ಟಿ20 ವಿಶ್ವಕಪ್‌ನಲ್ಲಿ ಭಾರತ ಮತ್ತು ಜಿಂಬಾಬ್ವೆ ವಿರುದ್ಧದ ಪಂದ್ಯ ಮುಗಿದ ನಂತರ ಪ್ರತಿಕ್ರಿಯಿಸಿದ ಭಾರತ ಕ್ರಿಕೆಟ್ ದಂತಕಥೆ ಕಪಿಲ್ ದೇವ್, ಟೂರ್ನಿಯಲ್ಲಿ ಆರ್ ಅಶ್ವಿನ್ ಆಟದ ಬಗ್ಗೆ ಕೊಂಚ ಬೇಸರ ವ್ಯಕ್ತಪಡಿಸಿದ್ದಾರೆ.
‘‘ಆರ್ ಅಶ್ವಿನ್ ಅವರ ವಿಕೆಟ್ ಕಬಳಿಸುವ ಸಾಮರ್ಥ್ಯದ ಬಗ್ಗೆ ನನಗೆ ಇಲ್ಲಿಯವರೆಗೆ ಹೆಚ್ಚು ಆತ್ಮವಿಶ್ವಾಸ ಮೂಡಿಲ್ಲ. ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಅವರು 22 ರನ್ನುಗಳಿಗೆ 3 ವಿಕೆಟ್ ಕಿತ್ತರು. ಆದ್ರೆ, ಅಂದು ಪಿಚ್‌ನಲ್ಲಿ ಚೆಂಡು ಪುಟಿದೇಳದ ಕಾರಣ ಅವರಿಗೆ ಆ ವಿಕೆಟ್‌ಗಳು ನಿರಾಯಾಸವಾಗಿ ಕೈ ಸೇರಿದವು. ಇದರಲ್ಲಿ ಅಶ್ವಿನ್ ಪಾತ್ರ ಹೆಚ್ಚೇನೂ ಇಲ್ಲ. ಅಲ್ಲದೇ, ಆ ವಿಕೆಟ್‌ಗಳನ್ನು ಅಶ್ವಿನ್ ಪಡೆದಿದ್ದಾರೆ ಎಂದು ನನಗೆ ಅನ್ನಿಸಲಿಲ್ಲ. ಈ ಪಂದ್ಯದಲ್ಲಿ ಪಡೆದ ಒಂದೆರಡು ವಿಕೆಟ್‌ಗಳ ಬಗ್ಗೆ ಹೇಳಲು ಸ್ವತ: ಅವರಿಗೇ ಮುಜುಗರ ಆಗುವಂತಿತ್ತು" ಎಂದು ಕಪಿಲ್ ದೇವ್ ವಿಶ್ಲೇಷಣೆ ಮಾಡಿದರು.