ದುಬೈ: ಐಪಿಎಲ್‌ನ 50ನೇ ಪಂದ್ಯದಲ್ಲಿ ಬಲಾಢ್ಯ ಚೆನ್ನೈ ವಿರುದ್ಧ ರೋಚಕ ಜಯ ಸಾಧಿಸಿರುವ ಡೆಲ್ಲಿ ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನಕ್ಕೇರಿತು. ಅಲ್ಪಮೊತ್ತ ಬೆನ್ನಟ್ಟಿದ್ದ ಪಂತ್‌ ಬಳಗ ಆರಂಭದಲ್ಲೇ ಪ್ರಮುಖ ವಿಕೆಟ್ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು.
ಅಂತಿಮವಾಗಿ ಕ್ರೀಸ್ನಲ್ಲಿದ್ದ ಶಿಮ್ರಾನ್ ಹೆಟ್ಮಾಯರ್ ಹಾಗೂ ಕಗಿಸೋ ರಬಾಡ ಪಂದ್ಯ ಗೆಲ್ಲಿಸಿಕೊಟ್ಟರು. ಎರಡು ಎಸೆತದಲ್ಲಿ 3 ರನ್ಗಳ ಅಗತ್ಯವಿದ್ದ ವೇಳೆ ರಬಾಡ ಬೌಂಡರಿ ಸಿಡಿಸಿ ತಂಡಕ್ಕೆ ಗೆಲುವು ತಂದಿಟ್ಟರು.
ಈ ವೇಳೆ ಗೆಲುವಿನ ಸಂಭ್ರಮಾಚರಣೆ ನಡೆಸಿದ ಹೆಟ್ಮಾಯರ್ ತನ್ನದೇ ದೇಶದ ಆಟಗಾರ ಹಾಗು ಚೆನ್ನೈ ತಂಡದ ಆಲ್ರೌಂಡರ್ ಡ್ವೇನ್ ಬ್ರಾವೋ ಬೆನ್ನ ಮೇಲೆ ಹಾರಿ ಸಂಭ್ರಮಿಸಿದರು. ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ವಿಂಡೀಸ್‌ ಪರ ಆಡುವ ಇವರಿಬ್ಬರು, ಐಪಿಎಲ್ ಟೂರ್ನಿಯಲ್ಲಿ ಎರಡು ಪ್ರಬಲ ತಂಡದ ಪರ ಆಡುತ್ತಿದ್ದಾರೆ.
ನಿನ್ನೆ ಡೆಲ್ಲಿ ಗೆಲುವಿನ ರನ್ ಹೊಡೆಯುವಾಗ ಶಿಮ್ರಾನ್ ನಾನ್ಸ್ಟ್ರೈಕರ್ನಲ್ಲಿದ್ದರು. ಚೆಂಡು ಬೌಂಡರಿ ಗೆರೆ ದಾಟುತ್ತಿದ್ದಂತೆ ಬೌಲಿಂಗ್ ಮಾಡುತ್ತಿದ್ದ ಬ್ರಾವೋ ಬೆನ್ನಿನ ಮೇಲೆ ಹಾರಿ ಖುಷಿಪಟ್ಟರು.
ಇದನ್ನೂ ಓದಿ:ಚೆನ್ನೈ ಸೂಪರ್ ಕಿಂಗ್ಸ್ ಕಟ್ಟಿಹಾಕಿದ ಡೆಲ್ಲಿ... ಪಟ್ಟಿಯಲ್ಲಿ ನಂ.1!