ಫಿಫಾ ರ‍್ಯಾಂಕಿಂಗ್ ರಿಲೀಸ್: ಎರಡು ಸ್ಥಾನಗಳ ಏರಿಕೆ ಕಂಡ ಭಾರತ

ಸುನಿಲ್​ ಛೆಟ್ರಿ ನಾಯಕತ್ವದ ಭಾರತ ತಂಡ ಜನವರಿಯ ಬಳಿಕ ಯಾವುದೇ ಅಂತರಾಷ್ಟ್ರೀಯ ಪಂದ್ಯಗಳನ್ನಾಡಿಲ್ಲ. ಪ್ರಸ್ತುತ ಭಾರತ 1,219 ಅಂಕಗಳೊಂದಿಗೆ ಏಷ್ಯನ್ ದೇಶಗಳಲ್ಲಿ 18 ಸ್ಥಾನ ಪಡೆದಿದೆ.

ನವದೆಹಲಿ:ಗುರುವಾರ ಫಿಫಾ ರ‍್ಯಾಂಕಿಂಗ್​​ ಬಿಡುಗಡೆಯಾಗಿದ್ದು ಭಾರತ ತಂಡ ಎರಡು ಸ್ಥಾನಗಳ ಏರಿಕೆಯಾಗಿ 101 ಸ್ಥಾನಕ್ಕೆ ಬಡ್ತಿ ಪಡೆದಿದೆ.

ಸುನಿಲ್​ ಛೆಟ್ರಿ ನಾಯಕತ್ವದ ಭಾರತ ತಂಡ ಜನವರಿಯ ಬಳಿಕ ಯಾವುದೇ ಅಂತರಾಷ್ಟ್ರೀಯ ಪಂದ್ಯಗಳನ್ನಾಡಿಲ್ಲ. ಪ್ರಸ್ತುತ ಭಾರತ 1,219 ಅಂಕಗಳೊಂದಿಗೆ ಏಷ್ಯನ್ ದೇಶಗಳಲ್ಲಿ 18 ಸ್ಥಾನ ಪಡೆದಿದೆ.

ಏಷ್ಯನ್ ಕಪ್​ನಲ್ಲಿ ಭಾರತ ಥಾಯ್ಲೆಂಡ್ ತಂಡವನ್ನು 4-1ರಿಂದ ಮಣಿಸಿ ಉತ್ತಮ ಆರಂಭ ಪಡೆದಿತ್ತು. ಆ ಬಳಿಕ ಯುಎಇ ಹಾಗೂ ಬಹರೈನ್​ ವಿರುದ್ಧ ಸೋತು ನಿರಾಸೆ ಅನುಭವಿಸಿತು.

ಏಷ್ಯನ್ ಕಪ್​ನ ನೀರಸ ಪ್ರದರ್ಶನದ ಹಿನ್ನೆಲೆ ಕೋಚ್ ಸ್ಟೀಫನ್​​ ಕಾನ್ಸ್​ಟಂಟೈನ್​ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. ಸದ್ಯ ಭಾರತ ಫುಟ್ಬಾಲ್ ತಂಡಕ್ಕೆ ಕೋಚ್ ಹೊಂದಿಲ್ಲ.

ಬೆಲ್ಜಿಯಂಗೆ ಅಗ್ರಪಟ್ಟ:

ಬೆಲ್ಜಿಯಂ ತಂಡ ಮೊದಲ ಸ್ಥಾನದಲ್ಲೇ ಮುಂದುವರೆದಿದೆ. ವಿಶ್ವಕಪ್ ವಿಜೇತ ಫ್ರಾನ್ಸ್​ ಹಾಗೂ ಬ್ರೆಜಿಲ್ ತಂಡಗಳು ನಂತರದ ಸ್ಥಾನಗಳಲ್ಲಿ ಕಾಣಿಸಿಕೊಂಡಿವೆ.