WPL 2023: ಇಂದು ಡೆಲ್ಲಿ ಮತ್ತು ಯುಪಿ ಫೈಟ್​, ಡೆಲ್ಲಿ ಎದುರು ಗೆಲುವಿನ ಪಣತೊಟ್ಟ ಗ್ರೇಸ್ ಹ್ಯಾರಿಸ್

ಮಹಿಳಾ ಪ್ರೀಮಿಯರ್ ಲೀಗ್‌ನ ಐದನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಯುಪಿ ವಾರಿಯರ್ಸ್ ಮುಖಾಮುಖಿ - ಬ್ಯಾಟಿಂಗ್​ ಸಾಮರ್ಥ್ಯದಲ್ಲಿ ಎರಡೂ ತಂಡಗಳು - ಗೆದ್ದ ತಂಡಕ್ಕೆ ಅಂಕ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನ

ಮುಂಬೈ:ಮಹಿಳಾ ಪ್ರೀಮಿಯರ್ ಲೀಗ್‌ನ ಐದನೇ ಪಂದ್ಯ ಬೆಂಗಳೂರಿನ ವಿರುದ್ಧ ಭರ್ಜರಿ ರನ್​ ಗಳಿಸಿ ಗೆಲುವು ಸಾಧಿಸಿದ ಡೆಲ್ಲಿ ಮತ್ತು ಗುಜರಾತ್​ ಎದುರು ಕೊನೆಯ ಒಂದು ಬಾಲ್​ ಇರುವಂತೆ ಗೆದ್ದು ಬೀಗಿದ ಯುಪಿ ವಾರಿಯರ್ಸ್​ ನಡುವೆ ಇಲ್ಲಿನ ಡಿವೈ ಪಾಟೀಲ್​ ಸ್ಟೇಡಿಯಂನಲ್ಲಿ ನಡೆಯಲಿದೆ. ಎರಡೂ ತಂಡಕ್ಕೆ ಬ್ಯಾಟಿಂಗ್ ಬಲವಾಗಿದೆ.

ಯುಪಿ ವಾರಿಯರ್ಸ್​ ವುಮೆನ್​ ಪ್ರೀಮಿಯರ್​​ ಲೀಗ್​ನಲ್ಲಿ ಚೇಸಿಂಗ್​ ಮಾಡಿ ಗೆದ್ದ ಮೊದಲ ತಂಡವಾಗಿದೆ. ಡೆಲ್ಲಿ ಕ್ಯಾಪಿಟಲ್ಸ್​​ ಬೆಂಗಳೂರು ವಿರುದ್ಧ 223 ರನ್​ ಗಳಿಸಿದ್ದು, ಇದು ಮಹಿಳಾ ಟಿ20 ಕ್ರಿಕೆಟ್​ನ ಎಡನೇ ಅತೀ ಹೆಚ್ಚಿನ ರನ್ ಆಗಿದೆ. ಯುಪಿಯ ಆರಂಭಿಕ ಬ್ಯಾಟರ್​ಗಳು ಕೈಕೊಟ್ಟರೂ ಮಧ್ಯಮ ಕ್ರಮಾಂಕ ಮೊದಲ ಪಂದ್ಯದಲ್ಲಿ ಕೈ ಹಿಡಿದಿದೆ.

ಡೆಲ್ಲಿ ಕ್ಯಾಪಿಟಲ್ಸ್​ ತಂಡದಲ್ಲಿ ಅಂಡರ್​ 19 ವಿಶ್ವಕಪ್​ ಗೆಲ್ಲಿಸಿದ್ದ ಶಫಾಲಿ ವರ್ಮಾ ಮೊದಲ ಪಂದ್ಯದಲ್ಲಿ ಅದ್ಭುತವಾಗಿ ಬ್ಯಾಟ್​ ಮಾಡಿದ್ದರು. 45 ಬಾಲ್​ನಲ್ಲಿ 84 ರನ್​ ಗಳಿಸಿದ್ದರು. ಡೆಲ್ಲಿ ಕ್ಯಾಪ್ಟನ್​ ಮೆಗ್ ಲ್ಯಾನಿಂಗ್ (72) ಸಹ ಬಿರುಸಿನ ಬ್ಯಾಟಿಂಗ್​ ಮಾಡಿದ್ದರು. ಇಬ್ಬರು 162 ರನ್​ಗಳ ಜೊತೆಯಾಟವಾಡಿದ್ದು, ತಂಡ ಬೃಹತ್​ ಮೊತ್ತ ಗಳಿಸಲು ಸಹಕಾರವಾಗಿತ್ತು. ಡೆಲ್ಲಿ ಬೆಂಗಳೂರು ವಿರುದ್ಧ ಕೇವಲ 2 ವಿಕೆಟ್​ ನಷ್ಟದಲ್ಲಿ 223 ರನ್​ಗಳಿಸಿತ್ತು.

ಆರಂಭಿಕರು ಕೈಕೊಟ್ಟರೂ ಕಿರಣ್​ ಮತ್ತು ಗ್ರೇಸ್ ಹ್ಯಾರಿಸ್ ಅವರ ಅರ್ಧಶತಕದ ನೆರವಿನಿಂದ ಯುಪಿ ವಾರಿಯರ್ಸ್​ ಗುಜರಾತ್​ ಜೈಂಟ್ಸ್​ ಅನ್ನು ಮಣಿಸಿತ್ತು. ಕಿರಣ್ ನವಗಿರೆ ವಿಕೆಟ್​ 43 ಬಾಲ್​ನಲ್ಲಿ 53 ರನ್​ ಗಳಿಸಿ ತಂಡಕ್ಕೆ ಆಸರೆಯಾಗಿದ್ದರು. ನಂತರ ಬಂದ ಗ್ರೇಸ್ ಹ್ಯಾರಿಸ್ ಕೊನೆಯ ಐದು ಓವರ್​ಗಳಲ್ಲಿ 70 ರನ್​ ಬೇಕಿದ್ದ ತಂಡಕ್ಕೆ 26 ಬಾಲ್​ 59 ರನ್​ ಗಳಿಸಿ ಗೆಲುವಿನ ದಡಕ್ಕೆ ಸೇರಿಸಿದ್ದರು.

ಸಂಭಾವ್ಯ ತಂಡ ಡೆಲ್ಲಿ ಕ್ಯಾಪಿಟಲ್ಸ್​:ಶಫಾಲಿ ವರ್ಮಾ, ಮೆಗ್ ಲ್ಯಾನಿಂಗ್ (ನಾಯಕಿ), ಮರಿಝನ್ನೆ ಕಪ್, ಜೆಮಿಮಾ ರಾಡ್ರಿಗಸ್, ಆಲಿಸ್ ಕ್ಯಾಪ್ಸೆ, ಜೆಸ್ ಜೊನಾಸೆನ್, ತಾನಿಯಾ ಭಾಟಿಯಾ (ವಿಕೆಟ್​ ಕೀಪರ್​), ಅರುಂಧತಿ ರೆಡ್ಡಿ, ಶಿಖಾ ಪಾಂಡೆ, ರಾಧಾ ಯಾದವ್, ತಾರಾ ನಾರ್ರಿಸ್

ಯುಪಿ ವಾರಿಯರ್ಸ್​ : ಅಲಿಸ್ಸಾ ಹೀಲಿ (ನಾಯಕಿ/ವಿಕೆಟ್​ ಕೀಪರ್​), ಶ್ವೇತಾ ಸೆಹ್ರಾವತ್, ತಹ್ಲಿಯಾ ಮೆಕ್‌ಗ್ರಾತ್, ದೀಪ್ತಿ ಶರ್ಮಾ, ಗ್ರೇಸ್ ಹ್ಯಾರಿಸ್, ಸಿಮ್ರಾನ್ ಶೇಖ್, ಕಿರಣ್ ನವಗಿರೆ, ದೇವಿಕಾ ವೈದ್ಯ, ಸೋಫಿ ಎಕ್ಲೆಸ್ಟೋನ್, ಅಂಜಲಿ ಸರ್ವಾಣಿ, ರಾಜೇಶ್ವರಿ ಗಾಯಕ್‌ವಾಡ್

26 ಎಸೆತಗಳಲ್ಲಿ 59 ರನ್ ಗಳಿಸುವ ಮೂಲಕ ವೇಗದ ಅರ್ಧಶತಕ ಗಳಿಸಿರುವ ಗ್ರೇಸ್ ಹ್ಯಾರಿಸ್ ಮಾತನಾಡಿ,"ಯುಪಿ ವಾರಿಯರ್ಸ್​ ಗೆಲುವಿನೊಂದಿಗೆ ಆರಂಭಮಾಡಿದೆ. ಗೆಲುವನ್ನು ಮುಂದುವರೆಸಿಕೊಂಡು ಹೋಗಲು ಬಯಸುತ್ತೇವೆ. ಡೆಲ್ಲಿಯ ಎದುರು ಉತ್ತಮ ಪ್ರದರ್ಶನ ನೀಡುವ ವಿಶ್ವಾಸ ಇದೆ. ಡೆಲ್ಲಿಯೊಂದಿಗೆ ಕಠಿಣ ಮುಖಾಮುಖಿ ಇರುವುದಂತೂ ಖಂಡಿತ. ಸ್ಪರ್ಧೆಯಲ್ಲಿರುವ ಎಲ್ಲಾ ತಂಡಗಳು ಅಸಾಧಾರಣವಾಗಿದೆ. ನಾವು ಎಲ್ಲಾ ರೀತಿಯ ಸನ್ನಿವೇಶದಲ್ಲೂ ಪುಟಿದೇಳಲು ಸಿದ್ಧವಿದ್ದೇವೆ" ಎಂದು ಹೇಳಿದ್ದಾರೆ.

ಯುಪಿ ವಾರಿಯರ್ಸ್​ ಮೊದಲ ಪಂದ್ಯದಲ್ಲಿ ಸಂಕಷ್ಟದಲ್ಲಿತ್ತು. ಆದರೆ, ಅದನ್ನು ನಾವು ಸಮರ್ಥವಾಗಿ ಎದುರಿಸಿದ್ದೇವೆ. ನಾವು ಚೇಸಿಂಗ್​ ಮಾಡುವ ಯಾವುದೇ ಹಂತದಲ್ಲೂ ರನ್​ನಿಂದ ತುಂಬಾ ದೂರ ಇದ್ದೇವೆ ಎಂದು ಭಾವಿಸಿಲ್ಲ. ಕೊನೆಯ ಬಾಲ್​ವರೆಗೂ ಗೆಲುಬವಿಗಾಗಿ ಹೋರಾಡಬೇಕು ಎಂದು ಟೀಮ್​ ಮೀಟಿಂಗ್​ನಲ್ಲಿ ನಾವು ನಿರ್ಧರಿಸಿದ್ದೆವು ಎಂದು ಗ್ರೇಸ್ ಹ್ಯಾರಿಸ್ ಹೇಳಿದ್ದಾರೆ.

ಇದನ್ನೂ ಓದಿ:ಯುಪಿಗೆ ಜಯ ತಂದಿಟ್ಟ ಗ್ರೇಸ್ ಹ್ಯಾರಿಸ್‌ ಅದ್ಭುತ ಆಟ; ಗುಜರಾತ್‌ಗೆ 2ನೇ ಸೋಲು