ಬರ್ಮಿಂಗ್ಹ್ಯಾಮ್:ನಿನ್ನೆ ನಡೆದ ಫುಟ್ಬಾಲ್ ಪ್ರೀಮಿಯರ್ ಲೀಗ್ನಲ್ಲಿ ಆಸ್ಟನ್ ವಿಲ್ಲಾ ತಂಡದ ವಿರುದ್ಧ ಚೆಲ್ಸಿಯಾ ತಂಡವೂ ಜಯಭೇರಿ ಬಾರಿಸಿದೆ.
ದ್ವಿತೀಯಾರ್ಧದಲ್ಲಿ ಫೀಲ್ಡ್ಗೆ ಇಳಿದ ಕ್ರಿಶ್ಚಿಯನ್ ಪುಲಿಸಿಕ್, ಕೊನೆಯ ಐದು ನಿಮಿಷದಲ್ಲಿ 2-1 ಗೋಲುಗಳನ್ನು ಬಾರಿಸಿ ಜಯ ಸಾಧಿಸಿದರು. ಈ ಮೂಲಕ ಪ್ರೀಮಿಯರ್ ಲೀಗ್ನಲ್ಲಿ ನಾಲ್ಕನೇ ಸ್ಥಾನ ಉಳಿಸಿಕೊಳ್ಳುವಲ್ಲಿ ಸಫಲರಾಗಿದ್ದಾರೆ.
ಈ ಕುರಿತು ಹೇಳಿಕೆ ನೀಡಿರುವ ಕ್ರಿಶ್ಚಿಯನ್ ಪುಲಿಸಿಕ್, "ನನ್ನ ಎಡಕಾಲಿನ ಮೂಲಕ ನಾನು ಉತ್ತಮ ಗೋಲು ಬಾರಿಸುತ್ತೇನೆ ಎಂದು ಅಂದುಕೊಂಡಿರಲಿಲ್ಲ" ಎಂದಿದ್ದಾರೆ.
ಸದ್ಯ ಪುಲಿಸಿಕ್ ಸಾಧನೆಯನ್ನು ಅನೇಕರು ಶ್ಲಾಘಿಸಿದ್ದು, ಚೆಲ್ಸಿಯಾ ತಂಡದ ವ್ಯವಸ್ಥಾಪಕ ಫ್ರಾಂಕ್ ಲ್ಯಾಂಪಾರ್ಡ್ ಅವರು ಕೂಡ ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ.
ಇನ್ನು ಈ ಕುರಿತು ಮಾತನಾಡಿದ ಆಟಗಾರ ಫ್ರ್ಯಾಂಕ್ ಲ್ಯಾಂಫರ್ಡ್, "ವಿಭಿನ್ನತೆಯನ್ನು ಉಪಯೋಗಿಸುವ ವ್ಯಕ್ತಿಗಳು ಎಂದಿಗೂ ಕ್ರೆಡಿಟ್ ಪಡೆದುಕೊಳ್ಳುತ್ತಾರೆ. ಅಂತೆಯೇ ಪುಲಿಸಿಕ್ ಮತ್ತು ರಾಸ್ ಬಾರ್ಕ್ಲೆ ಅವರು ಉತ್ತಮ ಪ್ರದರ್ಶನ ನೀಡಿದರು. ಆದ್ದರಿಂದ ಗೆಲುವು ಸಾಧ್ಯವಾಯಿತು. ಮುಖ್ಯವಾಗಿ ಹೇಳುವುದಾದರೆ ಫಿಟ್ನೆಸ್ ಆಟದ ಪ್ರಮುಖ ಅಂಶ. ಆದ್ದರಿಂದ ಸೆಕೆಂಡ್ಹಾಫ್ನಲ್ಲಿ ಫುಲಿಸಿಕ್ ಮತ್ತು ರಾಸ್ನನ್ನು ಫೀಲ್ಡ್ಗೆ ಇಳಿಸುವ ಯೋಚನೆ ಮಾಡಿದ್ದೆ" ಎಂದಿದ್ದಾರೆ.
