ಪ್ಯಾರಿಸ್: ಅರ್ಜೆಂಟೀನಾ ಫುಟ್ಬಾಲ್ ಸ್ಟಾರ್ ಲಿಯೋನೆಲ್ ಮೆಸ್ಸಿ ಸೇರಿದಂತೆ ಪಿಎಸ್ಜಿ ಕ್ಲಬ್ನ ನಾಲ್ವರು ಆಟಗಾರರಿಗೆ ಕೋವಿಡ್ 19 ಪಾಸಿಟಿವ್ ದೃಢಪಟ್ಟಿದೆ ಎಂದು ಕ್ಲಬ್ ಭಾನುವಾರ ಖಚಿತಪಡಿಸಿದೆ.
ಮೆಸ್ಸಿ ಹೊರತುಪಡಿಸಿ, PSG ಕ್ಲಬ್ನ ಜುವಾನ್ ಬೆರ್ನಾಟ್, ಸೆರ್ಗಿಯೋ ರಿಕೊ ಮತ್ತು ನೇಥನ್ ಬಿಟುಮ್ಜಾಲಾ ಅವರಿಗೆ ಕೋವಿಡ್ 19 ಸೋಂಕು ತಗುಲಿದೆ. ಈ ಎಲ್ಲಾ ಸೋಂಕಿತ ಆಟಗಾರರನ್ನು ಪ್ರತ್ಯೇಕಿಸಲಾಗಿದೆ ಎಂದು ಕ್ಲಬ್ ಭಾನುವಾರ ಹೇಳಿಕೆ ಬಿಡುಗಡೆ ಮಾಡಿದೆ.
"ಕ್ಲಬ್ನ ನಾಲ್ವರು ಆಟಗಾರರಿಗೆ ಕೋವಿಡ್ 19 ಪಾಸಿಟಿವ್ ದೃಢಪಟ್ಟಿದೆ. ಅವರೆಲ್ಲರೂ ಐಸೊಲೇಸನ್ನಲ್ಲಿದ್ದಾರೆ ಮತ್ತು ಸೂಕ್ತವಾದ ಪ್ರೋಟೋಕಾಲ್ಗಳನ್ನು ಅನುಸರಿಸುತ್ತಿದ್ದಾರೆ" ಎಂದು ಪಿಎಸ್ಜಿ ತನ್ನ ಸ್ಟೇಟ್ಮೆಂಟ್ನಲ್ಲಿ ತಿಳಿಸಿದೆ.