ನಾಟು ನಾಟು ಹಾಡಿಗೆ ವಿರಾಟ್​ ಡ್ಯಾನ್ಸ್​, ಸ್ಟಾರ್ಕ್​ ದಾಳಿಗೆ ಕೊಹ್ಲಿ ಔಟ್​

ಫೀಲ್ಡಿಂಗ್​ ಮಾಡುವ ವೇಳೆ ವಿರಾಟ್​ ಕೊಹ್ಲಿ ಡ್ಯಾನ್ಸ್​ - ನಾಟು ನಾಟು ಹಾಡಿನ ಸ್ಟೆಪ್​ ಹಾಕಿದ ಕೊಹ್ಲಿ - ಸ್ಟಾರ್ಕ್​ ದಾಳಿಗೆ ಎಲ್​ಬಿಡಬ್ಲ್ಯೂಗೆ ರನ್​ಮಷಿನ್​ ಔಟ್​

ಮುಂಬೈ:ರೋಹಿತ್​ ಶರ್ಮಾ ಅನುಪಸ್ಥಿತಿಯಲ್ಲಿ ಹಾರ್ದಿಕ್​ ಪಾಂಡ್ಯ ನಾಯಕತ್ವದಲ್ಲಿ ಇಲ್ಲಿನ ವಾಂಖೆಡೆ ಕ್ರಿಡಾಂಗಣದಲ್ಲಿ ಭಾರತ ತಂಡ ಆಸ್ಟ್ರೇಲಿಯಾ ವಿರುದ್ಧ ತನ್ನ ಮೊದಲ ಪಂದ್ಯವನ್ನು ಆಡುತ್ತಿದೆ. ಹಾರ್ದಿಕ್​ ಚಾಣಾಕ್ಷ ಬೌಲಿಂಗ್​ಗೆ ಆಸಿಸ್​ ಪಡೆ 188ಕ್ಕೆ ಆಲ್​ಔಟ್​ ಆಗಿದೆ. ಭಾರತವೂ 10 ಓವರ್​ಗೆ 39ಕ್ಕೆ 3 ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿದೆ.

ಮೊದಲ ಇನ್ನಿಂಗ್ಸ್​ ಫೀಲ್ಡಿಂಗ್​ ಮಾಡುವ ವೇಳೆ ವಿರಾಟ್​ ಕೊಹ್ಲಿ ಆಸ್ಕರ್​ ಮತ್ತು ಗೋಲ್ಡನ್​ ಗ್ಲೋಬ್​ ಪ್ರಶಸ್ತಿ ಗೆದ್ದ ನಾಟು ನಾಟು ಹಾಡಿನ ಸ್ಟೆಪ್​ ಹಾಕಿದ್ದಾರೆ ಇದು ಟ್ವಿಟರ್​ನಲ್ಲಿ ಟ್ರೆಂಡ್​ ಆಗುತ್ತಿದೆ. ವಿರಾಟ್​ ಕೊಹ್ಲಿ ಫಿಲ್ಡ್​ನಲ್ಲಿ ಇರುವಾಗ ಹೆಚ್ಚು ಆಕ್ಟೀವ್​ ಆಗಿ ಕಾಣಿಸಿಕೊಳ್ಳುತ್ತಾರೆ. ಫೀಲ್ಡಿಂಗ್​ ವೇಳೆ ಅಗ್ರೆಸಿವ್​ ಆಗಿಯೂ ಕಾಣಿಸಿಕೊಳ್ಳುತ್ತಾರೆ.

ಅವರು ಫೀಲ್ಡ್​ನಲ್ಲಿ ಲವಲವಿಕೆ ಇಂದ ಇರುವುದು ಹೆಚ್ಚು ವೈರಲ್​ ಆಗುತ್ತಿರುತ್ತದೆ. ಈ ಹಿಂದೆ ಟೆಸ್ಟ್​ ಕ್ರಿಕೆಟ್​ನ ಪೀಲ್ಡಿಂಗ್​ ವೇಳೆ ಪಠಾಣ್​ ಸಿನಿಮಾದ "ಜೂಮೆ ಜೋ ಪಠಾಣ್​" ಹಾಡಿಗೆ ಸ್ಟೆಪ್​ ಹಾಕಿದ್ದು ವೈರಲ್​ ಆಗಿತ್ತು. ಇದಕ್ಕೆ ಸ್ವತಃ ಶಾರುಖ್​​ ಖಾನ್​ ಟ್ವಿಟ್​ ಮಾಡಿ ನನ್ನಕ್ಕಿಂತ ಚೆನ್ನಾಗಿ ಸ್ಟೆಪ್ ಹಾಕಿದ್ದೀರಿ ಎಂದು ಟ್ವೀಟ್​ ಮಾಡಿದ್ದರು.

ಇಂದು ಆಸಿಸ್​ ವಿರುದ್ಧದ ಮೊದಲ ಪಂದ್ಯದಲ್ಲಿ ಭಾರತ ಟಾಸ್​ ಗೆದ್ದು ಫೀಲ್ಡಿಂಗ್​ ತೆಗೆದುಕೊಂಡಿತ್ತು. ಶಮಿ ಮತ್ತು ಸಿರಾಜ್​ ಬೌಲಿಂಗ್​ ದಾಳಿಗೆ ಆಸಿಸ್​ ಅಲ್ಪ ಮೊತ್ತಕ್ಕೆ ಕುಸಿತ ಕಂಡಿತು. ಪಂದ್ಯ ಆರಂಭವಾಗುವಾಗ ಫೀಲ್ಡಿಂಗ್​ ಸೆಟ್​ ಮಾಡುತ್ತಿರುವ ವೇಳೆ ಈ ಸ್ಟೆಪ್​ ಮಾಡಿದ್ದಾರೆ. ಇದು ಸೋಷಿಯಲ್​ ಮಿಡಿಯಾದಲ್ಲಿ ವೈರಲ್​ ಆಗಿದೆ.

ಔಟ್​ಗೆ ಟೀಕೆ:ವಿರಾಟ್​ ಕೊಹ್ಲಿ ಬಾರ್ಡರ್​ ಗವಾಸ್ಕರ್​ ಟ್ರೋಫಿಯ ಕೊನೆಯ ಪಂದ್ಯದಲ್ಲಿ ಶತಕ ಗಳಿಸಿದ್ದರು. ಅವರು ಫಾರ್ಮ್​ಗೆ ಮರಳಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಆದರೆ, ಇಂದು ಸ್ಟಾರ್ಕ್​ ಬೌಲಿಂಗ್​ನಲ್ಲಿ ಎಲ್​ಬಿಡಬ್ಲ್ಯೂಗೆ ವಿರಾಟ್​ ಔಟ್​ ಆದ ರೀತಿಗೆ ಕಮೆಂಟ್​ಗಳು ಬರುತ್ತಿವೆ. 9 ಬಾಲ್​ ಎದುರಿಸಿ ವಿರಾಟ್​ 4 ರನ್​ಗೆ ಔಟ್​ ಆದರು. ಸ್ಟಾರ್ಕ್​ ಬೌಲಿಂಗ್​ನಲ್ಲಿ ಔಟ್​ ಸ್ವಿಂಗ್​ ಬಾಲ್​ಗೆ ವಿರಾಟ್​ ಕಷ್ಟ ಪಡುತ್ತಿದ್ದರು. ಅವರು 2019ರ ನಂತರ ಔಟ್​ ಸ್ವಿಂಗ್​ ಬೌಲ್​ಗೆ ಹೆಚ್ಚು ವಿಕೆಟ್​ ಒಪ್ಪಿಸುತ್ತಿದ್ದರು. ಇಂದು ಬ್ಯಾಟಿಂಗ್​ ಬಂದಾಗ ಸ್ಟಾರ್ಕ್​ ಬೌಲ್​ ಎದುರಿಸಲು ಪಡುತ್ತಿದ್ದ ಕಷ್ಟಕ್ಕೆ ಮತ್ತೆ ವಿರಾಟ್​ ಅದೇ ಹೊರಹೋಗುವ ಚೆಂಡನ್ನು ಎದುರಿಸುವ ಸಮಸ್ಯೆ ಒಳಗಾದಂತೆ ಕಾಣುತ್ತದೆ ಎಂದು ಕಮೆಂಟ್​ಗಳು ಬರುತ್ತಿವೆ.

ನಾಟು ನಾಟು ಹಾಡಿಗೆ ಪ್ರಶಸ್ತಿಗಳ ಗರಿ: ರಾಜಮೌಳಿ ನಿರ್ದೇಶನದ ಆರ್​ಆರ್​ಆರ್​ ಸಿನಿಮಾ ಹೆಚ್ಚಿನ ಪ್ರಶಂಸೆ ಪಾತ್ರವಾಗಿದೆ. ಈ ಚಿತ್ರದ ನಾಟು ನಾಟು ಹಾಡಿಗೆ ಆಸ್ಕರ್​ ಪ್ರಶಸ್ತಿ ಸಿಕ್ಕಿದ್ದು, ಭಾರತದವರೇ ಮಾಡಿದ ಸಿನಿಮಾಕ್ಕೆ ಸಿಕ್ಕ ಮೊದಲ ಆಸ್ಕರ್ ಆಗಿದೆ. ಆರ್​ಆರ್​ಆರ್ ಸೇರಿ ಒಟ್ಟು 6 ಆಸ್ಕರ್​ ಪ್ರಶಸ್ತಿ ಭಾರತಕ್ಕೆ ಬಂದಿದೆ. ಆರ್​ಆರ್​ಆರ್​ ಸ್ವಾತಂತ್ರ್ಯ ಹೋರಾಟದ ಹಿನ್ನೆಲೆಯಲ್ಲಿ ತಯಾರಾದ ಸಿನಿಮಾ ಆಗಿದೆ. ಇತ್ತಿಚಿಗೆ ನಿರ್ದೇಶಕ ರಾಜಮೌಳಿ ಆರ್​ಆರ್​ಆರ್​ನ ಇನ್ನೊಂದು ಭಾಗವನ್ನು ಮಾಡುವುದಾಗಿ ಹೇಳಿದ್ದಾರೆ.

ಇದನ್ನೂ ಓದಿ:IND vs AUS 1st ODI: ಭಾರತಕ್ಕೆ 189 ರನ್​ಗಳ ಗುರಿ, ಶಮಿ - ಸಿರಾಜ್​ ಮಿಂಚಿನ ದಾಳಿ