ಜುಲೈನಲ್ಲಿ ಭಾರತ ತಂಡದಿಂದ ಲಂಕಾ ಪ್ರವಾಸ, ಸದ್ಯಕ್ಕೆ ಐಪಿಎಲ್ ಅಸಾಧ್ಯ ಎಂದ ದಾದಾ

ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ ಜೂನ್​ ತಿಂಗಳಲ್ಲೇ ಮುಗಿಯಲಿದೆ. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್​ ಸರಣಿ ಆಗಸ್ಟ್​ 5ರಿಂದ ಆರಂಭಗೊಳ್ಳಲಿದೆ. ಈ ಮಧ್ಯೆ ಜೂನ್​ -ಜುಲೈನಲ್ಲಿ ಐಪಿಎಲ್​ ನಡೆಸಬಹುದು ಎಂದು ಊಹಾಪೋಹಗಳು ಕೇಳಿ ಬರುತ್ತಿವೆ ಎಂದು ಕೇಳಿದ್ದಕ್ಕೆ ಗಂಗೂಲಿ ಅದು ಅಸಾಧ್ಯವಾದದ್ದು ಎಂದಿದ್ದಾರೆ..

ನವದೆಹಲಿ : ಜುಲೈನಲ್ಲಿ ಭಾರತ ತಂಡ 3 ಏಕದಿನ ಪಂದ್ಯ ಮತ್ತು 5 ಟಿ20 ಪಂದ್ಯಗಳ ಸರಣಿಗಾಗಿ ಶ್ರೀಲಂಕಾ ಪ್ರವಾಸ ಕೈಗೊಳ್ಳಲಿದೆ ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್​ ಗಂಗೂಲಿ ಖಚಿತಪಡಿಸಿದ್ದಾರೆ. ಆದರೆ, ಐಪಿಎಲ್ ಮರು ಆಯೋಜನೆ ಸದ್ಯಕ್ಕೆ ದೂರವಾದ ಮಾತು ಎಂದು ಅವರು ಹೇಳಿದ್ದಾರೆ.

ಸ್ಫೋರ್ಟ್ಸ್ ಸ್ಟಾರ್ ಮ್ಯಾಗಜಿನ್​ಗೆ ನೀಡಿದ ಸಂದರ್ಶನದಲ್ಲಿ ದಾದಾ ಈ ವಿಚಾರವನ್ನು ಖಚಿತ ಪಡಿಸಿದ್ದಾರೆ. ವಿಶ್ವಟೆಸ್ಟ್​ ಚಾಂಪಿಯನ್​ಶಿಪ್ ಜೂನ್​ ತಿಂಗಳಲ್ಲೇ ಮುಗಿಯಲಿದೆ. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್​ ಸರಣಿ ಆಗಸ್ಟ್​ 5ರಿಂದ ಆರಂಭಗೊಳ್ಳಲಿದೆ.

ಈ ಮಧ್ಯೆ ಜೂನ್-ಜುಲೈನಲ್ಲಿ ಐಪಿಎಲ್​ ನಡೆಸಬಹುದು ಎಂದು ಊಹಾಪೋಹಗಳು ಕೇಳಿ ಬರುತ್ತಿವೆ ಎಂದು ಕೇಳಿದ್ದಕ್ಕೆ ಗಂಗೂಲಿ ಅದು ಅಸಾಧ್ಯವಾದದ್ದು ಎಂದಿದ್ದಾರೆ.

ಜುಲೈನಲ್ಲಿ ಭಾರತ ತಂಡ ಶ್ರೀಲಂಕಾಕ್ಕೆ 3 ಪಂದ್ಯಗಳ ಏಕದಿನ ಸರಣಿ ಮತ್ತು 5 ಟಿ20 ಪಂದ್ಯಗಳನ್ನಾಡಲು ಹೋಗಬೇಕಿದೆ. ಇನ್ನು, ಐಪಿಎಲ್​ ಭಾರತದಲ್ಲಿ ನಡೆಯಲು ಸಾಧ್ಯವಿಲ್ಲ.

ಯಾಕೆಂದರೆ, 14 ದಿನಗಳ ಕ್ವಾರಂಟೈನ್ ನಡೆಸುವುದು ಕಠಿಣವಾಗಿದೆ. ಅಲ್ಲೆ ಐಪಿಎಲ್​ ಪೂರ್ಣಗೊಳಿಸಲು ನಮಗೆ ಕಾಲಾವಕಾಶವನ್ನು ಹೊಂದುವುದರ ಬಗ್ಗೆ ಈಗಲೇ ತಿಳಿಸಲು ಸಾಧ್ಯವಿಲ್ಲ ಎಂದು ದಾದಾ ತಿಳಿಸಿದ್ದಾರೆ.

ಭಾರತ ತಂಡ ಜುಲೈನಲ್ಲಿ ಇಂಗ್ಲೆಂಡ್​ನಲ್ಲಿರಲಿದೆ. ಭಾರತದಲ್ಲಿ ಕ್ವಾರಂಟೈನ್​ ನಿಯಮಗಳು ಕಠಿಣವಾಗಿರುವುದರಿಂದ ವಾಪಸ್​ ಬರುವ ಬದಲು ಅಲ್ಲೇ ಉಳಿಯುವ ಸಾಧ್ಯತೆಯಿದೆ.

ಇನ್ನು,ಶ್ರೀಲಂಕಾ ವಿರುದ್ದದ ಸರಣಿಗೆ ಧವನ್, ಭುವನೇಶ್ವರ್ ಅಂತಹ ಹಿರಿಯ ಆಟಗಾರರ ಜೊತೆಗೆ ಸೂರ್ಯಕುಮಾರ್, ಇಶಾನ್ ಕಿಶನ್, ಕುಲ್ದೀಪ್ ಯಾದವ್, ಪೃಥ್ವಿ ಶಾ ಸೇರಿದಂತೆ ಐಪಿಎಲ್ ಸ್ಟಾರ್​ಗಳನ್ನು ಆಯ್ಕೆ ಮಾಡುವ ಸಾಧ್ಯತೆ ಇದೆ. ಕರ್ನಾಟಕದ ದೇವದತ್​ ಪಡಿಕ್ಕಲ್​ಗೂ ಭಾರತ ತಂಡದ ಪರ ಪದಾರ್ಪಣೆ ಮಾಡುವ ಸಾಧ್ಯತೆ ಕೂಡ ಇದೆ.

ಇದನ್ನು ಓದಿ:ಕೊಹ್ಲಿ ಪಡೆ 3-2ರಲ್ಲಿ ಇಂಗ್ಲೆಂಡ್ ವಿರುದ್ಧ ಟೆಸ್ಟ್​ ಸರಣಿ ಗೆಲ್ಲಲು ಅವಕಾಶವಿದೆ : ದ್ರಾವಿಡ್ ಭವಿಷ್ಯ