ಮುಲ್ತಾನ್​ ಮಣಿಸಿದ ಕಲಾಂದರ್ಸ್: ನಾಳೆ ಕರಾಚಿ ಕಿಂಗ್ಸ್ ಜೊತೆ ಫೈನಲ್ ಹಣಾಹಣಿ

ಭಾನುವಾರ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಲಾಹೋರ್ ಕಲಾಂದರ್ಸ್ ತಂಡ ಆಲ್​ರಂಡರ್​ ಡೇವಿಡ್ ವೈಸೆಯ ಅದ್ಭುತ ಪ್ರದರ್ಶನದಿಂದ ಮುಲ್ತಾನ್ ಸುಲ್ತಾನ್ಸ್ ವಿರುದ್ಧ 25 ರನ್​ಗಳ ಭರ್ಜರಿ ಜಯ ದಾಖಲಿಸಿ ಫೈನಲ್​​ಗೆ ಪ್ರವೇಶ ಪಡೆದಿದೆ. ಈ ಮೂಲಕ ನಾಳೆ ಕರಾಚಿ ಕಿಂಗ್ಸ್ ವಿರುದ್ಧ ಪ್ರಶಸ್ತಿಗಾಗಿ ಹೋರಾಡಲಿದೆ.

ಕರಾಚಿ: ಕೊರೊನಾ ಹಿನ್ನೆಲೆ ಸ್ಥಗಿತಗೊಂಡಿದ್ದ ಪಾಕಿಸ್ತಾನ ಸೂಪರ್ ಲೀಗ್​ (ಪಿಎಸ್​ಎಲ್​) ಇದೀಗ ಮತ್ತೆ ಆರಂಭವಾಗಿದೆ. 8 ತಿಂಗಳ ಹಿಂದೆ ಲೀಗ್ ಹಂತದ ಪಂದ್ಯದ ವೇಳೆ ಟೂರ್ನಿಯನ್ನು ಅರ್ಧಕ್ಕೆ ನಿಲ್ಲಿಸಲಾಗಿತ್ತು. ಇದೀಗ ಟೂರ್ನಿ ಮತ್ತೆ ಆರಂಭವಾಗಿದೆ.

ನಿನ್ನೆ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಲಾಹೋರ್ ಕಲಾಂದರ್ಸ್ ತಂಡದ ಆಲ್​ರೌಂಡರ್​ ಡೇವಿಡ್ ವೈಸೆಯ ಅದ್ಭುತ ಪ್ರದರ್ಶನದಿಂದ ಮುಲ್ತಾನ್ ಸುಲ್ತಾನ್ಸ್ ವಿರುದ್ಧ 25 ರನ್​ಗಳ ಭರ್ಜರಿ ಜಯ ದಾಖಲಿಸಿ ಫೈನಲ್ ಪ್ರವೇಶ ಪಡೆದಿದೆ.

ನಾಳೆ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಕರಾಚಿ ಕಿಂಗ್ಸ್ ವಿರುದ್ಧ ಲಾಹೋರ್ ಕಲಾಂದರ್ಸ್ ತಂಡ ಸೆಣೆಸಾಡಲಿದೆ. ಇದಕ್ಕೂ ಹಿಂದೆ ಕರಾಚಿ ಕಿಂಗ್ಸ್ ಕ್ವಾಲಿಫೈಯರ್ ಪಂದ್ಯದಲ್ಲಿ ಮುಲ್ತಾನ್​ ಸುಲ್ತಾನ್ಸ್ ತಂಡದ ವಿರುದ್ಧ ಸೂಪರ್ ಓವರ್​​ನಲ್ಲಿ ಜಯಿಸಿ ಫೈನಲ್ ಪ್ರವೇಶಿಸಿತ್ತು.

ಭಾನುವಾರ ಸಂಜೆ ನಡೆದ ಪಂದ್ಯದಲ್ಲಿ ಮುಲ್ತಾನ್ ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡಿತು. ಬ್ಯಾಟಿಂಗ್​​ಗಾಗಿ ಮೈದಾನಕ್ಕಿಳಿದ ಆ್ಯಡಮ್​ ಲೀಥ್ 50 ರನ್​ಗಳಿಸಿದರೆ, ಆಲ್​ರೌಂಡರ್ ವೈಸ್ 21 ಎಸೆತದಲ್ಲಿ 48 ರನ್​ ದಾಖಲಿಸಿ ತಂಡ ಒಟ್ಟು 20 ಓವರ್​ನಲ್ಲಿ 182 ರನ್​ ಗಳಿಸುವಲ್ಲಿ ನೆರವಾದರು.

ಬಳಿಕ ಬೌಲಿಂಗ್​ನಲ್ಲೂ ಮಿಂಚಿದ ವೈಸ್​​ 27ರನ್​​ ನೀಡಿ ಪ್ರಮುಖ ಮೂರು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು. ಈ ಮೂಲಕ ಮುಲ್ತಾನ್​ ತಂಡ ಕೇವಲ 19.1 ಓವರ್​ನಲ್ಲಿ 157 ರನ್​ಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು ಸೋಲೊಪ್ಪಿಕೊಂಡಿತು.

ಪಂದ್ಯದಲ್ಲಿ ಭರ್ಜರಿ ಪ್ರದರ್ಶನ ನೀಡಿದ ಡೇವಿಡ್​​​ ವೈಸ್ ಮ್ಯಾನ್​ ಆಫ್​ ದಿ ಮ್ಯಾಚ್ ಅವಾರ್ಡ್​​ಗೆ ಭಾಜನರಾದರು.