ಮೈದಾನದಲ್ಲೇ ಲವರ್​ಗೆ ಪ್ರಪೋಸ್​ ಮಾಡಿದ ಫುಟ್ಬಾಲ್​ ಪ್ಲೇಯರ್​!!

ಪಂದ್ಯ ಮುಗಿಯುತ್ತಿದ್ದಂತೆ ಕೈಯಲ್ಲಿ ರಿಂಗ್​ ಹಿಡಿದುಕೊಂಡು ಲವ್​ ಪ್ರಪೋಸ್ ಮಾಡಿದ್ದು, ಅದಕ್ಕೆ ಪೆಟ್ರಾ ವುಕೊವಿಕ್​ನ ಕೂಡ ಒಪ್ಪಿಗೆ ಸೂಚಿಸಿದ್ದಾರೆ. ಪಂದ್ಯ ವೀಕ್ಷಣೆ ಮಾಡಲು ಸೇರಿದ್ದ ಸಾವಿರಾರು ಪ್ರೇಕ್ಷಕರು ಕೂಡ ಈ ಘಟನೆ ನೋಡಿ ಜೈಕಾರ ಹಾಕಿದ್ದಾರೆ..

ಮೈದಾನದಲ್ಲಿ ಪಂದ್ಯಗಳು ನಡೆಯುತ್ತಿದ್ದಾಗ ವಿಚಿತ್ರ ಘಟನೆಗಳು ನಡೆಯುವುದು ಮೇಲಿಂದ ಮೇಲೆ ಕಂಡು ಬರುತ್ತಿರುತ್ತದೆ. ಆದರೆ, ಸದ್ಯ ಆಟಗಾರನೋರ್ವ ಪಂದ್ಯ ಮುಗಿಯುತ್ತಿದ್ದಂತೆ ತನ್ನ ಲವರ್​ಗೆ ಪ್ರಪೋಸ್ ಮಾಡಿದ್ದಾರೆ. ಅಮೆರಿಕಾದ ಫುಟ್ಬಾಲ್​ ಪ್ಲೇಯರ್​​ ಹಾಸನಿ ಡಾಟ್ಸನ್​ ಮೈದಾನದಲ್ಲಿ ಗರ್ಲ್​ಫ್ರೆಂಡ್​ಗೆ ಪ್ರಪೋಸ್ ಮಾಡಿರುವ ಘಟನೆ ನಡೆದಿದೆ. ಅದರ ವಿಡಿಯೋ ಇನ್​​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಕ್ಲಬ್​​ ಮಿನಿಸೋಟ ತಂಡದಲ್ಲಿದ್ದ ಹಾಸನಿ ಸನಾ ಜೋಶ್​​ ಅರ್ಥಕ್ವಿಕ್ಸ್​​ ವಿರುದ್ಧದ ಮೇಜರ್​ ಲೀಗ್​​ ಟೂರ್ನಿ ಪಂದ್ಯದಲ್ಲಿ 2-2 ಅಂತರದಲ್ಲಿ ಡ್ರಾ ಸಾಧಿಸಿದ ಬೆನ್ನಲ್ಲೇ ತನ್ನ ಗೆಳತಿಗೆ ಲವ್​ ಪ್ರಪೋಸ್ ಮಾಡಿದ್ದಾರೆ.

ಪಂದ್ಯ ಮುಗಿಯುತ್ತಿದ್ದಂತೆ ಕೈಯಲ್ಲಿ ರಿಂಗ್​ ಹಿಡಿದುಕೊಂಡು ಲವ್​ ಪ್ರಪೋಸ್ ಮಾಡಿದ್ದು, ಅದಕ್ಕೆ ಪೆಟ್ರಾ ವುಕೊವಿಕ್​ನ ಕೂಡ ಒಪ್ಪಿಗೆ ಸೂಚಿಸಿದ್ದಾರೆ. ಪಂದ್ಯ ವೀಕ್ಷಣೆ ಮಾಡಲು ಸೇರಿದ್ದ ಸಾವಿರಾರು ಪ್ರೇಕ್ಷಕರು ಕೂಡ ಈ ಘಟನೆ ನೋಡಿ ಜೈಕಾರ ಹಾಕಿದ್ದಾರೆ.

ಈ ಹಿಂದೆ ಭಾರತ-ಇಂಗ್ಲೆಂಡ್ ನಡುವೆ ಕ್ರಿಕೆಟ್ ಪಂದ್ಯ ನಡೆದಿದ್ದ ವೇಳೆ ಮೈದಾನದಲ್ಲೇ ವ್ಯಕ್ತಿಯೋರ್ವ ಪ್ರೇಯಸಿಗೆ ಪ್ರಪೋಸ್​ ಮಾಡಿದ್ದರು. ಇದರ ವಿಡಿಯೋ ಕೂಡ ಸಿಕ್ಕಾಪಟ್ಟೆ ವೈರಲ್​ ಆಗಿತ್ತು.