ಅಹ್ಮದಾಬಾದ್: ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯದಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್ ಎದುರು ಬದುರಾಗಲಿವೆ. ಕಿವೀಸ್ ತಂಡದ ಕೈಲ್ ಜೆಮೀಸನ್ ಕೂಡ ಆರ್ಸಿಬಿ ಬಳಗದಲ್ಲಿದ್ದು, ಇದರ ಲಾಭ ಪಡೆಯಲು ವಿರಾಟ್ ಕೊಹ್ಲಿ ಮಾಡಿದ ಪ್ರಯತ್ನ ವಿಫಲವಾಗಿದೆ.
ಆರ್ಸಿಬಿ ಆಲ್ರೌಂಡರ್ ಕ್ರಿಶ್ಚಿಯನ್ ಈ ಕೂತೂಹಲಕಾರಿ ವಿಚಾರವನ್ನು ಬಹಿರಂಗಪಡಿಸಿದ್ದಾರೆ. ಬರೋಬ್ಬರಿ 15 ಕೋಟಿ ರೂಗಳಿಗೆ ಆರ್ಸಿಬಿ ಸೇರಿರುವ ಜೇಮಿಸನ್ ತಮ್ಮೊಂದಿಗೆ ಇಂಗ್ಲೆಂಡ್ನಲ್ಲಿ ಜೂನ್ 18ರಂದು ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವಿನ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಬಳಸುವ ಕೆಲವು ಡ್ಯೂಕ್ ಚೆಂಡನ್ನು ತಂದಿದ್ದಾರೆ.
ಇದನ್ನು ಗಮನಿಸಿದ ಆರ್ಸಿಬಿ ನಾಯಕ ಕೊಹ್ಲಿ ನೆಟ್ಸ್ನಲ್ಲಿ ಬ್ಯಾಟಿಂಗ್ ಮಾಡುವ ವೇಳೇ ಡ್ಯೂಕ್ ಚೆಂಡಿನಲ್ಲಿ ತಮಗೆ ಬೌಲಿಂಗ್ ಮಾಡಲು ಕೇಳಿದ್ದಕ್ಕೆ ಕಿವೀಸ್ ಬೌಲರ್ ಕೊಹ್ಲಿ ಟ್ರಿಕ್ಸ್ ಅರಿತು ನಿರಾಕರಿಸಿದರೆಂದು ಕ್ರಿಶ್ಚಿಯನ್ ಹೇಳಿದ್ದಾರೆ.
" ವಿರಾಟ್‌ನಿಂದ ಸಾಕಷ್ಟು ಮುಂಜಾಗ್ರತೆಯುಳ್ಳವರು, ನಾವು ಇಲ್ಲಿಗೆ ಬಂದ ಮೊದಲ ವಾರದಲ್ಲಿಯೇ, ನಾವು ಮೂವರು ನೆಟ್‌ಟ್ಸ್ ಬಳಿ ಕುಳಿತಿದ್ದ ಅವರಿಬ್ಬರು ಟೆಸ್ಟ್ ಕ್ರಿಕೆಟ್ ಬಗ್ಗೆ ಮಾತನಾಡುತ್ತಿದ್ದರು. ಈ ಸಂದರ್ಭದಲ್ಲಿ ವಿರಾಟ್," ಜೆಮಿ(ಕೈಲ್ ಜೆಮೀಸನ್) ಡ್ಯೂಕ್ ಚೆಂಡಿನಲ್ಲಿ ನೀವು ಹೆಚ್ಚಾಗಿ ಬೌಲಿಂಗ್ ಮಾಡುತ್ತೀರಾ? ಎಂದು ಕೇಳಿದರು.
ಅದಕ್ಕೆ ಜೆಮೀಸನ್, ಹೌದು, ನನ್ನ ಬಳಿ ಒಂದೆರಡು ಇವೆ, ನಾನೆಲ್ಲೇ ಹೋದರು ಮೊದಲು ಆ ಚೆಂಡುಗಳಿಂದ ಬೌಲಿಂಗ್ ಮಾಡುತ್ತೇನೆ ಎಂದರು. ನಂತರ ವಿರಾಟ್, ಓ, ನೀವು ನನ್ನ ವಿರುದ್ಧ ನೆಟ್ಸ್ನಲ್ಲಿ ಬೌಲಿಂಗ್ ಮಾಡ್ತೀರಾ, ನಾನು ನಿಮ್ಮನ್ನು ಎದುರಿಸುವುದಕ್ಕೆ ತುಂಬಾ ಖುಷಿಯಿದೆ" ಎಂದರು.
ಇದಕ್ಕೆ ಜೇಮೀಸನ್, ನಾನು ನಿಮಗೆ ಬೌಲಿಂಗ್ ಮಾಡುವುದಕ್ಕೆ ಅವಕಾಶವೇ ಇಲ್ಲ! ಎಂದು ನಗುತ್ತಾ ಹೇಳುವ ಮೂಲಕ ವಿರಾಟ್ ತಂತ್ರವನ್ನು ವಿಫಲಗೊಳಿಸಿದರೆಂದು ಕ್ರಿಶ್ಚಿಯನ್ ಸಂದರ್ಶನದ ವೇಳೆ ತಿಳಿಸಿದ್ದಾರೆ.
ಇದನ್ನು ಓದಿ:ಜಡೇಜಾ ವಿಶ್ವದ ನಂಬರ್ 1 ಆಟಗಾರನಾಗುವತ್ತ ಸಾಗುತ್ತಿದ್ದಾರೆ: ಸುರೇಶ್ ರೈನಾ
