ನವದೆಹಲಿ: ಆಸ್ಟ್ರೇಲಿಯಾದ ಸ್ಫೋಟಕ ಬ್ಯಾಟರ್ ಡೇವಿಡ್ ವಾರ್ನರ್ ತಾವೂ ಐಪಿಎಲ್ನಲ್ಲಿ ಕೆರಿಯರ್ ಆರಂಭಿಸಿದ್ದ ಡೆಲ್ಲಿ ಫ್ರಾಂಚೈಸಿಗೆ 9 ವರ್ಷಗಳ ನಂತರ ಮರಳಿದ್ದಾರೆ. 2009ರಲ್ಲಿ ಡೆಲ್ಲಿ ಡೇರ್ಡೆವಿಲ್ಸ್ ಪರ ಇಂಡಿಯನ್ ಪ್ರೀಮಿಯರ್ ಲೀಗ್ಗೆ ಪದಾರ್ಪಣೆ ಮಾಡಿದ್ದ ಆಸೀಸ್ ಬ್ಯಾಟರ್ ಅಂದು 14.5 ಲಕ್ಷ ರೂ ಪಡೆದಿದ್ದರು.
2011ರ ಮೆಗಾ ಹರಾಜಿನಲ್ಲಿ 3.4 ಕೋಟಿ ರೂಗೆ ಡೆಲ್ಲಿ ತಂಡ ಅವರನ್ನು ಮತ್ತೆ ಖರೀದಿಸಿತ್ತು. 2014ರಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡ ಡೇವಿಡ್ ವಾರ್ನರ್ರನ್ನು 5.5 ಕೋಟಿ ರೂ ನೀಡಿ ಖರೀಸಿದ್ದಲ್ಲದೇ, ಮಧ್ಯಂತರದಲ್ಲಿ ಅವರನ್ನೇ ನಾಯಕನ್ನಾಗಿ ನೇಮಿಸಿತ್ತು. ನಂತರ 2018ರ ಆವೃತ್ತಿಯನ್ನು ಹೊರತುಪಡಿಸಿ 2021ರವರೆಗೂ ಅವರು ತಂಡದಲ್ಲಿ ಮುಂದುವರೆದಿದ್ದರು.