ಕೋಲ್ಕತ್ತಾ: ಭಾರತ ಫುಟ್ಬಾಲ್ ತಂಡದ ಆಟಗಾರ ಲೈಶ್ರಾಮ್ ಮಣಿತೊಂಬಿ ಸಿಂಗ್ ಭಾನುವಾರ ನಿಧನರಾಗಿದ್ದಾರೆ.
ಪ್ರಸಿದ್ಧ ಫುಟ್ಬಾಲ್ ಕ್ಲಬ್ ಮೊಹನ್ ಬಗಾನ್ ತಂಡದ ಆಟಗಾರನಾಗಿರುವ ಮಣಿತೊಂಬಿ ದೀರ್ಘ ಕಾಲದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಭಾನುವಾರ ಮುಂಜಾನೆ ಇವರು ಸಾವನ್ನಪ್ಪಿರುವುದಾಗಿ ತಿಳಿದುಬಂದಿದೆ. ಪತ್ನಿ ಮತ್ತು 8 ವರ್ಷದ ಮಗನನ್ನು ಇವರು ಅಗಲಿದ್ದಾರೆ.
ಅಪಾರ ಸಾಮರ್ಥ್ಯವುಳ್ಳ ಅದ್ಭುತ ಆಟಗಾರನನ್ನು ನಾವು ಕಳೆದುಕೊಂಡಿದ್ದೇವೆ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಎಐಐಎಫ್ಎಫ್ ಕಾರ್ಯದರ್ಶಿ ಕುಶಾಲ್ ದಾಸ್ ಸಂತಾಪ ಸೂಚಿಸಿದ್ದಾರೆ.
'ಕ್ಲಬ್‌ನ ಮಾಜಿ ನಾಯಕನ ಅಕಾಲಿಕ ಮರಣಕ್ಕೆ ಮೋಹನ್ ಬಗಾನ್ ತೀವ್ರ ಸಂತಾಪ ಸೂಚಿಸುತ್ತಿದೆ. ಅವರ ಕುಟುಂಬಕ್ಕೆ ಇಂಥ ಸಂಕಷ್ಟದ ಸಂದರ್ಭದಲ್ಲಿ ದೇವರು ಧೈರ್ಯ ತುಂಬಲಿ ಎಂದು ಪ್ರಾರ್ಥಿಸುತ್ತೇವೆ' ಎಂದು ಮೋಹನ್ ಬಾಗಾನ್ ಟ್ವಿಟರ್‌ನಲ್ಲಿ ಬರೆದುಕೊಂಡಿದೆ.