ಜೂಜೂ, ಮದ್ಯ, ತಂಬಾಕಿಗೆ ಎಂದಿಗೂ ನನ್ನ ಬೆಂಬಲವಿಲ್ಲ: ತಮ್ಮ ಫೋಟೋ ಬಳಸಿದ ಕ್ಯಾಸಿನೋ ವಿರುದ್ಧ ಸಚಿನ್ ಕೇಸ್​

ಸಾಮಾಜಿಕ ಜಾಲಾತಾಣಗಳಲ್ಲಿ ಹಲವಾರು ಜಾಹೀರಾತುಗಳನ್ನು ಪ್ರದರ್ಶನವಾಗುತ್ತಿರುವುದು ನನ್ನ ಗಮನಕ್ಕೆ ಬಂದಿದೆ. ಅದರಲ್ಲಿ ನಾನು ಕ್ಯಾಸಿನೊವನ್ನು ಆಡುವುದಕ್ಕೆ ಪ್ರೇರೇಪಿಸುವಂತೆ ತೋರಿಸುವ ಮಾರ್ಫ್ ಮಾಡಿದ ಫೋಟೋಗಳಿ " ಎಂದು ಭಾರತದ ಲೆಜೆಂಡರಿ ಬ್ಯಾಟರ್​ ತಿಳಿಸಿದ್ದಾರೆ.

ಮುಂಬೈ: ತಮ್ಮ ಫೋಟೋಗಳನ್ನು ಕಂಪ್ಯೂಟರ್ ಮೂಲಕ ಮಾರ್ಫ್​ ಮಾಡಿ ಸಾಮಾಜಿಕ ಜಾಲಾತಾಣದಲ್ಲಿ ಪ್ರಮೋಷನ್ ಮಾಡಿಕೊಳ್ಳುತ್ತಿರುವ ಕ್ಯಾಸಿನೋ ವಿರುದ್ಧ ಕಾನೂನಿನಾತ್ಮಕ ಕಮ್ರ ತೆಗೆದುಕೊಳ್ಳುವುದಾಗಿ ಗುರುವಾರ ಕ್ರಿಕೆಟ್ ಐಕಾನ್ ಸಚಿನ್​ ತೆಂಡೂಲ್ಕರ್​ ಹೇಳಿದ್ದಾರೆ.

ಗೋವಾ ಮೂಲದ ಬಿಗ್​ ಡ್ಯಾಡಿ ಎಂಬ ಕ್ಯಾಸಿನೋ ಸಚಿನ್​ ತೆಂಡೂಲ್ಕರ್ ಅವರ ಫೋಟೋಗಳನ್ನು ತನ್ನ ಪ್ರಮೋಷನ್​ಗಾಗಿ ಬಳಿಸಿಕೊಂಡಿದೆ ಎಂದು ತಿಳಿದುಬಂದಿದೆ. ನನ್ನ ಲೀಗಲ್ ಟೀಮ್​ ಅಗತ್ಯ ಕ್ರಮವನ್ನು ತೆಗೆದುಕೊಳ್ಳುತ್ತಿದೆ. ಆದರೆ, ಈ ಮಾಹಿತಿಯನ್ನು ಎಲ್ಲರೊಂದಿಗೆ ಹಂಚಿಕೊಳ್ಳುವುದು ನನಗೆ ಮುಖ್ಯ ಎಂದು ನಾನು ಭಾವಿಸಿದ್ದೇನೆ ಎಂದು ತೆಂಡೂಲ್ಕರ್​ ತಮ್ಮ ಟ್ವಿಟರ್​ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಸಾಮಾಜಿಕ ಜಾಲಾತಾಣಗಳಲ್ಲಿ ಹಲವಾರು ಜಾಹೀರಾತುಗಳನ್ನು ಪ್ರದರ್ಶನವಾಗುತ್ತಿರುವುದು ನನ್ನ ಗಮನಕ್ಕೆ ಬಂದಿದೆ. ಅದರಲ್ಲಿ ನಾನು ಕ್ಯಾಸಿನೊವನ್ನು ಆಡುವುದಕ್ಕೆ ಪ್ರೇರೇಪಿಸುವಂತೆ ತೋರಿಸುವ ಮಾರ್ಫ್ ಮಾಡಿದ ಫೋಟೋಗಳಿವೆ ಎಂದು ಭಾರತದ ಲೆಜೆಂಡರಿ ಬ್ಯಾಟರ್​ ತಿಳಿಸಿದ್ದಾರೆ.

ಮುಂದುವರಿಸಿರುವ 48 ವರ್ಷದ ಸಚಿನ್, ನಾನು ಎಂದಿಗೂ ಜೂಜು, ತಂಬಾಕು ಅಥವಾ ಆಲ್ಕೋಹಾಲ್​ ಗಳಿಗೆ ಪರೋಕ್ಷ ಅಥವಾ ಪ್ರತ್ಯಕ್ಷವಾಗಿ ರಾಯಭಾರಿಯಾಗುವುದಿಲ್ಲ. ಈ ಜಾಹೀರಾತಿನಲ್ಲಿ ನನ್ನ ಫೋಟೋ ಬಳಸಿ ಜನರನ್ನು ತಪ್ಪು ದಾರಿಗೆ ಎಳೆಯುತ್ತಿರುವುದು ನನಗೆ ತುಂಬಾ ನೋವು ತಂದಿದೆ ಎಂದು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ:Ranji Trophy: ಜಮ್ಮು ಕಾಶ್ಮೀರದ ವಿರುದ್ಧ ಶತಕ ಸಿಡಿಸಿ ಅಬ್ಬರಿಸಿದ ಕರುಣ್ ನಾಯರ್