ಯೂರೋ ಫೈನಲ್​ನಲ್ಲಿ ಸೋಲುಂಡಿದ್ದಕ್ಕೆ ಇಂಗ್ಲೆಂಡ್​ ಕಪ್ಪು ಆಟಗಾರರ ನಿಂದನೆ: ಪೀಟರ್ಸನ್ ಆಕ್ರೋಶ

ಪೆನಾಲ್ಟಿ ಶೂಟೌಟ್​ನಲ್ಲಿ ನಾಯಕ ಹ್ಯಾರಿ ಕೇನ್ ಮತ್ತು ಹ್ಯಾರಿ ಮಗ್ಯೂರ್ ಗೋಲು ಗಳಿಸಿದ್ದರು. ಅವರ ಮುಂದಿನ ಮೂರು ಕಿಕ್​ಗಳನ್ನು ತೆಗೆದುಕೊಂಡ ಮಾರ್ಕಸ್ ರಾಶ್‌ಫೋರ್ಡ್, ಜಾಡಾನ್ ಸ್ಯಾಂಚೊ ಗೋಲುಗಳಿಸಲು ವಿಫಲರಾದರು. ಈ ಮೂವರು ಕಪ್ಪು ವರ್ಣೀಯರಾಗಿದ್ದರಿಂದ ಸಾಮಾಜಿಕ ಜಾಲತಾಣದಲ್ಲಿ ನಿಂದಿಸಲಾಗಿತ್ತು.

ಲಂಡನ್:ಯೂರೋ 2020ರ ಫೈನಲ್ ಪಂದ್ಯದಲ್ಲಿ ಇಟಲಿ ವಿರುದ್ಧ ಇಂಗ್ಲೆಂಡ್ ತಂಡ ಸೋಲು ಕಂಡಿದ್ದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ತಂಡದ ಕಪ್ಪು ವರ್ಣೀಯ ಆಟಗಾರರನ್ನು ಜನಾಂಗೀಯವಾಗಿ ನಿಂದಿಸಿರುವುದಕ್ಕೆ ಮಾಜಿ ಇಂಗ್ಲಿಷ್ ಕ್ರಿಕೆಟರ್ ಕೆವಿನ್ ಪೀಟರ್​ಸನ್​ ಕಿಡಿಕಾರಿದ್ದಾರೆ. 2030ರ ವಿಶ್ವಕಪ್ ಆಯೋಜನೆಯ ಹಕ್ಕನ್ನು ಪಡೆದರೆ ಅದು ಅದ್ಭುತ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಭಾನುವಾರ ತಡರಾತ್ರಿ ನಡೆದ ಯೂರೋ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್​ ತಂಡ ಪೆನಾಲ್ಟಿ ಶೂಟೌಟ್​ನಲ್ಲಿ 3-2ರ ಅಂತರದಲ್ಲಿ ಸೋಲು ಕಂಡಿತು. ಪೆನಾಲ್ಟಿ ಶೂಟೌಟ್​ನಲ್ಲಿ ಗೋಲು ಗಳಿಸಲು ವಿಫಲರಾದ ಮೂವರು ಕಪ್ಪು ಆಟಗಾರರನ್ನು ಕೆಲವು ಅಭಿಮಾನಿಗಳು ಜನಾಂಗೀಯವಾಗಿ ನಿಂದಿಸಿದ್ದರು. ಇದಕ್ಕೆ ಫುಟ್​ಬಾಲ್​ ಅಸೋಸಿಯೇಷನ್​, ಪ್ರಧಾನಿ ಬೋರಿಸ್ ಜಾನ್​ಸನ್​ ಅಸಮಾಧಾನ ವ್ಯಕ್ತಪಡಿಸಿದ್ದರು. ಇದೀಗ ಮಾಜಿ ಕ್ರಿಕೆಟ್ ತಂಡದ ನಾಯಕ ಪೀಟರ್​ಸನ್​ ಕೂಡ ನಿಂದಿಸಿದವರವನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

"ಕಳೆದ ರಾತ್ರಿ ಡೈಲನ್ ಅವರೊಂದಿಗೆ ನಮ್ಮ ಕಾರಿನಲ್ಲಿ ಮನೆಗೆ ತಲುಪಿದ ದಾರಿ ಸಂಪೂರ್ಣವಾಗಿ ಭಯಾನಕವಾಗಿತ್ತು. 2021ರಲ್ಲಿ ಇಂತಹ ವರ್ತನೆಯೇ? ನಮಗೆ ಸಾಕಷ್ಟು ಆನಂದವನ್ನು ತಂದುಕೊಟ್ಟ ಆಟಗಾರರನ್ನು ನಿಂದಿಸುವುದೇ? 2030ರ ವಿಶ್ವಕಪ್ ​ಅನ್ನು ಆಯೋಜನೆ ಮಾಡಲು ನಾವು ಅರ್ಹರೇ?" ಎಂದು ಪೀಟರ್​ಸನ್​ ಟ್ವಿಟರ್​ನಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ನಿಂದಿಸಿದವರನ್ನು ಗುರುತಿಸಿ ಎಂದು ಬ್ರಿಟನ್ ಮಾಧ್ಯಮಗಳಿಗೆ ಮನವಿ ಮಾಡಿದ್ದಾರೆ.

ಇದಕ್ಕೂ ಮುನ್ನ ಬ್ರಿಟನ್ ಪ್ರಧಾನಿ, ನಮ್ಮ ಹೀರೋಗಳು ಶ್ಲಾಘನೆಗೆ ಅರ್ಹರೇ ಹೊರೆತು ಸಾಮಾಜಿಕ ಜಾಲತಾಣದಲ್ಲಿ ನಿಂದಿಸುವುದಕ್ಕಲ್ಲ. ಈ ರೀತಿ ಭೀಕರವಾಗಿ ನಿಂದನೆ ಮಾಡಿದವರು ತಮ್ಮ ಬಗ್ಗೆ ನಾಚಿಕೆ ಪಡಬೇಕು ಎಂದು ಜಾನ್​ಸನ್​ ಟ್ವೀಟ್​ ಮಾಡಿದ್ದರು.

ನಿನ್ನೆ ನಡೆದ ಪೆನಾಲ್ಟಿ ಶೂಟೌಟ್​ನಲ್ಲಿ ನಾಯಕ ಹ್ಯಾರಿ ಕೇನ್ ಮತ್ತು ಹ್ಯಾರಿ ಮಗ್ಯೂರ್ ಗೋಲುಗಳಿಸಿದರು. ಅವರ ಮುಂದಿನ ಮೂರು ಕಿಕ್​ಗಳನ್ನು ತೆಗೆದುಕೊಂಡ ಮಾರ್ಕಸ್ ರಾಶ್‌ಫೋರ್ಡ್, ಜಾಡಾನ್ ಸ್ಯಾಂಚೊ ಗೋಲುಗಳಿಸಲು ವಿಫಲರಾದರು. ಈ ಮೂವರು ಕಪ್ಪು ವರ್ಣೀಯರಾಗಿದ್ದರಿಂದ ಸಾಮಾಜಿಕ ಜಾಲತಾಣದಲ್ಲಿ ನಿಂದಿಸಲಾಗಿತ್ತು.

ಇದನ್ನೂ ಓದಿ: ಯೂರೋ ಕಪ್‌ನಲ್ಲಿ ಸೋಲುಂಡ ಕೋಪ, ಅಸಹನೆ: ಇಟಲಿಯನ್ನರನ್ನು ನಿಂದಿಸಿ, ಥಳಿಸಿದ ಇಂಗ್ಲೆಂಡ್‌ ಫ್ಯಾನ್ಸ್!