ಪ್ರೇಕ್ಷಕರಿಲ್ಲದೆ ನಡೆದ ಲಾ ಲೀಗಾ ಫುಟ್ಬಾಲ್‌: ಮೊದಲ ಪಂದ್ಯದಲ್ಲಿ ಮೆಸ್ಸಿ ತಂಡಕ್ಕೆ ಜಯ

ಕೊರೊನಾ ವೈರಸ್​ ಭೀತಿಯಿಂದ ಸ್ಪ್ಯಾನಿಷ್​ ಲೀಗ್​ ಅನ್ನು ಮುಂದೂಡಲಾಗಿತ್ತು. ಇದೀಗ ಮತ್ತೆ ಟೂರ್ನಿ ಪುನಾರಂಭಗೊಂಡಿದ್ದು 99,000 ಕುಳಿತು ನೋಡುವ ಸ್ಟೇಡಿಯಂ ಅಭಿಮಾನಿಗಳಿಲ್ಲದೆ ಬಿಕೋ ಎನ್ನುತ್ತಿತ್ತು.

ಸ್ಪೇನ್​: ಕೊರೊನಾ ವೈರಸ್​ ಭೀತಿಯಿಂದ ಪ್ರೇಕ್ಷಕರಿಲ್ಲದೆ ನಡೆದ ಲಾ ಲೀಗಾ ಫುಟ್ಬಾಲ್ ಟೂರ್ನಿಯ ಮೊದಲ ಪಂದ್ಯದಲ್ಲಿ ಬಾರ್ಸಿಲೋನಾ 2-0 ಗೋಲುಗಳಿಂದ ಲೆಗನೆಸ್ ತಂಡವನ್ನು ಮಣಿಸಿ ಶುಭಾರಂಭ ಮಾಡಿದೆ.

ಕೊರೊನಾ ವೈರಸ್​ ಭೀತಿಯಿಂದ ಸ್ಪ್ಯಾನಿಷ್​ ಲೀಗ್​ ಅನ್ನು ಮುಂದೂಡಲಾಗಿತ್ತು. ಇದೀಗ ಮತ್ತೆ ಟೂರ್ನಿ ಪುನಾರಂಭಗೊಂಡಿದ್ದು 99,000 ಕುಳಿತು ನೋಡುವ ಸ್ಟೇಡಿಯಂನಲ್ಲಿ ಅಭಿಮಾನಿಗಳಿಲ್ಲದೆ ಬಿಕೋ ಎನ್ನುತ್ತಿತ್ತು. ಲಿಯೋನೆಲ್​ ಮೆಸ್ಸಿ ಹಾಗೂ ಅನ್ಶು ಫಾಟಿ ಸಿಡಿಸಿದ ಗೋಲುಗಳಿಂದ ಬಾರ್ಸಿಲೋನಾ ತನ್ನ ಮೊದಲ ಪಂದ್ಯದಲ್ಲೇ ಗೆಲುವು ಸಾಧಿಸಿದೆ.

ಬಾರ್ಸಿಲೋನಾ-ಲೆಗನೆಸ್ ಪಂದ್ಯ

ಆಟಗಾರ ಫಾಟಿ, ಪಂದ್ಯದ ಮೊದಲಾರ್ಧದಲ್ಲೇ ಗೋಲುಗಳಿಸಿ ಬಾರ್ಸಿಲೋನಾ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ನಂತರ 69ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿಯನ್ನು ಗೋಲಾಗಿ ಪರಿವರ್ತಿಸಿದ ಅವರು, ಲೀಗ್​ನಲ್ಲಿ ತನ್ನ 21ನೇ ಗೋಲು ದಾಖಲಿಸಿದರು. ಇದು ಅವರ ವೃತ್ತಿ ಜೀವನದ 699ನೇ ಗೋಲಾಗಿದೆ.

ಕ್ಯಾಟಲೋನಿಯಾ ಪ್ರತ್ಯೇಕತಾವಾದಿ ಚಳುವಳಿಯ ಮಧ್ಯೆ ಬಾರ್ಸಿಲೋನಾ ಕೊನೆಯ ಬಾರಿಗೆ 2017ರಲ್ಲಿ ಅಭಿಮಾನಿಗಳಿಲ್ಲದೆ ತವರಿನಲ್ಲಿ ಪಂದ್ಯವನ್ನಾಡಿತ್ತು. ಆ ಪಂದ್ಯದಲ್ಲಿ ತಂಡ 3-0 ಗೋಲುಗಳಿಂದ ಲಾಸ್​ ಪಾಲ್ಮಾಸ್ ತಂಡವನ್ನು ಮಣಿಸಿತ್ತು.