ಲೀಡ್ಸ್ :ಮ್ಯಾಂಚೆಸ್ಟರ್ ಸಿಟಿ ಅಥವಾ ಚೆಲ್ಸಿಯಾ ಪರ ಆಡುವ ಅವಕಾಶವಿದ್ದರೂ ಲಿವರ್ ಪೂಲ್ (ದಿ ರೆಡ್ಸ್‌) ತಂಡವನ್ನು ಆಯ್ಕೆ ಮಾಡಿಕೊಳ್ಳಲು ಕಾರಣವೇನು ಎಂಬುವುದನ್ನು ಡಚ್ ಡಿಫೆಂಡರ್ ವರ್ಜಿಲ್ ವ್ಯಾನ್ ಡಿಜ್ಕ್ ಬಹಿರಂಗಪಡಿಸಿದ್ದು, ತಂಡದ ಮ್ಯಾನೇಜರ್ ಜುರ್ಗೆನ್ ಕ್ಲೋಪ್ ಅವರ ಕಾರಣದಿಂದಲೇ ನಾನು ಲಿವರ್ ಪೂಲ್ ಸೇರಿದೆ ಎಂದಿದ್ದಾರೆ.
ಚೆಲ್ಸಿಯಾ ಮತ್ತು ಮ್ಯಾಂಚೆಸ್ಟರ್ ಸಿಟಿಗೆ ಸೇರಲು ನನಗೆ ಅವಕಾಶವಿತ್ತು. ನೀವು ಸಾಮಾನ್ಯವಾಗಿ, ತಂಡದ ಇತಿಹಾಸ, ಸಿಟಿಯ ಹೆಸರು, ತಂಡದ ಮುಂದಿನ ಭವಿಷ್ಯವನ್ನು ಗಮನಿಸಿ ಆಯ್ಕೆ ಮಾಡುತ್ತೀರಿ. ಆದರೆ, ನಾನು ತಂಡದ ಮ್ಯಾನೇಜರ್ ನೋಡಿ ಆಯ್ಕೆ ಮಾಡಿದೆ ಎಂದು ಕ್ರೀಡಾ ವೆಬ್ಸೈಟ್ ಒಂದರಲ್ಲಿ ವ್ಯಾನ್ ಡಿಜ್ಕ್ ಹೇಳಿಕೊಂಡಿದ್ದಾರೆ.
ಲಿವರ್ ಪೂಲ್ ತಂಡದ ಮ್ಯಾನೇಜರ್ ಜುರ್ಗೆನ್ ಕ್ಲೋಪ್ ಕ್ಲೋಪ್‌ಗೆ ಕೆಲವೊಂದು ವಿಶೇಷತೆ ಇದೆ. ನಾನು ಕೆಲವೊಮ್ಮೆ ಕುಳಿತು ಅವನು ಅವರು ಏನು ಮಾಡುತ್ತಾರೆ ಮತ್ತು ಇತರರಿಗಿಂತ ಏನು ವಿಶೇಷತೆ ಹೊಂದಿದ್ದಾರೆ ಎಂದು ಯೋಚಿಸುತ್ತೇನೆ. ಅವರ ವಿಶೇಷತೆ ಮ್ಯಾನ್ ಮ್ಯಾನೇಜ್ಮೆಂಟ್ ಎಂದು ಭಾವಿಸುತ್ತೇನೆ. ಪ್ರಸ್ತುತ ದಿನಗಳಲ್ಲಿ ಫುಟ್ಬಾಲ್ಗೆ ಇದು ಮುಖ್ಯವಾಗಿದೆ. ಕ್ಲೋಪ್ ನಿಮಗೆ ದೊಡ್ಡ ಭಾವನೆಯನ್ನು ನೀಡುತ್ತಾರೆ. ನೀವು ಬೆಳಗ್ಗೆ ಕ್ಲಬ್‌ಗೆ ಕಾಲಿಟ್ಟಾಗ ಅವರು ನಿಜವಾಗಿಯೂ ಸಂತೋಷವಾಗಿರುತ್ತಾರೆ. ಇದು ಸಿಲ್ಲಿ ಅನಿಸಬಹುದು. ಆದರೆ, ಇದು ನಿಜವಾಗಿಯೂ ಆಟಗಾರನಾಗಿ ನಿಮ್ಮನ್ನು ಪ್ರೇರೇಪಿಸುತ್ತದೆ ಎಂದಿದ್ದಾರೆ ಡಿಜ್ಕ್.
ವ್ಯಾನ್ ಡಿಜ್ಕ್ 2018 ರಲ್ಲಿ ಲಿವರ್‌ಪೂಲ್‌ ತಂಡವನ್ನು ಸೇರಿಕೊಂಡಿದ್ದಾರೆ. ಲಿವರ್ ಪೂಲ್ ತಂಡ ಇದುವರೆಗೆ ಚಾಂಪಿಯನ್ಸ್ ಲೀಗ್, ಯುಇಎಫ್‌ಎ ಸೂಪರ್ ಕಪ್ ಮತ್ತು ಕ್ಲಬ್ ವಿಶ್ವಕಪ್ ಸೇರಿದಂತೆ ವಿಶೇಷ ಪ್ರಶಸ್ತಿಗಳನ್ನು ಪಡೆದುಕೊಂಡಿದೆ. ಜೊತೆಗೆ ಇತ್ತೀಚೆಗೆ ನಡೆದ ಇಂಗ್ಲಿಷ್ ಪ್ರೀಮಿಯರ್ ಲೀಗ್ನಲ್ಲಿ ಅಂಕ ಪಟ್ಟಿಯಲ್ಲಿ ಮ್ಯಾಂಚೆಸ್ಟರ್ ಸಿಟಿ ತಂಡಕ್ಕಿಂತ 20 ಪಾಯಿಂಟ್ಗಳ ಮುನ್ನಡೆ ಸಾಧಿಸುವ ಮೂಲಕ ಪ್ರೀಮಿಯರ್ ಲೀಗ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದೆ.
