ಫುಟ್​ಬಾಲ್​ ಆಟಗಾರ ಮುಲ್ಲರ್​ಗೆ ಕೊರೊನಾ ದೃಢ

ವಿಷಯ ತಿಳಿದ ಕೂಡಲೇ ಮುಲ್ಲರ್​ ತಂಡದಿಂದ ಪ್ರತ್ಯೇಕವಾಗಿದ್ದು, ಮ್ಯೂನಿಚ್‌ಗೆ ಹಿಂದಿರುಗಿದ ನಂತರ ಕ್ವಾರಂಟೈನ್​ಗೆ ಒಳಪಡಲಿದ್ದಾರೆ ಎಂದು ಕ್ಲಬ್​ನ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ..

ದೋಹಾ[ಕತಾರ್] :ಫುಟ್​ಬಾಲ್​ ಆಟಗಾರ ಥಾಮಸ್ ಮುಲ್ಲರ್​ಗೆ ಕೊರೊನಾ ಸೋಂಕು ದೃಢಪಟ್ಟಿದೆ ಎಂದು ಬೇಯರ್ನ್ ಮ್ಯೂನಿಚ್ ಪ್ರಕಟಿಸಿದ್ದಾರೆ.

ಥಾಮಸ್ ಮುಲ್ಲರ್ ಅವರು ದೋಹಾದಲ್ಲಿ ನಡೆದ ಫಿಫಾ ಕ್ಲಬ್ ವಿಶ್ವಕಪ್‌ ವೇಳೆ ಕೊರೊನಾ ಪರೀಕ್ಷೆ ನಡೆಸಿದ್ದರು. ಈ ವೇಳೆ ಅವರಿಗೆ ಕೊರೊನಾ ಸೋಂಕು ತಗುಲಿದೆ. ವಿಷಯ ತಿಳಿದ ಕೂಡಲೇ ಮುಲ್ಲರ್​ ತಂಡದಿಂದ ಪ್ರತ್ಯೇಕವಾಗಿದ್ದು, ಮ್ಯೂನಿಚ್‌ಗೆ ಹಿಂದಿರುಗಿದ ನಂತರ ಕ್ವಾರಂಟೈನ್​ಗೆ ಒಳಪಡಲಿದ್ದಾರೆ ಎಂದು ಕ್ಲಬ್​ನ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಮಲ್ಲರ್​​ಗೆ ಕೊರೊನಾ ದೃಢಪಟ್ಟ ಹಿನ್ನೆಲೆ ತಂಡದ ಎಲ್ಲಾ ಆಟಗಾರರಿಗೂ ಕೋವಿಡ್​​ ಪರೀಕ್ಷೆ ನಡೆಸಲಾಗಿದ್ದು, ಯಾವುದೇ ಪ್ರಕರಣ ಪತ್ತೆಯಾಗಿಲ್ಲ.