ವೆಲ್ಲಿಂಗ್ಟನ್: ಭಾರತ ತಂಡವನ್ನು ಮಣಿಸಿ ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಗೆದ್ದ ಇತಿಹಾಸ ಬರೆದಿರುವ ವಿಲಿಯಮ್ಸನ್ ನೇತೃತ್ವದ ತಂಡವನ್ನು ನ್ಯೂಜಿಲ್ಯಾಂಡ್ ಕ್ರಿಕೆಟ್ ಇತಿಹಾಸದದಲ್ಲಿ ಅತ್ಯಂತ ಶ್ರೇಷ್ಠ ಪಡೆ ಎಂದು ಸರ್ ರಿಚರ್ಡ್ ಹ್ಯಾಡ್ಲಿ ವರ್ಣಿಸಿದ್ದಾರೆ.
ಎರಡು ವರ್ಷಗಳ ಕಾಲ ನಡೆದ ಈ ಟೂರ್ನಿಯಲ್ಲಿ ನ್ಯೂಜಿಲ್ಯಾಂಡ್ ತಂಡ ಅದ್ಭುತ ಪ್ರದರ್ಶನ ತೋರಿದೆ ಎಂದು ಬುಧವಾರ ಭಾರತವನ್ನು 8 ವಿಕೆಟ್ಗಳಿಂದ ಮಣಿಸಿ ಚೊಚ್ಚಲ ಐಸಿಸಿ ಟೈಟಲ್ ಪಡೆದ ನಂತರ ಹ್ಯಾಡ್ಲೀ ತಮ್ಮ ದೇಶದ ತಂಡದ ಬಗ್ಗೆ ಐಸಿಸಿ ಬಿಡುಗಡೆ ಮಾಡಿರುವ ಹೇಳಿಕೆಯಲ್ಲಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
" ನ್ಯೂಜಿಲ್ಯಾಂಡ್ ಕ್ರಿಕೆಟ್ ಇತಿಹಾಸದಲ್ಲಿ ಈ ದಿನ ಅತ್ಯಂತ ವಿಶೇಷವಾದದ್ದು. ಉದ್ಘಾಟನಾ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಗೆದ್ದಿರುವ ಸಾಧನೆಯನ್ನು ಆಚರಿಸುವ ದಿನ. ಪಂದ್ಯದುದ್ದಕ್ಕೂ ಹಲವು ಟ್ವಿಸ್ಟ್ ಮತ್ತು ಟರ್ನಿಂಗ್ ಪಡೆಯುವ ಮೂಲಕ ಈ ಪಂದ್ಯ ರೋಮಾಂಚನಕಾರಿಯಾಗಿತ್ತು. ಅತ್ಯುತ್ತಮ ಭಾರತ ತಂಡದೆದುರು ಬ್ಲಾಕ್ಕ್ಯಾಪ್ಸ್ನ ಪ್ರಾಬಲ್ಯಯುತ ಪ್ರದರ್ಶನ. ಕೆಲವು ವರ್ಷಗಳಿಂದ ಎನ್ಜಿಸಿ ಉತ್ತಮ ಆಟಗಾರರ ಆಳವಾದ ತಂಡವನ್ನು ಕಟ್ಟಿದೆ. ಇದು ವಿಶ್ವದಲ್ಲೇ ಅತ್ಯಂತ ಹೆಚ್ಚು ಸ್ಪರ್ಧಾತ್ಮಕ ತಂಡವಾಗಲು ನೆರವಾಗಿದೆ" ಎಂದು ಹ್ಯಾಡ್ಲಿ ತಿಳಿಸಿದ್ದಾರೆ.
ಪ್ರಸ್ತುತ ಈ ತಂಡ ನಮ್ಮ (ನ್ಯೂಜಿಲ್ಯಾಂಡ್) ಇತಿಹಾಸದಲ್ಲೇ ಅತ್ಯುತ್ತಮ ತಂಡ ಎಂದು ಹೇಳುವುದಕ್ಕೆ ನ್ಯಾಯೋಚಿತವಾಗಿದೆ ಎಂದು ಟೆಸ್ಟ್ ಕ್ರಿಕೆಟ್ನಲ್ಲಿ 400 ವಿಕೆಟ್ ಪಡೆದ ಮೊದಲ ವೇಗಿಯಾಗಿರುವ ಹ್ಯಾಡ್ಲಿ ತಿಳಿಸಿದ್ದಾರೆ.
ಇದನ್ನು ಓದಿ:ಭಾರತದ ಸೋಲಿಗೆ ಅವರಿಬ್ಬರನ್ನು ಬೇಗ ಕಳೆದುಕೊಂಡಿದ್ದೇ ಕಾರಣ: ಸಚಿನ್