ಬಾಲ್ ಟ್ಯಾಂಪರಿಂಗ್ ​: ವೇಗದ ಬೌಲರ್​ ವಿವಿಯನ್​ ಕಿಂಗ್ಮಾಗೆ 4 ಪಂದ್ಯಗಳ ನಿಷೇಧ

4 ಪಂದ್ಯಗಳ ನಿಷೇಧದ ಜೊತೆಗೆ ಕಿಂಗ್ಮಾ ಅವರ ಶಿಸ್ತು ದಾಖಲೆ ಪಟ್ಟಿಗೆ 5 ಡಿಮೆರಿಟ್​ ಅಂಕಗಳನ್ನು ಸೇರಿಸಲಾಗಿದೆ. ಕಿಂಗ್ಮಾ ಅವರು ಪಂದ್ಯದ ರೆಫ್ರಿಗಳ ಎದುರು ತಮ್ಮ ತಪ್ಪನ್ನು ಒಪ್ಪಿಕೊಂಡಿರುವುದರಿಂದ ಅವರ ವಿರುದ್ಧ ಯಾವುದೇ ರೀತಿಯ ಔಪಚಾರಿಕ ವಿಚಾರಣೆಯ ಅಗತ್ಯವಿಲ್ಲ ಎಂದು ಐಸಿಸಿ ಪ್ರಕಟಣೆಯಲ್ಲಿ ತಿಳಿಸಿದೆ..

ದುಬೈ :ನೆದರ್ಲೆಂಡ್ಸ್ ತಂಡದ ವೇಗಿ ವಿವಿಯನ್ ಕಿಂಗ್ಮಾ ಅವರು ಆಫ್ಘಾನಿಸ್ತಾನದ ವಿರುದ್ಧ ಬಾಲ್​ ಟ್ಯಾಂಪರಿಂಗ್​​ ಮಾಡಿ ಸಿಕ್ಕಿ ಬಿದ್ದಿದ್ದು, ಐಸಿಸಿಯಿಂದ 4 ಪಂದ್ಯಗಳ ಅಮಾನತಿಗೆ ಒಳಗಾಗಿದ್ದಾರೆ.

ಮಂಗಳವಾರ ನಡೆದ ಪಂದ್ಯದಲ್ಲಿ ಆಫ್ಘಾನಿಸ್ತಾನ 75 ರನ್​ಗಳಿಂದ ಗೆದ್ದು ಬೀಗಿತ್ತು. ಆಫ್ಘಾನಿಸ್ತಾನ ಬ್ಯಾಟಿಂಗ್ ಮಾಡುವಾಗ ಕಿಂಗ್ಮಾ 31ನೇ ಓವರ್‌ನಲ್ಲಿ ಚೆಂಡನ್ನು ತಮ್ಮ ಉಗುರುಗಳಿಂದ ಗೀಚಿ ಚೆಂಡಿನ ಆಕಾರವನ್ನು ವಿರೂಪಗೊಳಿಸಿದ್ದರು.

"ಆಟಗಾರರು ಮತ್ತು ಆಟಗಾರರ ಬೆಂಬಲ ಸಿಬ್ಬಂದಿ ಐಸಿಸಿ ನೀತಿ ಸಂಹಿತೆಯ ಆರ್ಟಿಕಲ್ 2.14 ಅನ್ನು ಕಿಂಗ್ಮಾ ಉಲ್ಲಂಘಿಸಿರುವುದು ಕಂಡು ಬಂದಿದೆ. ಇದು ICC ಮಟ್ಟದ ಟೆಸ್ಟ್ ಪಂದ್ಯ, ODI ಮತ್ತು T20I ಪಂದ್ಯಗಳಲ್ಲಿ ಚೆಂಡಿನ ಸ್ಥಿತಿಯನ್ನು ಬದಲಾಯಿಸುವುದಕ್ಕೆ ಸಂಬಂಧಿಸಿದ್ದಾಗಿದೆ " ಎಂದು ಐಸಿಸಿ ಪ್ರಕಟಣೆ ತಿಳಿಸಿದೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

4 ಪಂದ್ಯಗಳ ನಿಷೇಧದ ಜೊತೆಗೆ ಕಿಂಗ್ಮಾ ಅವರ ಶಿಸ್ತು ದಾಖಲೆ ಪಟ್ಟಿಗೆ 5 ಡಿಮೆರಿಟ್​ ಅಂಕಗಳನ್ನು ಸೇರಿಸಲಾಗಿದೆ. ಕಿಂಗ್ಮಾ ಅವರು ಪಂದ್ಯದ ರೆಫ್ರಿಗಳ ಎದುರು ತಮ್ಮ ತಪ್ಪನ್ನು ಒಪ್ಪಿಕೊಂಡಿರುವುದರಿಂದ ಅವರ ವಿರುದ್ಧ ಯಾವುದೇ ರೀತಿಯ ಔಪಚಾರಿಕ ವಿಚಾರಣೆಯ ಅಗತ್ಯವಿಲ್ಲ ಎಂದು ಐಸಿಸಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ:Pro Kabaddi League: ಯು ಮುಂಬಾ ವಿರುದ್ಧ ಸೇಡು ತೀರಿಸಿಕೊಳ್ಳಲು ಬೆಂಗಳೂರು ಬುಲ್ಸ್​ ಕಾತರ