ಟೆಸ್ಟ್​ ಚಾಂಪಿಯನ್​ಶಿಪ್​ ಅಂಕಪಟ್ಟಿ: 4ನೇ ಸ್ಥಾನಕ್ಕೆ ಕುಸಿದ ಭಾರತ, ಶ್ರೀಲಂಕಾ - ಆಸ್ಟ್ರೇಲಿಯಾಗೆ ಅಗ್ರಸ್ಥಾನ

ಭಾನುವಾರ ಇಂಗ್ಲೆಂಡ್ ವಿರುದ್ಧ ಮುಗಿದ ಡೇ ಅಂಡ್​ ನೈಟ್​ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಪ್ರವಾಸಿ ತಂಡವನ್ನು 275 ರನ್​ಗಳಿಂದ ಮಣಿಸಿತು. ಈ ಮೂಲಕ ಆಡಿದ 2 ಪಂದ್ಯಗಳಲ್ಲೂ ಗೆಲುವು ಸಾಧಿಸಿ ಶೇ 100 ರಷ್ಟು ಸರಾಸರಿಯೊಂದಿಗೆ ಶ್ರೀಲಂಕಾ ಜೊತೆಗೆ ಅಗ್ರಸ್ಥಾನ ಹಂಚಿ ಕೊಂಡಿದೆ.

ದುಬೈ:ಇಂಗ್ಲೆಂಡ್​ ವಿರುದ್ಧ ಆ್ಯಶಸ್​ ಸರಣಿಯ 2ನೇ ಟೆಸ್ಟ್​ ಪಂದ್ಯ ಗೆಲ್ಲುತ್ತಿದ್ದಂತೆ ಆಸ್ಟ್ರೇಲಿಯಾ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ ಅಂಕಪಟ್ಟಿಯಲ್ಲಿ ಭಾರತ ಮತ್ತು ಪಾಕಿಸ್ತಾನ ಹಿಂದಿಕ್ಕಿ 2ನೇ ಸ್ಥಾನಕ್ಕೆ ಲಗ್ಗೆಯಿಟ್ಟಿದೆ.

ಭಾನುವಾರ ಇಂಗ್ಲೆಂಡ್ ವಿರುದ್ಧ ಮುಗಿದ ಡೇ ಅಂಡ್​ ನೈಟ್​ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಪ್ರವಾಸಿ ತಂಡವನ್ನು 275 ರನ್​ಗಳಿಂದ ಮಣಿಸಿತು. ಈ ಮೂಲಕ ಆಡಿದ 2 ಪಂದ್ಯಗಳಲ್ಲೂ ಗೆಲುವು ಸಾಧಿಸಿ ಶೇ 100 ರಷ್ಟು ಸರಾಸರಿಯೊಂದಿಗೆ ಶ್ರೀಲಂಕಾ ಜೊತೆಗೆ ಅಗ್ರಸ್ಥಾನವನ್ನು ಹಂಚಿಕೊಂಡಿದೆ.

ಶ್ರೀಲಂಕಾ ವೆಸ್ಟ್ ಇಂಡೀಸ್ ವಿರುದ್ಧ ತವರಿನಲ್ಲಿ ನಡೆದ ಟೆಸ್ಟ್ ಸರಣಿಯನ್ನು 2-0ಯಲ್ಲಿ ಗೆಲವು ಸಾಧಿಸಿ 24 ಅಂಕ ಪಡೆದುಕೊಂಡಿದೆ. ಭಾರತ 5 ಪಂದ್ಯಗಳನ್ನಾಡಿದ್ದು, 3 ಗೆಲುವು, 1 ಸೋಲು ಮತ್ತು 2 ಡ್ರಾ ಸಾಧಿಸಿ 58.33 ಗೆಲುವಿನ ಸರಾಸರಿಯೊಂದಿಗೆ 4ನೇ ಸ್ಥಾನದಲ್ಲಿದೆ.

ಪಾಕಿಸ್ತಾನ 75 ಸರಾಸರಿಯೊಂದಿಗೆ 3ನೇ ಸ್ಥಾನದಲ್ಲಿದ್ದರೆ, ವೆಸ್ಟ್​ ಇಂಡೀಸ್​(ಶೇ25), ನ್ಯೂಜಿಲ್ಯಾಂಡ್​ ಇಂಗ್ಲೆಂಡ್​(ಶೇ 08.33) 6 ಮತ್ತು 7ನೇ ಸ್ಥಾನದಲ್ಲಿವೆ. 2021-23ರವರೆಗಿನ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ಪ್ರತಿ ಪಂದ್ಯಕ್ಕೆ 12 ಅಂಕಗಳನ್ನು ನಿಗದಿ ಮಾಡಲಾಗಿದೆ. ಪಂದ್ಯ ಡ್ರಾ ಸಾಧಿಸಿದರೆ ಎರಡೂ ತಂಡಗಳು 4 , ಟೈ ಆದರೆ 6 ಅಂಕಗಳನ್ನು ಪಡೆಯಲಿವೆ

ಹೆಚ್ಚು ಗೆಲುವಿನ ಸರಾಸರಿ ಪಡೆಯುವ ಮೊದಲೆರಡು ತಂಡಗಳು ಫೈನಲ್ ಪ್ರವೇಶಿಸಲಿವೆ. 5 ಪಂದ್ಯಗಳ ಸರಣಿಗೆ 60 ಅಂಕ ಮತ್ತು 2 ಪಂದ್ಯಗಳ ಸರಣಿಗೆ 24 ಅಂಕಗಳಿರಲಿವೆ. 3 ಪಂದ್ಯಗಳ ಸರಣಿಗೆ 36 ಅಂಕ ನಿಗದಿಯಾಗಿದೆ.

ಇದನ್ನೂ ಓದಿ:ಆ್ಯಶಸ್​ ಸರಣಿ : ಡೇ ಅಂಡ್​ ನೈಟ್​​ನಲ್ಲಿ ಆಸೀಸ್​ ಅಜೇಯ, ಇಂಗ್ಲೆಂಡ್​ ವಿರುದ್ಧ 275 ರನ್​ಗಳ ಜಯ