಗೆಸಿ, ನೀರಿನ ಬಾಟಲ್ಗಳನ್ನು ಇರಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲಾತಾಣದಲ್ಲಿ ಬಿರುಗಾಳಿ ಎಬ್ಬಿಸುತ್ತಿದೆ.
ಹಾಲಿ ಚಾಂಪಿಯನ್ ಪೋರ್ಚುಗಲ್ ತಂಡ ಇಂದು ಫೆರೆನ್ಸ್ ಪುಸ್ಕಾಸ್ ಸ್ಟೇಡಿಯಂನಲ್ಲಿ ಹಂಗೇರಿ ವಿರುದ್ಧ ನಡೆಯಬೇಕಿತ್ತು. ಇದಕ್ಕೂ ಮುನ್ನ ಪೋರ್ಚುಗಲ್ ನಾಯಕ ಕೋಚ್ ಜೊತೆಗೆ ಸುದ್ದಿಗೋಷ್ಠಿಗೆ ಆಗಮಿಸಿದ್ದರು. ಅವರು ವೇದಿಕೆ ಬಳಿ ಬಂದಾಗ ಟೇಬಲ್ ಮೇಲೆ ಕೊಕಾ ಕೋಲಾ ಬಾಟೆಲ್ಗಳನ್ನು ನೋಡಿ ಕೋಪಗೊಂಡಿದ್ದಾರೆ.