ಎರಡೂವರೆ ದಿನಕ್ಕೆ ಮುಗಿದ ಟೆಸ್ಟ್​: ವಿಂಡೀಸ್ ವಿರುದ್ಧ ದಕ್ಷಿಣ ಆಫ್ರಿಕಾಗೆ ಇನ್ನಿಂಗ್ಸ್​​ ಮತ್ತು 63 ರನ್​ಗಳ ಜಯ

225 ರನ್​ಗಳ ಮೊದಲ ಇನ್ನಿಂಗ್ಸ್​ ಹಿನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿದ ವೆಸ್ಟ್​ ಇಂಡೀಸ್ ರಬಾಡ ದಾಳಿಗೆ ಕುಸಿದು 64 ಓವರ್​ಗಳಲ್ಲಿ ಕೇವಲ 162 ರನ್​ಗಳಿಗೆ ಆಲೌಟ್ ಆಗಿ ಇನ್ನಿಂಗ್ಸ್​ ಸೋಲು ಕಂಡಿತು. ಆಲ್​ರೌಂಡರ್ ರಾಸ್ಟನ್ ಚೇಸ್​ 62 ರನ್​ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಅವರನ್ನು ಹೊರತುಪಡಿಸಿದರೆ ಯಾವುದೇ ಬ್ಯಾಟ್ಸ್​ಮನ್ 20ರ ಗಡಿ ಕೂಡ ದಾಟಲಿಲ್ಲ.

ಸೇಂಟ್ ಲೂಸಿಯಾ: ಕಗಿಸೊ ರಬಾಡ, ಲುಂಗಿ ಎಂಗಿಡಿ ಮತ್ತು ಎನ್ರಿಚ್ ನೋಕಿಯಾ ಅವರು ಅದ್ಭುತ ಬೌಲಿಂಗ್ ದಾಳಿಯ ನೆರವಿನಿಂದ ಅತಿಥೇಯ ವೆಸ್ಟ್​ ಇಂಡೀಸ್​ ವಿರುದ್ಧ ಪ್ರವಾಸಿ ದಕ್ಷಿಣ ಆಫ್ರಿಕಾ ಮೊದಲ ಟೆಸ್ಟ್​ನಲ್ಲಿ ಇನ್ನಿಂಗ್ಸ್​ ಮತ್ತು 63 ರನ್​ಗಳ ಸುಲಭ ಜಯ ಸಾಧಿಸಿದೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ವೆಸ್ಟ್​ ಇಂಡೀಸ್ ತಂಡ ಮೊದಲ ದಿನವೇ 40.5 ಓವರ್​ಗಳಲ್ಲಿ 97ಕ್ಕೆ ಸರ್ವಪತನಗೊಂಡಿತ್ತು. ಹರಿಣಗಳ ಪರ ಲುಂಗಿ ಎಂಗಿಡಿ 5, ನೋಕಿಯಾ 4 ವಿಕೆಟ್ ಪಡೆದು ಮಿಂಚಿದ್ದರು.

ಇದಕ್ಕುತ್ತರವಾಗಿ ದಕ್ಷಿಣ ಆಫ್ರಿಕಾದ ತಂಡ 96.5 ಓವರ್​ಗಳಲ್ಲಿ 322 ರನ್​ಗಳಿಸಿತ್ತು. ಕ್ವಿಂಟನ್ ಡಿ ಕಾಕ್ ಅಜೇಯ 141 ರನ್​​ಗಳಿಸಿದರೆ, ಐಡೆನ್ ಮಾರ್ಕ್ರಮ್ 60 , ಡಾಸ್ಸೆನ್ 46 ರನ್​ಗಳಿಸಿದ್ದರು. ವೆಸ್ಟ್​ ಇಂಡೀಸ್ ಪರ ಜೇಸನ್ ಹೋಲ್ಡರ್​ 4, ಜೇಡನ್ ಸೀಲ್ಸ್​ 3 ಮತ್ತು ರೋಚ್​ 2 ವಿಕೆಟ್ ಪಡೆದು ಮಿಂಚಿದ್ದರು.

225 ರನ್​ಗಳ ಮೊದಲ ಇನ್ನಿಂಗ್ಸ್​ ಹಿನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿದ ವೆಸ್ಟ್​ ಇಂಡೀಸ್ ರಬಾಡ ದಾಳಿಗೆ ಕುಸಿದು 64 ಓವರ್​ಗಳಲ್ಲಿ ಕೇವಲ 162 ರನ್​ಗಳಿಗೆ ಆಲೌಟ್ ಆಗಿ ಇನ್ನಿಂಗ್ಸ್​ ಸೋಲು ಕಂಡಿತು. ಆಲ್​ರೌಂಡರ್ ರಾಸ್ಟನ್ ಚೇಸ್​ 62 ರನ್​ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಅವರನ್ನು ಹೊರತುಪಡಿಸಿದರೆ ಯಾವುದೇ ಬ್ಯಾಟ್ಸ್​ಮನ್ 20ರ ಗಡಿ ಕೂಡ ದಾಟಲಿಲ್ಲ.

ಕಗಿಸೊ ರಬಾಡ 5 ವಿಕೆಟ್, ಎನ್ರಿಚ್ ನೋಕಿಯಾ 3 , ಕೇಶವ್ ಮಹರಾಜ್ 2 ವಿಕೆಟ್​ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದನ್ನು ಓದಿ: ಕೆಕೆಆರ್​ನಿಂದ ನಾನು ನಿರೀಕ್ಷಿಸಿದ ಬೆಂಬಲ ಸಿಗುತ್ತಿಲ್ಲ: ಕುಲ್ದೀಪ್ ಯಾದವ್​