SAFF Championships : ಬಾಂಗ್ಲಾದೇಶದ ವಿರುದ್ಧ 1-1ರಲ್ಲಿ ಡ್ರಾ ಸಾಧಿಸಿ ಚೆಟ್ರಿ ಪಡೆ

ಪ್ರಸ್ತುತ ಅಂತಾರಾಷ್ಟ್ರೀಯ ಫುಟ್​ಬಾಲ್​ನಲ್ಲಿ ಗರಿಷ್ಠ ಗೋಲು ಗಳಿಸಿದವರ ಪಟ್ಟಿಯಲ್ಲಿ ಚೆಟ್ರಿ 4ನೇ ಸ್ಥಾನದಲ್ಲಿದ್ದಾರೆ. ಕ್ರಿಶ್ಚಿಯಾನೋ ರೊನಾಲ್ಡೊ(111), ಮೆಸ್ಸಿ(77) ಮತ್ತು ಅಲಿ ಮಾಬ್ಖೌಟ್(77) ಮೊದಲ 3 ಸ್ಥಾನದಲ್ಲಿದ್ದಾರೆ..

ಮಾಲೆ :ನಾಯಕ ಚೆಟ್ರಿ ಅವರ 76ನೇ ಅಂತಾರಾಷ್ಟ್ರೀಯ ಗೋಲಿನ ಹೊರತಾಗಿಯೂ ಭಾರತ ತಂಡ ಎಸ್​ಎ​ಎಫ್​ಎಫ್ ಚಾಂಪಿಯನ್​ಶಿಪ್​ನಲ್ಲಿ ​(SAFF Championships) ಸೋಮವಾರ ಬಾಂಗ್ಲಾದೇಶದ ವಿರುದ್ಧ 1-1ರಲ್ಲಿ ಡ್ರಾ ಸಾಧಿಸಿದೆ.

ಭಾರತದ 121ನೇ ಪಂದ್ಯವನ್ನಾಡುತ್ತಿರುವ 37 ವರ್ಷದ ಸುನೀಲ್ ಚೆಟ್ರಿ 27ನೇ ನಿಮಿಷದಲ್ಲಿ ಗೋಲು ಸಿಡಿಸಿ ಭಾರತಕ್ಕೆ ಮುನ್ನಡೆ ತಂದುಕೊಟ್ಟರು. ಚೆಟ್ರಿ ಇನ್ನೊಂದು ಗೋಲುಗಳಿಸಿದರೆ ಬ್ರೆಜಿಲ್​ನ ಪೀಲೆ ಅವರ ದಾಖಲೆಯನ್ನು ಸರಿಗಟ್ಟಲಿದ್ದಾರೆ.

ಪ್ರಸ್ತುತ ಅಂತಾರಾಷ್ಟ್ರೀಯ ಫುಟ್​ಬಾಲ್​ನಲ್ಲಿ ಗರಿಷ್ಠ ಗೋಲು ಗಳಿಸಿದವರ ಪಟ್ಟಿಯಲ್ಲಿ ಚೆಟ್ರಿ 4ನೇ ಸ್ಥಾನದಲ್ಲಿದ್ದಾರೆ. ಕ್ರಿಶ್ಚಿಯಾನೋ ರೊನಾಲ್ಡೊ(111), ಮೆಸ್ಸಿ(77) ಮತ್ತು ಅಲಿ ಮಾಬ್ಖೌಟ್(77) ಮೊದಲ 3 ಸ್ಥಾನದಲ್ಲಿದ್ದಾರೆ.

ಈ ಪಂದ್ಯದ ಮೊದಲಾರ್ಧದಲ್ಲಿ ಭಾರತ ಉತ್ತಮ ಪ್ರದರ್ಶನ ತೋರಿ ಮುನ್ನಡೆ ಕಾಪಾಡಿಕೊಂಡಿತು. ಆದರೆ, ದ್ವಿತಿಯಾರ್ಧದ 74ನೇ ನಿಮಿಷದಲ್ಲಿ ಬಾಂಗ್ಲಾದೇಶ ಗೋಲು ಸಿಡಿಸಿ ಪಂದ್ಯವನ್ನು ಟೈನಲ್ಲಿ ಅಂತ್ಯಗೊಳ್ಳುವಂತೆ ಮಾಡಿತು.