ಟಿ-20 ವಿಶ್ವಕಪ್: ಸ್ಕಾಟ್ಲೆಂಡ್​ ತಂಡಕ್ಕೆ 191 ರನ್​ಗಳ ಬೃಹತ್ ಗುರಿ ನೀಡಿದ ಆಫ್ಘನ್​

ಟಾಸ್​ ಸೋತು ಬ್ಯಾಟಿಂಗ್ ಇಳಿದ ಆಫ್ಘನ್ ತಂಡ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾದ ಹಜರತ್ತುಲ್ಲಾ ಜಾಝಿ, ಮೊಹಮ್ಮದ್ ಶೆಹಜಾದ್ 50 ರನ್ ಜೊತೆಯಾಟ ನೀಡಿದ್ದಾರೆ.

ಅಬುದಾಭಿ:ಟಿ-20 ವಿಶ್ವಕಪ್ 2021ರ ಸೂಪರ್ 12 ಸುತ್ತಿನ 3ನೇ ದಿನವಾದ ಇಂದು ಶಾರ್ಜಾ ಕ್ರೀಡಾಂಗಣದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಇಳಿದ ಅಫ್ಘಾನಿಸ್ತಾನ್ ತಂಡ ನಿಗದಿತ ಓವರ್​ನಲ್ಲಿ 4 ವಿಕೆಟ್​ ನಷ್ಟಕ್ಕೆ ಬರೋಬ್ಬರಿ 190 ರನ್ ಗಳಿಸಿದೆ. ಈ ಮೂಲಕ ಸ್ಕಾಟ್ಲೆಂಡ್ ತಂಡಕ್ಕೆ ಬೃಹತ್​ ಮೊತ್ತದ ಗುರಿ ನೀಡಿದೆ.

ಟಾಸ್​ ಸೋತು ಬ್ಯಾಟಿಂಗ್ ಇಳಿದ ಆಫ್ಘನ್ ತಂಡ ಉತ್ತಮ ಆರಂಭ ಪಡೆದು 190 ಸೇರಿಸಿತು. ಆರಂಭಿಕರಾದ ಹಜರತ್ತುಲ್ಲಾ ಜಾಝಿ, ಮೊಹಮ್ಮದ್ ಶೆಹಜಾದ್ 50 ರನ್ ಜೊತೆಯಾಟ ನೀಡಿದ್ದರು. ಜಾಝಿ 30 ಬಾಲ್​ನಲ್ಲಿ 44 ರನ್​ಗಳಿಸಿದರೆ, ಶೆಹಜಾದ್ 15 ಎಸೆತದಲ್ಲಿ 22 ರನ್​ಗಳಿಸಿ ವಿಕೆಟ್ ಒಪ್ಪಿಸಿದರು.

ಬಳಿಕ ಕ್ರೀಸ್​ಗಿಳಿದ ರೆಹಮತ್ತುಲ್ಲಾ ಗುರ್ಬಾಜ್, ನಜೀಬುಲ್ಲಾ ಜರ್ಧಾನ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. ಗುರ್ಬಾಜ್ 37 ಬಾಲ್​ನಲ್ಲಿ 46 ಹಾಗೂ ಜರ್ಧಾನ್ ಕೇವಲ 34 ಎಸೆತಕ್ಕೆ 5 ಬೌಂಡರಿ ಹಾಗೂ 3 ಸಿಕ್ಸರ್ ನೆರವಿನಿಂದ 59 ರನ್​​ಗಳಿಸಿ ತಂಡದ ಮೊತ್ತ ಏರಿಸಿದರು. ಅಂತಿಮವಾಗಿ ಆಫ್ಘನ್ ತಂಡ 4 ವಿಕೆಟ್ ಕಳೆದುಕೊಂಡು 190 ರನ್ ಗಳಿಸಿತು.

ಸ್ಕಾಟ್ಲೆಂಡ್ ಪರ ಸಫ್ಯಾನ್ ಶರೀಫ್ 2 ಹಾಗೂ ಜೋಶ್‌ ಡೇವಿ ಮತ್ತು ಮಾರ್ಕ್ ವ್ಯಾಟ್ ತಲಾ ಒಂದೊಂದು ವಿಕೆಟ್ ಪಡೆದರು.

ಇದನ್ನೂ ಓದಿ:ಶ್ರೀಮಂತ ಕ್ರಿಕೆಟ್ ಟೂರ್ನಿ IPLಗೆ ಮತ್ತೆರಡು ತಂಡ ಸೇರ್ಪಡೆ..12 ಸಾವಿರ ಕೋಟಿ ರೂ. BCCI ಪಾಲು