'ಐಸಿಸಿ ವರ್ಷದ ಟಿ20 ತಂಡ 2021'ದಲ್ಲಿ ಅವಕಾಶ ಪಡೆದ ಏಕೈಕ ಭಾರತೀಯ ಪಟು ಸ್ಮೃತಿ ಮಂಧಾನ

ಈ 11ರ ಬಳಗಕ್ಕೆ ಇಂಗ್ಲೆಂಡ್ ಆಲ್​ರೌಂಡರ್​ ನ್ಯಾಟ್ ಸೀವರ್​ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಅದೇ ತಂಡದ ಆ್ಯಮಿ ಜೋನ್ಸ್​ ವಿಕೆಟ್ ಕೀಪರ್​ ಬ್ಯಾಟರ್ ಆಗಿದ್ದಾರೆ. ಈ ತಂಡದಲ್ಲಿ ಏಕೈಕ ಭಾರತೀಯ ಆಟಗಾರ್ತಿಯಾಗಿರುವ ಮಂಧಾನ 2021ರಲ್ಲಿ 9 ಪಂದ್ಯಗಳಿಂದ 31.87ರ ಸರಾಸರಿಯಲ್ಲಿ 131.44ರ ಸ್ಟ್ರೈಕ್​ರೇಟ್​ನಲ್ಲಿ 2 ಅರ್ಧಶತಗಳ ಸಹಿತ 255 ರನ್​ಗಳಿಸಿದ್ದರು.

ದುಬೈ: ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಬುಧವಾರ ಐಸಿಸಿ ಮಹಿಳೆಯರ ವರ್ಷದ ಟಿ20 ತಂಡ(2021)ವನ್ನು ಪ್ರಕಟಿಸಿದ್ದು, ಭಾರತದ ಆರಂಭಿಕ ಬ್ಯಾಟರ್​ ಸ್ಮೃತಿ ಮಂಧಾನ 11 ರ ಬಳಗದಲ್ಲಿ ಅವಕಾಶ ಪಡೆದಿದ್ದಾರೆ. ಪುರುಷರ ತಂಡದಲ್ಲಿ ಭಾರತೀಯ ಕ್ರಿಕೆಟಿಗರು ಅವಕಾಶ ಪಡೆಯುವಲ್ಲಿ ವಿಫಲರಾಗಿದ್ದಾರೆ.

ಈ 11ರ ಬಳಗಕ್ಕೆ ಇಂಗ್ಲೆಂಡ್ ಆಲ್​ರೌಂಡರ್​ ನ್ಯಾಟ್ ಸೀವರ್​ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಅದೇ ತಂಡದ ಆ್ಯಮಿ ಜೋನ್ಸ್​ ವಿಕೆಟ್ ಕೀಪರ್​ ಬ್ಯಾಟರ್ ಆಗಿದ್ದಾರೆ. ಈ ತಂಡದಲ್ಲಿ ಏಕೈಕ ಭಾರತೀಯ ಆಟಗಾರ್ತಿಯಾಗಿರುವ ಮಂಧಾನ 2021ರಲ್ಲಿ 9 ಪಂದ್ಯಗಳಿಂದ 31.87ರ ಸರಾಸರಿಯಲ್ಲಿ 131.44ರ ಸ್ಟ್ರೈಕ್​ರೇಟ್​ನಲ್ಲಿ 2 ಅರ್ಧಶತಗಳ ಸಹಿತ 255 ರನ್​ಗಳಿಸಿದ್ದರು.

ವರ್ಷದ ಟಿ20 ತಂಡದಲ್ಲಿ ಸೀವರ್​, ಜೋನ್ಸ್ ಅಲ್ಲದೆ ಒಟ್ಟು ಐವರು ಆಟಗಾರ್ತಿಯರು ಅವಕಾಶ ಪಡೆದಿದ್ದಾರೆ. ಡೇನಿಯಲ್ ವ್ಯಾಟ್​, ಟಮ್ಮಿ ಬ್ಯೂಮಾಂಟ್ ಮತ್ತು ನಂಬರ್ ಟಿ20 ಬೌಲರ್​ ಸೋಫಿ ಎಕ್ಲೆನ್​ಸ್ಟೋನ್​ ಕೂಡ ಇಂಗ್ಲೆಂಡ್ ತಂಡದಿಂದ ಆಯ್ಕೆಯಾಗಿದ್ದಾರೆ.

ಐರ್ಲೆಂಡ್​ನ ಗ್ಯಾಬಿ ಲೂಯಿಸ್​, ದಕ್ಷಿಣ ಆಫ್ರಿಕಾದ ಲೌರಾ ವೋಲ್ವಾರ್ಟ್,​ ಮರಿಜಾನ್ ಕಾಪ್ ಮತ್ತು ಶಬ್ನಿಮ್ ಇಸ್ಮಾಯಿಲ್ ಹಾಗೂ ಜಿಂಬಾಬ್ವೆಯ ಲೊರಿನ್​ಫಿರಿ 2021ರ ಟಿ20 ಮಹಿಳಾ ತಂಡದಲ್ಲಿ ಅವಕಾಶ ಪಡೆದಿದ್ದಾರೆ.

ICC ಮಹಿಳಾ T20I ವರ್ಷದ ತಂಡ:

ಸ್ಮೃತಿ ಮಂಧಾನ (ಭಾರತ), ಟಮ್ಮಿ ಬ್ಯೂಮಾಂಟ್ (ಇಂಗ್ಲೆಂಡ್), ಡ್ಯಾನಿಯಲ್ ವ್ಯಾಟ್ (ಇಂಗ್ಲೆಂಡ್), ಗೇಬಿ ಲೂಯಿಸ್ (ಐರ್ಲೆಂಡ್), ನ್ಯಾಟ್ ಸೀವರ್ (ನಾಯಕಿ) (ಇಂಗ್ಲೆಂಡ್), ಆ್ಯಮಿ ಜೋನ್ಸ್ (ಇಂಗ್ಲೆಂಡ್), ಲಾರಾ ವೋಲ್ವಾರ್ಟ್​ ( ದಕ್ಷಿಣ ಆಫ್ರಿಕಾ), ಮಾರಿಜಾನ್ ಕಾಪ್ (ದಕ್ಷಿಣ ಆಫ್ರಿಕಾ), ಸೋಫಿ ಎಕ್ಲೆಸ್ಟೋನ್ (ಇಂಗ್ಲೆಂಡ್), ಲೊರಿನ್ ಫಿರಿ (ಜಿಂಬಾಬ್ವೆ), ಶಬ್ನಿಮ್ ಇಸ್ಮಾಯಿಲ್ (ದಕ್ಷಿಣ ಆಫ್ರಿಕಾ)

ಇದನ್ನೂ ಓದಿ:'ಐಸಿಸಿ ವರ್ಷದ ಟಿ20 ತಂಡ'ಕ್ಕೆ ಬಾಬರ್ ನಾಯಕ ; 11ರ ಬಳಗದಲ್ಲಿ ಭಾರತೀಯರಿಗಿಲ್ಲ ಅವಕಾಶ!