ಕೊರೊನಾ ಫೈಟ್​: ಕ್ಯಾಂಪ್​ ನೌ ಸ್ಟೇಡಿಯಂಗೆ ಹೆಸರಿಡುವ ಹಕ್ಕನ್ನು ಮಾರಾಟ ಮಾಡಿದ ಬಾರ್ಸಿಲೋನಾ ಕ್ಲಬ್​

ಸ್ಪೇನಿನಲ್ಲಿ 2 ಲಕ್ಷಕ್ಕೂ ಹೆಚ್ಚು ಜನರಿಗೆ ಕೊರೊನಾ ಸೋಂಕು ತಗುಲಿದ್ದು, 20,000 ಕ್ಕೂ ಹೆಚ್ಚು ಜನ ಮೃತಪಟ್ಟಿದ್ದಾರೆ. ಪ್ರತಿದಿನ 2 ಸಾವಿರಕ್ಕೂ ಹೆಚ್ಚು ಸೋಂಕಿತರು ಪತ್ತೆಯಾಗುತ್ತಿದ್ದರೆ , 200ಕ್ಕೂ ಹೆಚ್ಚು ಜನರು ಸಾವನ್ನಪ್ಪುತ್ತಿದ್ದಾರೆ.

ಬಾರ್ಸಿಲೋನಾ:ಸ್ಪೇನ್​ನ ಪ್ರಸಿದ್ಧ ಫುಟ್​ಬಾಲ್​ ಕ್ಲಬ್​ ಬಾರ್ಸಿಲೋನಾ ಕೊರೊನಾ ವೈರಸ್ ವಿರುದ್ಧದ ಹೋರಾಟಕ್ಕೆ ಹಣವನ್ನು ಸಂಗ್ರಹಿಸುವುದಕ್ಕಾಗಿ ತನ್ನ ತವರು ಸ್ಟೇಡಿಯಂ ಕ್ಯಾಂಪ್​ ನೌಗೆ ಹೆಸರಿಡುವ ಹಕ್ಕನ್ನು ಒಂದು ವರ್ಷದ ವರೆಗೆ ಮಾರಾಟ ಮಾಡುವುದಾಗಿ ಮಂಗಳವಾರ ತಿಳಿಸಿದೆ.

ಕೊರೊನಾ ಜಾಗತಿಕ ಮಟ್ಟದ್ದಲ್ಲಿ ಜನ ಜೀವನವನ್ನು ತಲ್ಲಣಗೊಳಿಸುತ್ತಿದೆ. ಪ್ರಪಂಚದ ಪ್ರಬಲ ರಾಷ್ಟ್ರಗಳಾದ ಅಮೆರಿಕ, ಚೀನಾ, ಬ್ರಿಟನ್​ ಸೇರಿದಂತೆ ವಿವಿದ ದೇಶಗಳಲ್ಲಿ ಸಾವಿರಾರು ಜನರನ್ನು ಬಲಿತೆಗೆದುಕೊಂಡು ಲಕ್ಷಾಂತರ ಮಂದಿಗೆ ಸೋಂಕಿನಿಂದ ಬಳಲುತ್ತಿದ್ದಾರೆ.

ಸ್ಪೇನಿನಲ್ಲೂ 2 ಲಕ್ಷಕ್ಕೂನ ಹೆಚ್ಚು ಜನರಿಗೆ ಕೊರೊನಾ ಸೋಂಕು ತಗುಲಿದ್ದು, 20,000 ಕ್ಕೂ ಹೆಚ್ಚು ಜನ ಮೃತಪಟ್ಟಿದ್ದಾರೆ. ಪ್ರತಿದಿನ 2 ಸಾವಿರಕ್ಕೂ ಹೆಚ್ಚು ಸೋಂಕಿತರು ಪತ್ತೆಯಾಗುತ್ತಿದ್ದರೆ , 200ಕ್ಕೂ ಹೆಚ್ಚು ಜನರು ಸಾವನ್ನಪ್ಪುತ್ತಿದ್ದಾರೆ.

ಈ ಸಂದರ್ಭದಲ್ಲಿ ಜಾಗತಿಕ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ತನ್ನ ಸ್ಟೇಡಿಯಂಗೆ ಹೆಸರಿಡುವ ಹಕ್ಕುಗಳನ್ನು ಮಾರಾಟ ಮಾಡುವ ಮೂಲಕ ಸಂಗ್ರಹವಾಗುವ ಸಂಪೂರ್ಣ ಹಣವನ್ನು ದೇಣಿಗೆ ನೀಡುವುದಾಗಿ ಸ್ಪ್ಯಾನಿಷ್ ಕ್ಲಬ್‌ನ ಕಾರ್ಯನಿರ್ವಾಹಕ ಮಂಡಳಿ ತಿಳಿಸಿದೆ.

ಕ್ಯಾಂಪ್​ ನೌ ಯುರೋಪ್​ನ ಅತಿದೊಡ್ಡ ಕ್ರೀಡಾಂಗಣವಾಗಿದ್ದು, ಇಲ್ಲಿ 99,000 ಆಸನ ವ್ಯವಸ್ಥೆಯಿದೆ. ಈ ಕ್ರೀಡಾಂಗಣ 1957ರಿಂದ ಯಾವುದೆ ಸ್ಪಾನ್ಸರ್​ ಪಡೆದಿರಲಿಲ್ಲ.

ಇದೇ ಮೊದಲ ಬಾರಿಗೆ ಬೇರೊಬ್ಬರು ಅವರಿಗಿಷ್ಟದ ಹೆಸರನ್ನು ಕ್ಯಾಂಪ್​ ನೌಗೆ ಇಡುವ ಅವಕಾಶ ಸಿಕ್ಕಿದೆ. ಇದಿರಿಂದ ಬರುವ ಆದಾಯವನ್ನು ಬಾರ್ಸಿಲೋನಾಗೆ ಸೇರುವುದಿಲ್ಲ, ಬದಲಾಗಿ ನಾವು ಮಾನವೀಯ ಕಾರ್ಯಕ್ರಮಕ್ಕೆ ನೀಡಲು ನಿರ್ಧರಿಸಿದ್ದೇವೆ ಎಂದು ಕ್ಲಬ್​ ವೈಸ್​ ಪ್ರೆಸಿಡೆಂಟ್​ ಹಜೋರ್ಡಿ ಕಾರ್ಡೊನರ್​ ತಿಳಿಸಿದ್ದಾರೆ.