ದೊಹಾ: ಕತಾರ್ ವಿರುದ್ಧ ನಡೆದ ಫಿಫಾ ಫುಟ್ಬಾಲ್ ಕ್ವಾಲಿಫಯರ್‌ ಪಂದ್ಯದಲ್ಲಿ ಟೀಂ ಇಂಡಿಯಾ ಭರ್ಜರಿ ಪ್ರದರ್ಶನ ತೋರಿದ್ದು ಪಂದ್ಯ ಡ್ರಾನಲ್ಲಿ ಅಂತ್ಯ ಕಂಡಿದೆ.
ಜ್ವರದಿಂದ ಬಳಲುತ್ತಿರುವ ನಾಯಕ ಸುನೀಲ್ ಛೇಟ್ರಿ ಅನುಪಸ್ಥಿತಿಯಲ್ಲಿ ಕಣಕ್ಕಿಳಿದ ಆಟಗಾರರು ಕತಾರ್ ವಿರುದ್ಧ ಅಮೋಘ ಆಟ ತೋರಿಸಿದ್ರು. ನಾಯಕನ ಸ್ಥಾನ ವಹಿಸಿಕೊಂಡ ಗೋಲ್ ಕೀಪರ್ ಗುರ್ಪ್ರೀತ್ ಸಿಂಗ್ ಸಂಧು ಅದ್ಭುತ ಪ್ರದರ್ಶನ ನೀಡಿದರು. ತಂಡದ ಸದಸ್ಯರು ಕತಾರ್ ಆಟಗಾರರಿಗೆ ಒಂದು ಗೋಲ್ ಗಳಿಸಲೂ ಬಿಡಲಿಲ್ಲ ಅನ್ನೋದೇ ವಿಶೇಷ. ಈ ಮೂಲಕ ಕತಾರ್ ವಿರುದ್ಧ ಸೋಲು ಕಾಣದ ಏಕೈಕ ದೇಶ ಎಂಬ ಹೆಗ್ಗಳಿಕೆಗೆ ಭಾರತ ಪಾತ್ರವಾಗಿದೆ.