ಮಿಲನ್:ಪೋರ್ಚುಗೀಸ್ ಸ್ಟಾರ್ ಕ್ರಿಶ್ವಿಯಾನೊ ರೊನಾಲ್ಡೊ ಸಿಡಿಸಿದ ಗೋಲಿನ ನೆರವಿನಿಂದ ಭಾನುವಾರ ನಡೆದ ಪಂದ್ಯದಲ್ಲಿ ಸಂಪಡೋರಿಯಾ ವಿರುದ್ಧ 2-0ಯ ಜಯ ಗಳಿಸುವ ಮೂಲಕ ಜುವೆಂಟಸ್ ತಂಡ ಸತತ 9ನೇ ಬಾರಿಗೆ ಸೀರಿ ಎ ಪ್ರಶಸ್ತಿ ಜಯಿಸಿದೆ.
ನಿನ್ನೆಯ ಪಂದ್ಯದಲ್ಲಿ ಕ್ರಿಸ್ಚಿಯಾನೊ ರೊನಾಲ್ಡೋ 45+7ನೇ ನಿಮಿಷದಲ್ಲಿ ಮೊದಲ ಗೋಲ್ ಬಾರಿಸಿ ತಂಡಕ್ಕೆ ಮುನ್ನಡೆ ಕೊಟ್ಟರು. ಅದಾಗಿ 66ನೇ ನಿಮಿಷದಲ್ಲಿ ಫೆಡೆರಿಕೊ ಬರ್ನಾರ್ಡೆಸ್ಚಿ ಎರಡನೇ ಗೋಲ್ ಬಾರಿಸಿ ಗೆಲುವಿನ ಅಂತರ ಹೆಚ್ಚಿಸಿದರು.