ಅಹಮದಾಬಾದ್ (ಗುಜರಾತ್):ಆಸ್ಟ್ರೇಲಿಯ ವಿರುದ್ಧದ ನಾಲ್ಕನೇ ಟೆಸ್ಟ್‌ಗೂ ಮುನ್ನ ಭಾರತ ತಂಡ ಹೋಳಿ ಹಬ್ಬದ ಸಂಭ್ರಮದಲ್ಲಿ ಮುಳುಗಿ ಹೋಗಿದೆ. ಟೀಂ ಇಂಡಿಯಾ ಆಟಗಾರರು ಬಿಡುವು ಮಾಡಿಕೊಂಡು ಸಂತಸ ಕ್ಷಣಗಳನ್ನು ಕಳೆಯುತ್ತಿದ್ದಾರೆ. ಭಾರತದ ಆರಂಭಿಕ ಆಟಗಾರ ಶುಭಮನ್ ಗಿಲ್ ಹಂಚಿಕೊಂಡ ವೈರಲ್ ವಿಡಿಯೋದಲ್ಲಿ, ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಅವರು ಆಸ್ಟ್ರೇಲಿಯಾ ವಿರುದ್ಧದ ನಾಲ್ಕನೇ ಟೆಸ್ಟ್ ಪಂದ್ಯಕ್ಕೂ ಮುನ್ನ ಮಂಗಳವಾರ ಪರಸ್ಪರ ಬಣ್ಣಗಳ ಹಂಚಿಕೊಂಡು ಹಬ್ಬವನ್ನು ಸಡಗರಿಂದ ಆಚರಿಸಿದರು.
ಬಸ್ನೊಳಗೆ ಬಣ್ಣದೋಕುಳಿ: ಬಣ್ಣಗಳ ಹಬ್ಬ ಹೋಳಿ ಹಿನ್ನೆಲೆ ವಿರಾಟ್ ಕೊಹ್ಲಿ ಸಖತ್ ಡ್ಯಾನ್ಸ್ ಮಾಡಿದ್ದಾರೆ. ನಾಯಕ ರೋಹಿತ್ ಶರ್ಮಾ ಮತ್ತು ಓಪನರ್ ಗಿಲ್ ಟೀಮ್ ಇಂಡಿಯಾದ ಸದಸ್ಯರೊಂದಿಗೆ ರಂಗಿನ ಹಬ್ಬ ಹೋಳಿಯನ್ನು ಸಂಭ್ರಮದಿಂದ ಆಚರಿಸಿ ಎಲ್ಲರ ಗಮನಸೆಳೆದಿದ್ದಾರೆ. ಮೂವರು ಆಟಗಾರರು ತಾವು ಯಾರಿಗೂ ಕಡಿಮೆ ಏನಿಲ್ಲ ಎಂಬಂತೆ ತಂಡದ ಬಸ್ನೊಳಗೆ ಬಣ್ಣದೋಕುಳಿಯಲ್ಲಿ ಮುಳುಗಿದರು.
ಇದನ್ನೂ ಓದಿ:ಅಹಮದಾಬಾದ್‌ನಲ್ಲಿ ಗಿಲ್ಲೋ, ರಾಹುಲೋ? ; ಮುನ್ಸೂಚನೆಯೊಂದಿಗೆ ರಿಕಿ ಪಾಂಟಿಂಗ್
ರಂಗ್ ಬರ್ಸೆ ಹಾಡಿಗೆ ಸಖತ್ ಡ್ಯಾನ್ಸ್:ಬಾಲಿವುಡ್ ಚಲನಚಿತ್ರ ಸಿಲ್ಸಿಲಾದ ಪ್ರಸಿದ್ಧ ಹಾಡಿನ ರಂಗ್ ಬರ್ಸೆಗೆ ಟೀಂ ಇಂಡಿಯಾ ಬ್ಯಾಟ್ಸ್ಮೆನ್ ವಿರಾಟ್ ಕೊಹ್ಲಿ ಭರ್ಜರಿಯಾಗಿ ಡ್ಯಾನ್ಸ್ ಮಾಡಿದ್ದಾರೆ. ಕೊಹ್ಲಿ ಜೊತೆಗೆ ನಾಯಕ ರೋಹಿತ್ ಶರ್ಮಾ ಮತ್ತು ಓಪನರ್ ಗಿಲ್ ಸಾಥ್ ನೀಡಿದ್ದಾರೆ. ಈ ಮೂವರು ಟೀಮ್ ಇಂಡಿಯಾದ ಸದಸ್ಯರೊಂದಿಗೆ ರಂಚಮಿ ಹಬ್ಬವನ್ನು ಆಚರಿಸುತ್ತಿರುವುದು ಎಲ್ಲ ಗಮನಸೆಳೆದಿದೆ. ಮೂವರು ತಂಡದ ಬಸ್ನೊಳಗೆ ಬಣ್ಣಗಳಲ್ಲಿ ಮುಳುಗಿ ಹೋಗಿರುವುದು ಕಂಡು ಬರುತ್ತದೆ. "ಇಂಡಿಯನ್ ಕ್ರಿಕೆಟ್ ಟೀಂನಿಂದ ಹೋಳಿ ಶುಭಾಶಯಗಳು ಎಂದು ಗಿಲ್ ಇನಸ್ಟಾಗ್ರಾಂನಲ್ಲಿ ತಮ್ಮ ಪೋಸ್ಟ್ವೊಂದನ್ನು ಹಂಚಿಕೊಂಡಿದ್ದಾರೆ.