ಬಯೋಬಬಲ್​ ಉಲ್ಲಂಘಿಸಿದ ಬಿಬಿಎಲ್​ ಆಟಗಾರನಿಗೆ 5000 ಡಾಲರ್ ದಂಡ

ಬಿಬಿಎಲ್​ ಟೂರ್ನಿ ಸಂದರ್ಭದಲ್ಲಿ ಗಾಲ್ಫ್​ ಆಡಿದ್ದ ಮತ್ತು ಹೊರಗಿನ ಜನರೊಂದಿಗೆ ಓಡಾಡುವ ಮೂಲಕ ಬಯೋಬಬಲ್​ ಉಲ್ಲಂಘಿಸಿದ್ದ ವಿಲ್​ ಸದರ್​ಲೆಂಡ್​ಗೆ ಕ್ರಿಕೆಟ್​ ಆಸ್ಟ್ರೇಲಿಯಾ ದಂಡ ವಿಧಿಸಿ ಆದೇಶ ಹೊರಡಿಸಿದೆ.

ಮೆಲ್ಬೋರ್ನ್​​:ಜೀವ ಸುರಕ್ಷಾ ವಲಯ (ಬಯೋಬಬಲ್) ನಿಯಮ ಉಲ್ಲಂಘಿಸಿದ ಬಿಗ್​​ ಬ್ಯಾಷ್​ ಲೀಗ್​​ನ (ಬಿಬಿಎಲ್​) ಮೆಲ್ಬೋರ್ನ್​ ರೆನೆಗೇಡ್ಸ್ ತಂಡದ ವಿಲ್​ ಸದರ್​ಲೆಂಡ್​ಗೆ 5000 ಡಾಲರ್ (₹366,710) ದಂಡ ವಿಧಿಸಲಾಗಿದೆ.

ಜನವರಿ 21ರಂದು ಬಯೋಬಬಲ್​ ಉಲ್ಲಂಘನೆಗೆ ಸಂಬಂಧಿಸಿದ ಪ್ರಕರಣ ತನಿಖೆ ಪೂರ್ಣಗೊಂಡ ನಂತರ ವಿಲ್ ಸದರ್​​​ಲೆಂಡ್​​ಗೆ ಕ್ರಿಕೆಟ್ ಆಸ್ಟ್ರೇಲಿಯಾ (ಸಿಎ) ನೀತಿ ಸಂಹಿತೆಯಡಿ ದಂಡ ಹಾಕಲಾಗಿದೆ ಎಂದು ಸಿಎ ಹೇಳಿಕೆಯಲ್ಲಿ ತಿಳಿಸಿದೆ.

ಬಿಬಿಎಲ್​ ಟೂರ್ನಿ ಸಂದರ್ಭದಲ್ಲಿ ಗಾಲ್ಫ್ ಆಡಿದ್ದ ಮತ್ತು ಹೊರಗಿನ ಜನರೊಂದಿಗೆ ಓಡಾಡಿದ್ದಲ್ಲದೇ, ಊಟ ಮಾಡಿದ್ದರು. ಹೀಗಾಗಿ, ಸಿಎ ನೀತಿ ಸಂಹಿತೆಯ ವಿಧಿ-2.23ರ ಅಡಿ ವರದಿ ಸಿದ್ಧಪಡಿಸಿ ಅವರಿಗೆ ನೋಟಿಸ್ ನೀಡಲಾಗಿತ್ತು.

ಸ್ಪಿರಿಟ್ ಆಫ್ ಕ್ರಿಕೆಟ್​ಗೆ ವಿರುದ್ಧ, ಅಧಿಕಾರ ಅನರ್ಹ, ಕ್ರಿಕೆಟ್‌ನ ಹಿತಾಸಕ್ತಿಗೆ ಹಾನಿಕಾರಕ ಅಥವಾ ಕ್ರಿಕೆಟ್ ಆಟವನ್ನು ಅಪಖ್ಯಾತಿಗೆ ತರುತ್ತದೆ ಎಂಬುದನ್ನು ಈ ವಿಧಿ (ವಿಧಿ-2.23) ಹೇಳುತ್ತದೆ.

ಇದನ್ನೂ ಓದಿ...ಕರಣ್ ಜೋಹರ್, ಹಾರ್ದಿಕ್, ರಾಹುಲ್ ವಿರುದ್ಧ ಕೇಸ್​: ವಿಚಾರಣೆ ಮುಂದೂಡಿಕೆ

ಸದರ್​ಲೆಂಡ್​ ಈ ಆರೋಪ ಒಪ್ಪಿಕೊಂಡಿದ್ದು, ದಂಡ ಪಾವತಿಸುವುದಾಗಿ ಹೇಳಿದ್ದಾರೆ. ಮೊದಲಿಗೆ ಇಲ್ಲಿನ ಆಯುಕ್ತ ಆಡ್ರಿಯನ್ ಆಂಡರ್ಸನ್ ಅವರು $4000 ದಿಂದ $10,000 ದಂಡ ಅನುಮೋದಿಸಲು ಸೂಚಿಸಿದರು. ನಂತರ ಅದನ್ನು $5,000 ದಂಡಕ್ಕೆ ಇಳಿಸಲಾಯಿತು.