ಆಕ್ಲೆಂಡ್: ಕಳೆದ ಕೆಲ ದಿನಗಳ ಹಿಂದೆ ನಡೆದ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ನ್ಯೂಜಿಲ್ಯಾಂಡ್ ತಂಡ 8 ವಿಕೆಟ್ಗಳ ಗೆಲುವು ಸಾಧಿಸಿದ್ದು, ಹೊಸ ಇತಿಹಾಸ ಸೃಷ್ಟಿಸಿದೆ. ಈ ನಡುವೆ ವೇಗದ ಬೌಲರ್ ಥಿಮ್ ಸೌಥಿ ಎಲ್ಲರೂ ಮೆಚ್ಚುವಂತಹ ಕೆಲಸವೊಂದನ್ನ ಮಾಡಿದ್ದಾರೆ.
ಟೀಂ ಇಂಡಿಯಾ ವಿರುದ್ಧ ನ್ಯೂಜಿಲ್ಯಾಂಡ್ ಐತಿಹಾಸಿಕ 8 ವಿಕೆಟ್ಗಳ ಗೆಲುವು ದಾಖಲು ಮಾಡಲು ಕಾರಣವಾಗಿದ್ದ 32 ವರ್ಷದ ಸೌಥಿ, ಪಂದ್ಯದ ವೇಳೆ ಹಾಕಿಕೊಂಡಿದ್ದ ಜರ್ಸಿ ಹರಾಜಿಗಿಟ್ಟಿದ್ದಾರೆ. ಅದರಿಂದ ಬರುವ ಹಣವನ್ನ 8 ವರ್ಷದ ಮಗುವಿನ ಕ್ಯಾನ್ಸರ್ ಚಿಕಿತ್ಸೆಗೆ ನೀಡಲು ಮುಂದಾಗಿದ್ದಾರೆ. ಥಿಮ್ ಸೌಥಿ ಹಾಕಿಕೊಂಡಿದ್ದ ಜರ್ಸಿ ಮೇಲೆ ನ್ಯೂಜಿಲ್ಯಾಂಡ್ನ ಎಲ್ಲ ಪ್ಲೇಯರ್ಸ್ ಸಹಿ ಮಾಡಿದ್ದು, ಇದೀಗ ಅದನ್ನ ಹರಾಜು ಮಾಡಲು ಮುಂದಾಗಿದ್ದಾರೆ.