ಗೋವಾ: ಇಗೊರ್ ಅಂಗುಲೋ ಸಿಡಿಸಿದ ಬ್ಯಾಕ್ ಟು ಬ್ಯಾಕ್ ಗೋಲುಗಳ ನೆರವಿನಿಂದ ಬೆಂಗಳೂರು ಎಫ್ಸಿ ವಿರುದ್ಧ ಎಫ್ಸಿ ಗೋವಾ ಡ್ರಾ ಸಾಧಿಸುವಲ್ಲಿ ಯಶಸ್ವಿಯಾಗಿದೆ.
ಭಾನುವಾರ ಗೋವಾದ ಫಟೋರ್ಡಾದ ಜವಾಹರ್‌ಲಾಲ್ ನೆಹರು ಸ್ಟೇಡಿಯಮ್‌ನಲ್ಲಿ ನಡೆದ ಪಂದ್ಯದಲ್ಲಿ 2-0 ಮುನ್ನಡೆ ಹೊರೆತಾಗಿಯೂ ಬೆಂಗಳೂರು ಎಪ್ಸಿ ಗೋವಾ ಎದುರು ಡ್ರಾ ಸಾಧಿಸಿ ಗೆಲುವನ್ನು ಕೈಚೆಲ್ಲಿತು.
ಮೊದಲಾರ್ಧದ 27 ನಿಮಿಷದಲ್ಲೇ ಕ್ಲೀಟನ್ ಅಗಸ್ಟೋ ಆಕರ್ಷಕ ಗೋಲುಗಳಿಸಿ ಬೆಂಗಳೂರು ತಂಡಕ್ಕೆ ಮುನ್ನಡೆ ದೊರೆಕಿಸಿಕೊಟ್ಟರು. ಬ್ರೇಕ್ನ ನಂತರ ಜುವಾನ 57ನೇ ನಿಮಿಷದಲ್ಲಿ ಗೋಲುಗಳಿಸಿ ಬೆಂಗಳೂರು ತಂಡದ ಮುನ್ನಡೆಯನ್ನು ಇಮ್ಮಡಿಗೊಳಿಸಿದರು.
ಆದರೆ ಬೆಂಗಳೂರು ತಂಡದ ಸಂಭ್ರಮ ಹೆಚ್ಚು ಸಮಯ ಉಳಿಯಲಿಲ್ಲ, ಎಫ್ಸಿ ಗೋವಾದ ಸ್ಪ್ಯಾನೀಸ್ ಪ್ಲೇಯರ್ ಇಗೊರ್ ಅಂಗುಲೋ 66 ಮತ್ತು 69ನೇ ನಿಮಿಷದಲ್ಲಿ ಸತತ ಎರಡು ಗೋಲು ಸಿಡಿಸಿ 7ನೇ ಆವೃತ್ತಿಯ 3ನೇ ಪಂದ್ಯ ಡ್ರಾ ಆಗುವಂತೆ ಮಾಡಿದರು.
