ಪ್ರೀಮಿಯರ್​ ಲೀಗ್​ : ಮ್ಯಾಂಚೆಸ್ಟರ್​ ಸಿಟಿಯನ್ನು 1-0 ಗೋಲುಗಳಿಂದ ಸೋಲಿಸಿದ ಸೌತಂಪ್ಟನ್

ಇಂಗ್ಲಿಷ್​ ಪ್ರೀಮಿಯರ್​ ಲೀಗ್​ನ ಭಾನುವಾರದ ಪಂದ್ಯದಲ್ಲಿ 1-0 ಗೋಲುಗಳಿಂದ ಮ್ಯಾಂಚೆಸ್ಟರ್​ ಸಿಟಿಯನ್ನು ಸೋಲಿಸುವ ಮೂಲಕ ಸೌತಂಪ್ಟನ್​ ಸ್ಕೋರ್​ ಪಟ್ಟಿಯಲ್ಲಿ 13 ನೇ ಸ್ಥಾನಕ್ಕೇರಿದೆ.

ಇಂಗ್ಲೆಂಡ್​ : ಇಂಗ್ಲಿಷ್​ ಪ್ರೀಮಿಯರ್​ ಲೀಗ್​ನ ಭಾನುವಾರದ ಪಂದ್ಯದಲ್ಲಿ ಚೆ ಆಡಮ್ಸ್ ಅದ್ಭುತವಾದ ಆಟ ಆಡುವ ಮೂಲಕ ಸೌತಂಪ್ಟನ್ ತಂಡವು 1-0 ಗೋಲುಗಳಿಂದ ಮ್ಯಾಂಚೆಸ್ಟರ್​ ಸಿಟಿಯನ್ನು ಸೋಲಿಸಿತು.

ಸೀಸನ್​ ಆರಂಭದಲ್ಲಿ ನಿರಾಶದಾಯಕ ಆಟ ಆಡಿದ ಆಡಮ್ಸ್​, ಸಿಟಿ ಡಿಫೆಂಡರ್ ಒಲೆಕ್ಸಂಡರ್ ಜಿಂಚೆಂಕೊ ಹೊರ ಹೋದ ಬಳಿಕ ಉತ್ತಮ ಪ್ರದರ್ಶನ ತೋರಿದರು. ಆಡಮ್ಸ್ 16 ನಿಮಿಷದಲ್ಲಿ 40 ಮೀಟರ್​ ವೃತ್ತದಲ್ಲಿ ಗೋಲ್​ ಕೀಪರ್​ ಎಡರ್ಸನ್ ಮೊರೇಸ್ ತಲೆ ಮೇಲೆ ಗೋಲು ಹೊಡೆಯುವ ಮೂಲಕ ತಂಡದ ಗೆಲುವಿಗೆ ಕಾರಣರಾದರು.

ಜೊತೆಗೆ ಸೌತಂಪ್ಟನ್ ಗೋಲ್​ ಕೀಪರ್ ​ಅಲೆಕ್ಸ್ ಮೆಕಾರ್ಥಿಯ ಕೂಡ ಉತ್ತಮ ಪ್ರದರ್ಶನ ತೋರುವ ಮೂಲಕ ಸಿಟಿಯನ್ನು ಮೂರನೇ ಬಾರಿ ಸೋಲುವಂತೆ ಮಾಡಿದರು. ಮ್ಯಾಂಚೆಸ್ಟರ್​ ಸಿಟಿಯ ಕೋಚ್​ ಪೆಪ್ ಗಾರ್ಡಿಯೊಲಾ ಅವರು ತಮ್ಮ ವೃತ್ತಿ ಜೀವನದಲ್ಲಿ ನಿರ್ವಹಿಸಿದ ತಂಡವೊಂದು ಸತತ ಸೋಲು ಕಂಡಿರುವುದು ಇದೇ ಮೊದಲ ಬಾರಿಯಾಗಿದೆ.