ಹೈದರಾಬಾದ್ :ಟೀಂ ಇಂಡಿಯಾ ಟೆಸ್ಟ್ ನಾಯಕತ್ವಕ್ಕೆ ವಿರಾಟ್ ಕೊಹ್ಲಿ ದಿಢೀರ್ ಆಗಿ ರಾಜೀನಾಮೆ ನೀಡಿದ್ದರಿಂದಾಗಿ ಅನೇಕ ಕ್ರಿಕೆಟರ್ಸ್ ಶಾಕ್‌ಗೊಳಗಾಗಿದ್ದಾರೆ. ಈ ವಿಚಾರಕ್ಕೆ ಸಂಬಂಧಿಸಿದಂತೆ ಇದೀಗ ಮೊಹಮ್ಮದ್ ಸಿರಾಜ್ ಇನ್ಸ್ಟಾಗ್ರಾಂನಲ್ಲಿ ಭಾವನಾತ್ಮಕ ಪೋಸ್ಟ್ ಮಾಡಿದ್ದು, 'ನೀವು ಯಾವಾಗಲೂ ನನ್ನ ಕ್ಯಾಪ್ಟನ್ ಆಗಿರುತ್ತೀರಿ' ಎಂದಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ವಿರಾಟ್ ಪಡೆ 2-1 ಅಂತರದಿಂದ ಸೋಲು ಕಾಣುತ್ತಿದ್ದಂತೆ ಕೊಹ್ಲಿ ಟೆಸ್ಟ್ ನಾಯಕತ್ವದಿಂದ ಕೆಳಗಿಳಿಯುವುದಾಗಿ ಘೋಷಣೆ ಮಾಡಿದ್ದರು. ಇವರ ನಿರ್ಧಾರಕ್ಕೆ ಅನೇಕರು ಈಗಾಗಲೇ ತಮ್ಮ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಕೊಹ್ಲಿ ನಾಯಕತ್ವದಲ್ಲಿ ಆಡಿರುವ ಬೌಲರ್ ಸಿರಾಜ್ ಕೂಡ ತಮ್ಮ ಮನದಾಳ ಬಿಚ್ಚಿಟ್ಟಿದ್ದಾರೆ.
ಟೆಸ್ಟ್ ನಾಯಕತ್ವ ತೊರೆದ ಕೊಹ್ಲಿಗೆ ಸಿರಾಜ್ ಹೃದಯಸ್ಪರ್ಶಿ ಪೋಸ್ಟ್! ಮೊಹಮ್ಮದ್ ಸಿರಾಜ್ ಹೃದಯಸ್ಪರ್ಶಿ ಪೋಸ್ಟ್
ನನ್ನ ಸೂಪರ್ ಹೀರೋಗೆ.., 'ನಿಮ್ಮಿಂದ ನನಗೆ ದೊರೆತ ಬೆಂಬಲ ಮತ್ತು ಪ್ರೋತ್ಸಾಹಕ್ಕೆ ನಾನು ಕೃತಜ್ಞ. ನೀವು ಯಾವಾಗಲೂ ನನ್ನ ಸಹೋದರನಿದ್ದಂತೆ. ಇಷ್ಟು ವರ್ಷಗಳ ಕಾಲ ನನ್ನನ್ನು ನಂಬಿದ್ದಕ್ಕಾಗಿ ಹಾಗೂ ನನ್ನ ಮೇಲೆ ನಂಬಿಕೆ ಇಟ್ಟಿದ್ದಕ್ಕಾಗಿ ಧನ್ಯವಾದಗಳು. ನೀವು ಯಾವಾಗಲೂ ನನ್ನ ಕ್ಯಾಪ್ಟನ್ ಕಿಂಗ್ ಕೊಹ್ಲಿ ಆಗಿರುತ್ತೀರಿ' ಎಂದು ಸಿರಾಜ್ ಪೋಸ್ಟ್ನಲ್ಲಿ ಬರೆದುಕೊಂಡಿದ್ದಾರೆ.
ಕಳೆದ ವರ್ಷ ನಡೆದ ಐಪಿಎಲ್ ಬೆನ್ನಲ್ಲೇ ಆರ್ಸಿಬಿ ತಂಡದ ನಾಯಕತ್ವ, ತದನಂತರ ಟಿ20 ವಿಶ್ವಕಪ್ ನಾಯಕನ ಸ್ಥಾನದಿಂದಲೂ ಹೊರ ಬಂದಿರುವ ವಿರಾಟ್, ಇದೀಗ ಟೆಸ್ಟ್ ತಂಡದ ಕಫ್ತಾನ್ ಸ್ಥಾನಕ್ಕೂ ರಾಜೀನಾಮೆ ನೀಡಿದ್ದು, ಟೀಂ ಇಂಡಿಯಾದಲ್ಲಿ ಇನ್ಮುಂದೆ ಸಾಮಾನ್ಯ ಕ್ರಿಕೆಟರ್ ಆಗಿ ಇರಲಿದ್ದಾರೆ.
ಇದನ್ನೂ ಓದಿರಿ:ಬಿಹಾರದಲ್ಲಿ 4 ಕಾಲು, 4 ಕೈಗಳಿರುವ ವಿಚಿತ್ರ ಮಗು ಜನನ: ಕುಟುಂಬಸ್ಥರು ಕಂಗಾಲು- ವಿಡಿಯೋ
ಆರ್ಸಿಬಿ ತಂಡದ ನಾಯಕನಾಗಿದ್ದ ಸಂದರ್ಭದಲ್ಲಿ ಮೊಹಮ್ಮದ್ ಸಿರಾಜ್ ಕೂಡ ಇವರೊಂದಿಗೆ ಆಡಿದ್ದು, ಇದೀಗ ಮುಂದಿನ ವರ್ಷದ ಐಪಿಎಲ್ಗಾಗಿ ತಂಡ ವಿರಾಟ್ ಜೊತೆ ಸಿರಾಜ್ಗೂ ಸಹ ರಿಟೈನ್ ಮಾಡಿಕೊಂಡಿದೆ.
