ಹೈದರಾಬಾದ್:ದೊಡ್ಡ ದೊಡ್ಡ ಟೂರ್ನಿಗಳಲ್ಲಿ ಬಾಂಗ್ಲಾದೇಶ ಬಲಿಷ್ಠ ಪ್ರದರ್ಶನಕ್ಕೆ ಹೆಸರುವಾಸಿಯಾಗಿದೆ. ಈ ತಂಡದ ಆಟಗಾರರು ಪ್ರಮುಖ ಸಂದರ್ಭಗಳಲ್ಲಿ ಆಲ್ರೌಂಡರ್ ಆಟದ ಮೂಲಕ ಅದ್ಭುತ ಪ್ರದರ್ಶನ ನೀಡುತ್ತಾರೆ. 2007ರ ಏಕದಿನ ವಿಶ್ವಕಪ್ನಲ್ಲಿ ಭಾರತದಂತಹ ಬಲಿಷ್ಠ ತಂಡವನ್ನು ಸೋಲಿಸಿರುವುದು ಗಮನಾರ್ಹ. ಬಾಂಗ್ಲಾದೇಶವು ಸೂಪರ್ 8 ರಲ್ಲಿ ದಕ್ಷಿಣ ಆಫ್ರಿಕಾದಂತಹ ಬಲಿಷ್ಠ ತಂಡಗಳನ್ನು ಸಹ ಸೋಲಿಸಿದೆ. 1999 ರ ವಿಶ್ವಕಪ್ನಲ್ಲಿ ಪಾಕಿಸ್ತಾನವು ಬಾಂಗ್ಲಾದೇಶದ ವಿರುದ್ಧವೂ ಸೋಲನ್ನಪ್ಪಿಕೊಳ್ಳಬೇಕಾಯಿತು. ಈ ತಂಡದ ಆಟಗಾರರನ್ನು ಲಘುವಾಗಿ ಪರಿಗಣಿಸುವುದು ದುಬಾರಿಯಾಗಿದೆ. ಹಾಗಾಗಿ ಈ ವಿಶ್ವಕಪ್‌ಗೂ ಮುನ್ನ ನಾವು ಬಾಂಗ್ಲಾದೇಶದ ಐವರು ಪ್ರಮುಖ ಆಟಗಾರರ ಬಗ್ಗೆ ಹೇಳಲಿದ್ದೇವೆ.
ಶಕೀಬ್ ಅಲ್ ಹಸನ್:ವಿಶ್ವದ ಅತ್ಯುತ್ತಮ ಆಲ್‌ರೌಂಡರ್‌ಗಳಲ್ಲಿ ಒಬ್ಬರಾಗಿರುವ ಬಾಂಗ್ಲಾದೇಶದ ನಾಯಕ ಶಕೀಬ್ ಅಲ್ ಹಸನ್ ಪ್ರಮುಖ ಆಟಗಾರರಲ್ಲಿ ಒಬ್ಬರು. ಶಕೀಬ್ ಎದುರಾಳಿ ಬ್ಯಾಟರ್‌ಗಳಿಗೆ ರನ್ ಗಳಿಸಲು ಯಾವುದೇ ಅವಕಾಶವನ್ನು ನೀಡುವುದಿಲ್ಲ, ಅವರು ವಿಲೋ ಜೊತೆಗೆ ನಿರ್ಣಾಯಕ ಪಾತ್ರವನ್ನು ವಹಿಸುತ್ತಾರೆ. ಶಕೀಬ್ ತಮ್ಮ ಸೊಗಸಾದ ಬೌಂಡರಿಗಳು ಮತ್ತು ಅತ್ಯುನ್ನತ ಸಿಕ್ಸರ್‌ಗಳಿಗೆ ಹೆಸರುವಾಸಿಯಾಗಿದ್ದಾರೆ. ಶಕೀಬ್ ಇದುವರೆಗೆ 240 ಏಕದಿನ ಪಂದ್ಯಗಳಲ್ಲಿ 308 ವಿಕೆಟ್ ಪಡೆದಿದ್ದಾರೆ. ಇದಲ್ಲದೇ, ಅವರು 37.7 ರ ಸರಾಸರಿಯಲ್ಲಿ 7,384 ರನ್ ಗಳಿಸಿದ್ದಾರೆ.
ಮುಶ್ಫಿಕರ್ ರಹೀಮ್: ಬಾಂಗ್ಲಾದೇಶದ ಅನುಭವಿ ಬ್ಯಾಟರ್ ಮತ್ತು ಸ್ಟಂಪರ್ ಮುಶ್ಫಿಕರ್ ರಹೀಮ್ ಪ್ರಮುಖ ಆಟಗಾರ. ಮುಶ್ಫಿಕರ್ ಮೈದಾನಕ್ಕೆ ಬಂದ ತಕ್ಷಣ ಬೌಂಡರಿ ಹಾಗೂ ಸಿಕ್ಸರ್ ಬಾರಿಸುತ್ತಾರೆ. ಅವರು ಸ್ಫೋಟಕ ಬ್ಯಾಟಿಂಗ್‌ಗೆ ಹೆಸರು ವಾಸಿಯಾಗಿದ್ದಾರೆ. ಇದಲ್ಲದೇ ವಿಕೆಟ್ ಕೀಪಿಂಗ್ನಲ್ಲೂ ಚಿರತೆಯಂತಹ ಚಾಣಾಕ್ಷತನ ತೋರುತ್ತಾರೆ. ಅವರು ಆಗಾಗ್ಗೆ ಅದ್ಭುತ ಕ್ಯಾಚ್‌ಗಳನ್ನು ಪಡೆಯುತ್ತಾರೆ. ಇದಲ್ಲದೇ ಅತ್ಯುತ್ತಮ ಸ್ಟಂಪಿಂಗ್ ಸಹ ಮಾಡುತ್ತಾರೆ. ಮುಶ್ಫಿಕರ್ ರಹೀಮ್ ಇದುವರೆಗೆ 256 ಏಕದಿನ ಪಂದ್ಯಗಳಲ್ಲಿ ಒಂಬತ್ತು ಶತಕ ಮತ್ತು 46 ಅರ್ಧಶತಕಗಳ ನೆರವಿನಿಂದ 7406 ರನ್ ಗಳಿಸಿದ್ದಾರೆ. ಅವರು 222 ಕ್ಯಾಚ್‌ಗಳನ್ನು ತೆಗೆದುಕೊಂಡಿದ್ದಾರೆ ಮತ್ತು 10 ರನ್ ಔಟ್ ಮತ್ತು 55 ಸ್ಟಂಪ್ ಮಾಡಿ ಗಮನ ಸೆಳೆದಿದ್ದಾರೆ.
ಮುಸ್ತಫಿಜುರ್ ರೆಹಮಾನ್:ವಿಶ್ವದರ್ಜೆಯ ಬ್ಯಾಟ್ಸ್‌ಮನ್‌ಗಳು ಕೂಡ ಬಾಂಗ್ಲಾದೇಶದ ವೇಗಿ ಮುಸ್ತಾಫಿಜುರ್ ರೆಹಮಾನ್ ಎದುರು ಬ್ಯಾಟ್ ಮಾಡಲು ಕೊಂಚ ಹಿಂಜರಿಯುತ್ತಾರೆ. ಮುಸ್ತಫಿಜುರ್ ತನ್ನ ಅತ್ಯುತ್ತಮ ಕಟ್ಟರ್‌ಗಳಿಗೆ ಹೆಸರುವಾಸಿಯಾಗಿದ್ದಾರೆ ಮತ್ತು ವೇಗದ ಉತ್ತಮ ಮಿಶ್ರಣವನ್ನು ಹೊಂದಿರುವುದು ವಿಶೇಷ. ಆರಂಭಿಕ ಓವರ್‌ಗಳಲ್ಲಿ ವಿಕೆಟ್ಗಳನ್ನು ಪಡೆಯುವುದರ ಜೊತೆಗೆ, ಡೆತ್ ಓವರ್‌ಗಳಲ್ಲಿ ಮಾರಕ ಬೌಲಿಂಗ್ ಮಾಡುವ ಮೂಲಕ ಯಾವುದೇ ತಂಡವು ದೊಡ್ಡ ಸ್ಕೋರ್ ಮಾಡುವುದನ್ನು ಇವರು ತಡೆಯುತ್ತಾರೆ. ರೆಹಮಾನ್ ಯಾವಾಗಲೂ ಭಾರತೀಯ ಪಿಚ್ಗಳಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಅವರು ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲೂ ಪರಿಣಾಮಕಾರಿಯಾಗಿದ್ದಾರೆ. ಮುಸ್ತಫಿಜುರ್ 93 ODIಗಳಲ್ಲಿ 156 ವಿಕೆಟ್ಗಳನ್ನು ಪಡೆದಿದ್ದಾರೆ.
ಮೆಹದಿ ಹಸನ್ ಮಿರಾಜ್: ಬಾಂಗ್ಲಾದೇಶದ ಪರವಾಗಿ ಮೆಹದಿ ಹಸನ್ ಮಿರಾಜ್ ಬಾಲ್ನಿಂದ ಎದುರಾಳಿ ಬ್ಯಾಟ್ಸ್‌ಮನ್‌ಗಳ ವಿಕೆಟ್ಗಳನ್ನು ಕಬಳಿಸುತ್ತಾರೆ. ಅಷ್ಟೇ ಅಲ್ಲ ಆಲ್ರೌಂಡರ್ ಆಗಿರುವ ಅವರು ತಮ್ಮ ಬ್ಯಾಟ್‌ನಿಂದ ಹೆಸರಾಂತ ಬೌಲರ್‌ಗಳಿಗೆ ಸಿಕ್ಸರ್‌ಗಳನ್ನು ಸಹ ಬಾರಿಸುತ್ತಾರೆ. ಇತ್ತೀಚೆಗೆ ನಡೆದ ಏಷ್ಯಾ ಕಪ್ 2023 ರಲ್ಲಿ ಮಿರಾಜ್ ತಂಡಕ್ಕಾಗಿ ಅದ್ಭುತ ಪ್ರದರ್ಶನ ನೀಡಿದ್ದರು. ಮಿರಾಜ್ ಅವರು ತಮ್ಮ ಅತ್ಯುತ್ತಮ ಆಫ್ - ಸ್ಪಿನ್ ಎಸೆತಗಳಿಂದ ಭಾರತೀಯ ಪಿಚ್ಗಳಲ್ಲಿ ಅದ್ಭುತ ಪ್ರದರ್ಶನ ತೊರಬಹುದಾಗಿದೆ. ಇದುವರೆಗೆ ಅವರು ಬಾಂಗ್ಲಾದೇಶ ಪರ 80 ODI ಪಂದ್ಯಗಳಲ್ಲಿ 23.24 ಸರಾಸರಿಯಲ್ಲಿ 2 ಶತಕ ಮತ್ತು 2 ಅರ್ಧ ಶತಕಗಳ ಸಹಾಯದಿಂದ 1046 ರನ್ ಗಳಿಸಿದ್ದಾರೆ. ಇದಲ್ಲದೇ ಅವರು ಬೌಲಿಂಗ್ನಲ್ಲಿಯೂ 91 ವಿಕೆಟ್ಗಳನ್ನು ಪಡೆದಿದ್ದಾರೆ.
ಲಿಟನ್ ದಾಸ್:ಲಿಟನ್ ದಾಸ್ ಅಪಾಯಕಾರಿ ಬ್ಯಾಟರ್ ಆಗಿ ಹೊರಹೊಮ್ಮಬಹುದು. ದಾಸ್ ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿಗೆ ಹೆಸರುವಾಸಿಯಾಗಿದ್ದಾರೆ. ಹಲವು ಸ್ಫೋಟಕ ಇನ್ನಿಂಗ್ಸ್ಗಳನ್ನು ಆಡುವ ಮೂಲಕ ತಮ್ಮ ಕೈಚಳಕ ತೋರಿದ್ದಾರೆ. ಅವರು T20 ವಿಶ್ವಕಪ್ 2022 ರಲ್ಲಿ ಭಾರತದ ವಿರುದ್ಧ ಅದ್ಭುತವಾಗಿ ಬ್ಯಾಟ್ ಮಾಡಿದರು. ದಾಸ್ ಇದುವರೆಗೆ 77 ODIಗಳಲ್ಲಿ ಐದು ಶತಕಗಳು ಮತ್ತು 10 ಅರ್ಧ ಶತಕಗಳೊಂದಿಗೆ 2250 ರನ್ ಗಳಿಸಿದ್ದಾರೆ.
ಓದಿ:ಶೂನ್ಯದಿಂದ ಸ್ಟಾರ್ ಪಟ್ಟ! ಟೀಂ ಇಂಡಿಯಾ ವೇಗದ ಬೌಲರ್ ಮಹಮ್ಮದ್ ಸಿರಾಜ್ ರೋಚಕ ಕಹಾನಿ
