ಮುಂಬೈ:2022ರ ಮೆಗಾ ಹರಾಜಿಗೂ ಐಪಿಎಲ್ ಫ್ರಾಂಚೈಸಿಗಳು ತಮಗೆ ಬೇಕಾದ ಆಟಗಾರರನ್ನು ಮಂಗಳವಾರ ರಿಟೈನ್ ಮಾಡಿಕೊಂಡಿವೆ. ಕೆಲವು ಸ್ಟಾರ್ ಆಟಗಾರರನ್ನು ತಂಡದಿಂದ ಕೈಬಿಟ್ಟಿದ್ದು, ಕೆಲವು ದೇಶಿ ಕ್ರಕೆಟಿಗರಿಗೆ ಬಂಪರ್ ದೊರೆತಿದೆ.
ಕಳೆದ ಆವೃತ್ತಿಗಳಲ್ಲಿ ಕೇವಲ ಮೂಲಬೆಲೆ ಮರಾಟವಾಗಿದ್ದ ವೆಂಕಟೇಶ್ ಅಯ್ಯರ್ ಮತ್ತು 2021ರಲ್ಲಿ ಆರೆಂಜ್ ಕ್ಯಾಪ್ ಪಡೆದುಕೊಂಡಿದ್ದ ರುತುರಾಜ್ ಗಾಯಕ್ವಾಡ್ ಜಾಕ್ಪಾಟ್ ಪಡೆದಿದ್ದಾರೆ. ಇವರಿಬ್ಬರು ಕೇವಲ 20 ಲಕ್ಷ ಮೂಲ ಬೆಲೆಯಿಂದ ಕ್ರಮವಾಗಿ 8 ಮತ್ತು 6 ಕೋಟಿ ರೂಗಳಿಗೆ ರಿಟೈನ್ ಆಗಿದ್ದಾರೆ.
ರಿಟೈನ್ನಲ್ಲಿ ಕೋಟ್ಯಧೀಶರಾದ ಕ್ರಿಕೆಟಿಗರು
ಕೇನ್ ವಿಲಿಯಮ್ಸನ್:
2015ರಲ್ಲಿ 60 ಲಕ್ಷ ಪಡೆದು ಸನ್ರೈಸರ್ಸ್ ಸೇರಿದ್ದ ವಿಲಿಯಮ್ಸನ್ 2016ರ ವರೆಗೆ ಅಷ್ಟೇ ಮೊತ್ತವನ್ನು ಪಡೆದಿದ್ದರು. ಮತ್ತೆ 2017ರ ಹರಾಜಿನಲ್ಲಿ 3 ಕೋಟಿ ರೂ ಪಡೆದಿದ್ದರು. ಇದೀಗ ಅವರನ್ನ ಎಸ್ಆರ್ಹೆಚ್ ಮೊದಲ ಆಟಗಾರನಾಗಿ ರಿಟೈನ್ ಮಾಡಿಕೊಂಡಿದ್ದು, ಮುಂದಿನ ಆವೃತ್ತಿಯಿಂದ 14 ಕೋಟಿ ರೂ ಪಡೆಯಲಿದ್ದಾರೆ.
ಮಯಾಂಕ್ ಅಗರ್ವಾಲ್: 12 ಕೋಟಿ
ಕೇವಲ ಒಂದು ಕೋಟಿ ರೂಗಳಿಗೆ 2018ರಿಂದಲೂ ಪಂಜಾಬ್ ಕಿಂಗ್ಸ್ ತಂಡದಲ್ಲಿ ಆಡುತ್ತಿದ್ದ ಕನ್ನಡಿಗ ಮಯಾಂಕ್ ಅಗರ್ವಾಲ್ ಕೊನೆಗೆ ತಮ್ಮ ಸಾಮರ್ಥ್ಯಕ್ಕೆ ತಕ್ಕ ಹಣವನ್ನು ಪಡೆದುಕೊಂಡಿದ್ದಾರೆ. ಅವರು ಪಂಜಾಬ್ ಫ್ರಾಂಚೈಸಿ 12 ಕೋಟಿ ರೂ ನೀಡಿ ಅವರನ್ನು ರಿಟೈನ್ ಮಾಡಿಕೊಂಡಿದೆ.
ಅಕ್ಷರ್ ಪಟೇಲ್: 9 ಕೋಟಿ ರೂ
ಭಾರತದ ತಂಡದಲ್ಲಿ ಖಾಯಂ ಸ್ಥಾನಗಿಟ್ಟಿಸಿಕೊಳ್ಳುತ್ತಿರುವ ಅಕ್ಷರ್ ಪಟೇಲ್ 2019ರ ಹರಾಜಿನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ 5 ಕೋಟಿ ರೂ ನೀಡಿ ಖರೀದಿಸಿತ್ತು. ಇದೀಗ ಅವರನ್ನು ಡೆಲ್ಲಿ ತಂಡ 9 ಕೋಟಿ ರೂ ನೀಡಿ ರಿಟೈನ್ ಮಾಡಿಕೊಂಡಿದೆ. ಇವರ ಮೂಲ ಬೆಲೆ 1 ಕೋಟಿ ರೂ ನಿಗದಿಪಡಿಸಿಕೊಂಡಿದ್ದರು.
ವೆಂಕಟೇಶ್ ಅಯ್ಯರ್: 8 ಕೋಟಿ
2020ರಲ್ಲಿ ಕೇವಲ 20 ಲಕ್ಷಕ್ಕೆ ಶಾರುಖ್ ಖಾನ್ ಒಡೆತನದ ಕೆಕೆಆರ್ ಫ್ರಾಂಚೈಸಿ ಖರೀದಿಸಿತ್ತು. ದುಬೈನಲ್ಲಿ ನಡೆದ 2ನೇ ಹಂತದ ಐಪಿಎಲ್ನಲ್ಲಿ ಆಲ್ರೌಂಡರ್ ಪ್ರದರ್ಶನ ತೋರಿ ಕೆಕೆಆರ್ ಫೈನಲ್ ಪ್ರವೇಶಿಸಲು ನೆರವಾಗಿದ್ದರು. ನಂತರ ಭಾರತ ಟಿ-20 ತಂಡಕ್ಕೂ ಆಯ್ಕೆಯಾಗುವಲ್ಲಿ ಯಶಸ್ವಿಯಾದರು. ಇದೀಗ ಅವರನ್ನು ಕೆಕೆಆರ್ ಮೂಲ ಬೆಲೆಗಿಂತ ಶೇಕಡಾ 4000ದಷ್ಟು ಹೆಚ್ಚು ಹಣ ಪಡೆದಿದ್ದಾರೆ.
ಪೃಥ್ವಿ ಶಾ: 7.5 ಕೋಟಿ ರೂ
ಭಾರತಕ್ಕೆ 2018ರ ಅಂಡರ್ 19 ವಿಶ್ವಕಪ್ ಗೆಲ್ಲಿಸಿಕೊಟ್ಟಿದ್ದ ಪೃಥ್ವಿ ಶಾರನ್ನು 2018ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಖರೀದಿಸಿತ್ತು. ಈ ನಾಲ್ಕು ವರ್ಷ ತನ್ನಲ್ಲೇ ಉಳಿಸಿಕೊಂಡಿದ್ದ ಫ್ರಾಂಚೈಸಿ ಮೆಗಾ ಹರಾಜಿಗೂ ಮುನ್ನ ಪೃಥ್ವಿ ಶಾರನ್ನು ಡೆಲ್ಲಿ ತಂಡ ಬರೋಬ್ಬರಿ 7.5 ಕೋಟಿ ರೂ. ನೀಡಿ ರಿಟೈನ್ ಮಾಡಿಕೊಂಡಿದೆ.
ರುತುರಾಜ್ ಗಾಯ್ಕವಾಡ್: 6 ಕೋಟಿ
2010ರ ಹರಾಜಿನಲ್ಲಿ 40 ಲಕ್ಷ ಪಡೆದಿದ್ದ ರುತುರಾಜ್ ಗಾಯಕ್ವಾಡ್ 2021ರ ಐಪಿಎಲ್ನಲ್ಲಿ ಆರೆಂಜ್ ಕ್ಯಾಪ್ ಪಡೆದಿದ್ದರು. ಇವರನ್ನು ಫ್ರಾಂಚೈಸಿ 6 ಕೋಟಿ ರೂಗೆ ರಿಟೈನ್ ಮಾಡಿಕೊಂಡಿದೆ.
ಉಮ್ರಾನ್ ಮಲಿಕ್ ಮತ್ತು ಅಬ್ದುಲ್ ಸಮದ್: 4 ಕೋಟಿ
ವೇಗ್ ಬೌಲಿಂಗ್ ಮೂಲಕ ಕ್ರಿಕೆಟ್ ಪ್ರೇಮಿಗಳ ಮನಸ್ಸು ಗೆದ್ದಿದ್ದ ಜಮ್ಮು ಕಾಶ್ಮೀರದ ಬೌಲರ್ ಉಮ್ರಾನ್ ಮಲಿಕ್ 10 ಲಕ್ಷ ಮತ್ತು ಸ್ಫೋಟಕ ಆಲ್ರೌಂಡರ್ ಅಬ್ದುಲ್ ಸಮದ್ ಹಿಂದಿನ ಆವೃತ್ತಿಯಲ್ಲಿ ಕೇವಲ 20 ಲಕ್ಷ ಪಡೆದಿದ್ದರು. ಆದರೆ, ಹೈದರಾಬಾದ್ ತಲಾ 4 ಕೋಟಿ ರೂ ನೀಡಿ ರಿಟೈನ್ ಮಾಡಿಕೊಂಡಿದೆ.
ಇವರಲ್ಲದೇ ಹಿಂದಿನ ಆವೃತ್ತಿಯಲ್ಲಿ 20 ಲಕ್ಷ ಪಡೆದಿದ್ದ ಅರ್ಶದೀಪ್ ಸಿಂಗ್ 4 ಕೋಟಿ, 2.6 ಕೋಟಿ ಪಡೆದಿದ್ದ ಮೊಹಮ್ಮದ್ ಸಿರಾಜ್ 7 ಕೋಟಿ, 8.5 ಕೋಟಿ ಪಡೆದಿದ್ದ ಸಂಜು ಸಾಮ್ಸನ್ 14 ಕೋಟಿ, 8.5 ಕೋಟಿ ಪಡೆದಿದ್ದ ರಸೆಲ್ 12 ಕೋಟಿ, 5 ಕೋಟಿ ಪಡೆದಿದ್ದ ಬುಮ್ರಾ 12 ಕೋಟಿ, 4.4 ಕೋಟಿ ರೂ ಪಡೆದಿದ್ದ ಜೋಶ್ ಬಟ್ಲರ್ 10 ಕೋಟಿ, 4 ಕೋಟಿ ಪಡೆದಿದ್ದ ವರುಣ್ ಚಕ್ರವರ್ತಿ 8 ಕೋಟಿ, 2.4 ಕೋಟಿ ಪಡೆದಿದ್ದ ಯಶಸ್ವಿ ಜೈಸ್ವಾಲ್ 4 ಕೋಟಿ ರೂ ಪಡೆದಿದ್ದಾರೆ.
ಇದನ್ನೂ ಓದಿ:ಹೊಸ ಫ್ರಾಂಚೈಸಿ ಕೆಎಲ್ ರಾಹುಲ್ ಸಂಪರ್ಕಿಸಿದ್ದರೆ ಅದು ಅನೈತಿಕ : ಪಂಜಾಬ್ ಕಿಂಗ್ಸ್ ಸಿಡಿಮಿಡಿ
