ಯೂರೋ ಕಪ್‌ನಲ್ಲಿ ಸೋಲುಂಡ ಕೋಪ, ಅಸಹನೆ: ಇಟಲಿಯನ್ನರನ್ನು ನಿಂದಿಸಿ, ಥಳಿಸಿದ ಇಂಗ್ಲೆಂಡ್‌ ಫ್ಯಾನ್ಸ್!

55 ವರ್ಷಗಳ ಬಳಿಕ ಫೈನಲ್ ಪ್ರವೇಶಿಸಿ ಚೊಚ್ಚಲ ಪ್ರಶಸ್ತಿಯ ಕನಸು ಕಾಣುತ್ತಿದ್ದ ಇಂಗ್ಲೆಂಡ್​ ಅಭಿಮಾನಿಗಳಿಗೆ ಈ ಸೋಲು ತೀವ್ರ ನಿರಾಶೆ ಉಂಟು ಮಾಡಿದೆ. ಹೀಗಾಗಿ ಅವರು ತಮ್ಮ ಆಕ್ರೋಶವನ್ನು ಸ್ಟೇಡಿಯಂನಲ್ಲಿ ನೆರೆದಿದ್ದ ಇಟಲಿ ಅಭಿಮಾನಿಗಳ ಮೇಲೆ ತೋರಿದರು.

ಲಂಡನ್​​: ಸೋಮವಾರ ನಡೆದ ಯುರೋ ಕಪ್ ಫೈನಲ್​ ಪಂದ್ಯದಲ್ಲಿ ಇಟಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ನಿಗದಿತ ಸಮಯದಲ್ಲಿ 1-1 ಗೋಲುಗಳಲ್ಲಿ ಪಂದ್ಯ ಡ್ರಾ ಆದ ಕಾರಣ, ಪೆನಾಲ್ಟಿ ಶೂಟೌಟ್​ನಲ್ಲಿ ಇಟಲಿ 3-2 ರಿಂದ ಇಂಗ್ಲೆಂಡ್‌ ತಂಡವನ್ನು ಮಣಿಸಿ ಐದು ದಶಕಗಳ ಬಳಿಕ ಚಾಂಪಿಯನ್ ಟ್ರೋಫಿ ಎತ್ತಿ ಹಿಡಿದು ಸಂಭ್ರಮಿಸಿತು.

ಆದರೆ 55 ವರ್ಷಗಳ ಬಳಿಕ ಫೈನಲ್ ಪ್ರವೇಶಿಸಿ ಚೊಚ್ಚಲ ಪ್ರಶಸ್ತಿಯ ಕನಸು ಕಾಣುತ್ತಿದ್ದ ಇಂಗ್ಲೆಂಡ್​ ಅಭಿಮಾನಿಗಳಿಗೆ ಈ ಸೋಲು ನುಂಗಲಾರದ ತುತ್ತಾಗಿದೆ. ಅವರು ತಮ್ಮ ಆಕ್ರೋಶವನ್ನು ಸ್ಟೇಡಿಯಂನಲ್ಲಿ ನೆರೆದಿದ್ದ ಇಟಲಿ ಅಭಿಮಾನಿಗಳ ಮೇಲೆ ತೋರಿಸಿದ್ದಾರೆ. ಇಟಲಿಯನ್ನರ ವಿರುದ್ಧ ಅಸಹ್ಯ ಪದಗಳನ್ನು ಬಳಸಿ ನಿಂದಿಸಿರುವುದಲ್ಲದೆ ಹಲ್ಲೆ ಕೂಡ ನಡೆಸಿದ್ದಾರೆ. ಇದಲ್ಲದೆ ಲಂಡನ್​ ರಸ್ತೆಗಳಲ್ಲಿ ಸಿಕ್ಕ ಸಿಕ್ಕ ವಸ್ತುಗಳನ್ನು ಪುಡಿ ಮಾಡಿದ್ದಾರೆ. ಈ ವಿಡಿಯೋ ನೋಡಿ..

ಸ್ಟೇಡಿಯಂನಲ್ಲಿ ಮಾತ್ರವಲ್ಲದೆ, ಲಂಡನ್​ ಬೀದಿಗಳಲ್ಲೂ ಇಟಲಿ ಅಭಿಮಾನಿಗಳನ್ನು ಮನಬಂದಂತೆ ಥಳಿಸುತ್ತಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ: 55 ವರ್ಷದ ನಂತ್ರ ಫೈನಲ್​ ತಲುಪಿದ ಇಂಗ್ಲೆಂಡ್​ಗೆ ನಿರಾಸೆ​.. ಇಟಲಿ ಮುಡಿಗೆ ಯುರೋ ಕಪ್​!