ನವದೆಹಲಿ: ಬಹುಪಾಲು ಅಭಿಮಾನಿಗಳು ತಮ್ಮ ಫೇವರಿಟ್ ಫುಟ್ಬಾಲ್ ಆಟಗಾರರ ಆಟೋಗ್ರಾಫ್, ಜರ್ಸಿ ಕೇಳುವುದು ಸಾಮಾನ್ಯ ಸಂಗತಿ. ಆದರೆ ಶನಿವಾರ ಅಭಿಮಾನಿಯೊಬ್ಬ ಭಾರತ ಫುಟ್ಬಾಲ್ ತಂಡದ ನಾಯಕ ಸುನಿಲ್ ಚೆಟ್ರಿಯವರ ನೆಟ್ಫ್ಲಿಕ್ಸ್ ಅಕೌಂಟ್ನ ಐಡಿ ಹಾಗೂ ಪಾಸ್ವರ್ಡ್ ಕೇಳುವ ಮೂಲಕ ಆಶ್ಚರ್ಯ ಉಂಟು ಮಾಡಿದ್ದಾನೆ.
ದೇಶದೆಲ್ಲಡೆ ಕೊರೊನಾ ಲಾಕ್ಡೌನ್ ಜಾರಿಯಲ್ಲಿರುವುದರಿಂದ ಕ್ರೀಡಾಪಟುಗಳು ತಮ್ಮ ಹೆಚ್ಚಿನ ಸಮಯವನ್ನು ಸಾಮಾಜಿಕ ಜಾಲಾತಾಣದಲ್ಲಿ ಕಳೆಯುತ್ತಿದ್ದಾರೆ. ಈ ವೇಳೆ ಚೆಟ್ರಿಗೆ ಫೇಸ್ಬುಕ್ ಖಾತೆ ಅಭಿಮಾನಿಯೊಬ್ಬ ವಿಚಿತ್ತೆ ಬೇಡಿಕೆ ಇಟ್ಟಿದ್ದಾನೆ.
"ಚೆಟ್ರಿ ಬಾಯ್, ನಿಮ್ಮ ನೆಟ್ಫ್ಲಿಕ್ಸ್ ಯೂಸರ್ ಐಡಿ ಹಾಗೂ ಪಾಸ್ವರ್ಡ್ ಕೊಡಿ. ಲಾಕ್ಡೌನ್ ಅವಧಿ ಮುಗಿದ ಮೇಲೆ ಬೇಕಾದರೆ ಬದಲಿಸಿಕೊಳ್ಳಿ "ಎಂದು ಸಂದೇಶ ಕಳುಹಿಸಿದ್ದಾರೆ.
ಈ ವಿಚಾರವನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಟ್ವೀಟ್ನಲ್ಲಿ' ಜರ್ಸಿ, ಫೋಟೋ ಮೇಲೆ ಆಟೋಗ್ರಾಫ್, ಪೋಸ್ಟ್ರ್ಗೆ ರಿಪ್ಲೆ ಮಾಡುವುದು ಹಾಗೂ ವಿಡಿಯೋ ವಿಶ್ ಮಾಡುವುದು ಇದೆಲ್ಲ ಬೇಡವಾಗಿದೆ'.
ಆದರೆ ಇಲ್ಲೊಬ್ಬ ವಿನೂತನ ಬೇಡಿಕೆ ಇಟ್ಟಿದ್ದಾನೆ. ನಾನು ಇದನ್ನು ನಿಜವಾಗಿಯೂ ಬೇಡಿಕೆಯನ್ನಾಗಿ ಪರಿಗಣಿಸಲು ಬಯಸುತ್ತೇನೆ ಎಂದು ಟ್ವೀಟ್ ಮಾಡುವ ಮೂಲಕ ಅಭಿಮಾನಿಯ ವಿಚಿತ್ರ ಬೇಡಿಕೆಯ ವಿಷಯವನ್ನು ತಿಳಿಸಿದ್ದಾರೆ. ಈ ಟ್ವೀಟ್ ಸಾನಿಯಾ ಮಿರ್ಜಾ ಹಾಗೂ ಸೈನಾ ನೆಹ್ವಾಲ್ ಪ್ರತಿಕ್ರಿಯಿಸಿದ್ದಾರೆ.