ಕೋಲ್ಕತ್ತಾ (ಪಶ್ಚಿಮ ಬಂಗಾಳ):2023ರ ಐಸಿಸಿ ವಿಶ್ವಕಪ್ನಲ್ಲಿ ಭಾರತದ 4ನೇ ಸ್ಥಾನದಲ್ಲಿ ಯಾರು ಎಂಬುದರ ಮೇಲೆ ಎಲ್ಲ ಕಣ್ಣುಗಳಿವೆ. ಆದರೆ, ಭಾರತ ತಂಡದ ಮಾಜಿ ನಾಯಕ ಸೌರವ್ ಗಂಗೂಲಿ ಅವರು, ಈ ವಿಚಾರದಲ್ಲಿ ಭಾರತಕ್ಕೆ ಸಾಕಷ್ಟು ಆಯ್ಕೆಗಳಿವೆ ಹಾಗೂ ಇದು ಸಮಸ್ಯೆಯಾಗದು ಎಂದು ಹೇಳಿದ್ದಾರೆ.
ರೋಹಿತ್ ಶರ್ಮಾ, ಕೊಹ್ಲಿ ಮತ್ತು ಶುಭಮನ್ ಗಿಲ್ ಅವರಂತಹ ಆಟಗಾರರನ್ನು ಹೊಂದಿರುವ ತಂಡವು ಅದ್ಭುತ ತಂಡವಾಗಿದೆ ಎಂದು ಹೇಳಿದ ಅವರು, "ಭಾರತ ತಂಡದಲ್ಲಿ ಇನ್ನೂ 4ನೇ ಸ್ಥಾನದಲ್ಲಿ ಆಡುವ ಆಟಗಾರರು ಇಲ್ಲ ಎಂದು ನಾನು ಪತ್ರಿಕೆಗಳಲ್ಲಿ ಓದಿದ್ದೆ. 4ನೇ ಸ್ಥಾನದಲ್ಲಿ ಆಟವಾಡುವ ಆಟಗಾರರು ಇಲ್ಲ ಎಂದು ಯಾರು ಹೇಳಿದರು. ಆದರೆ 4ನೇ ನಂಬರ್ನಲ್ಲಿ ಬ್ಯಾಟಿಂಗ್ ಮಾಡುವವರು ಭಾರತ ತಂಡದಲ್ಲಿ ಅನೇಕರಿದ್ದಾರೆ. ಈ ಕುರಿತು ನಿಸ್ಸಂಶಯವಾಗಿ ನಾನು ವಿಭಿನ್ನವಾಗಿ ಯೋಚಿಸುತ್ತೇನೆ. ನನ್ನ ಮನಸ್ಥಿತಿ ವಿಭಿನ್ನವಾಗಿದೆ, ಇದು ಅದ್ಭುತವಾದ ಭಾಗವಾಗಿದೆ'' ಎಂದ ಅವರು, ಟೀಂ ಇಂಡಿಯಾದ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಶುಭಮನ್ ಗಿಲ್, ಶ್ರೇಯಸ್ ಅಯ್ಯರ್ ಮತ್ತು ಕೆಎಲ್ ರಾಹುಲ್ ಅವರು ಈ ಸ್ಥಾನಕ್ಕೆ ಫಿಟ್ ಆಗಿದ್ದಾರೆ'' ಎಂದು ಜಾದವ್‌ಪುರ ವಿಶ್ವವಿದ್ಯಾಲಯದಲ್ಲಿ ಪತ್ರಿಕಾ ಸಂವಾದದಲ್ಲಿ ಸೌರವ್ ಗಂಗೂಲಿ ಹೇಳಿದ್ದಾರೆ.
''ಮೊಹಮ್ಮದ್ ಶಮಿ, ಜಡೇಜಾ ಹಾಗೂ ಜಸ್ಪ್ರೀತ್ ಬುಮ್ರಾ ಉತ್ತಮ ವೇಗದಲ್ಲಿ ಬೌಲಿಂಗ್ ಮಾಡುವುದನ್ನು ನಾನು ನೋಡಿದ್ದೇನೆ. ಅವರು ವೆಸ್ಟ್ ಇಂಡೀಸ್‌ನಲ್ಲಿ ಹೊಸ ಆಟ ಆಡಿದ್ದಾರೆ. ಸಮಯ ಬರುವ ಹೊತ್ತಿಗೆ ಅದು ಅಗ್ರ ತಂಡವಾಗಿರುತ್ತದೆ ಎಂದ ಅವರು, ಭಾರತ ತಂಡವು ಯಾವಾಗಲೂ ನನ್ನ ಮೆಚ್ಚಿನ ಆಟಗಾರರನ್ನು ಒಳಗೊಂಡಿರುತ್ತದೆ. ನಾನು ಹೇಳಿದಂತೆ ರೋಹಿತ್ ಶರ್ಮಾ, ಪಾಂಡ್ಯ ಮತ್ತು ದ್ರಾವಿಡ್ ಮೈದಾನದಲ್ಲಿ ಆಟವನ್ನು ಹೇಗೆ ತೆಗೆದುಕೊಳ್ಳುತ್ತಾರೆ ಎಂಬುದು ಬಹಳ ಮುಖ್ಯ. ನಾನು ಯುವ ಎಡಗೈ ಆಟಗಾರನನ್ನು ಆರ್ಡರ್‌ನ ಮೇಲ್ಭಾಗದಲ್ಲಿ ನೋಡಲು ಬಯಸುತ್ತೇನೆ. ಏಕೆಂದರೆ ಆಟಗಾರ ಅಗಾಧ ಸಾಮರ್ಥ್ಯವನ್ನು ಹೊಂದಿದ್ದಾನೆ ಮತ್ತು ಅವರು ನಿರ್ಭೀತನಾಗಿರುತ್ತಾರೆ. ಆದ್ದರಿಂದ, ಇದು ಉತ್ತಮ ತಂಡವಾಗಿದೆ" ಎಂದು ಗಂಗೂಲಿ ತಿಳಿಸಿದರು.
ದ್ರಾವಿಡ್- ರೋಹಿತ್ ಶರ್ಮಾ ಮನಸ್ಸಿನಲ್ಲಿರುವ ಇಬ್ಬರು ಆಟಗಾರರು ಯಾರು?: ''ವಿಕೆಟ್ ಕೀಪರ್, ಬ್ಯಾಟ್ಸಮನ್ ರಿಷಬ್ ಪಂತ್ ಇನ್ನೂ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವಾಗ, ಕೆಎಲ್ ರಾಹುಲ್ ಮತ್ತು ಇಶಾನ್ ಕಿಶನ್ ಅವರ ಸ್ಥಾನಕ್ಕೆ ಸಾಕಷ್ಟು ಉತ್ತಮರು ಇದ್ದಾರೆ'' ಎಂದು ಗಂಗೂಲಿ ಭಾವಿಸಿದ್ದಾರೆ. "ಪಂತ್ ಗಾಯಗೊಂಡಿದ್ದಾರೆ, ಅವರು ವಿಶ್ವಕಪ್‌ನಿಂದ ಹೊರಗುಳಿದಿದ್ದಾರೆ. ಅವರು ಬಹುಶಃ ದೇಶದ ಅತ್ಯುತ್ತಮ ವಿಕೆಟ್ ಕೀಪರ್. ಜೊತೆಗೆ ಕೆಎಲ್ ರಾಹುಲ್, ಇಶಾನ್ ಕಿಶನ್ ಅವರನ್ನು ನೋಡುವಾಗ ನೀವು ಸಾಕಷ್ಟು ಪ್ರತಿಭೆಗಳನ್ನು ನೋಡುತ್ತೀರಿ. ದ್ರಾವಿಡ್ ಮತ್ತು ರೋಹಿತ್ ಶರ್ಮಾ ಅವರ ಮನಸ್ಸಿನಲ್ಲಿ ಇಬ್ಬರು ಇರುತ್ತಾರೆ. ಅವರಲ್ಲಿ ಒಬ್ಬರು ನಿಜವಾಗಿ ಉಳಿಯುತ್ತಾರೆ. ನಾನು ಇಶಾನ್ ಕಿಶನ್ ಅವರನ್ನು ಇಷ್ಟಪಡುತ್ತೇನೆ. ರಾಹುಲ್ ದ್ರಾವಿಡ್ ಅವರನ್ನು ತಮ್ಮ ಯೋಜನೆಗಳಲ್ಲಿ ಉಳಿಸಿಕೊಳ್ಳುತ್ತಾರೆ ಎಂದು ನನಗೆ ಖಾತ್ರಿಯಿದೆ" ಎಂದು ಸೌರವ್ ಗಂಗೂಲಿ ಅಭಿಪ್ರಾಯ ವ್ಯಕ್ತಪಡಿಸಿದರು.