ಭಾರತ-ನ್ಯೂಜಿಲ್ಯಾಂಡ್​ ಟೆಸ್ಟ್​​ ಡ್ರಾ : ಕಿವೀಸ್‌ ಪ್ಲೇಯರ್ಸ್​​ ಕೊಂಡಾಡಿದ ಶಶಿ ತರೂರ್

ಕೊನೆಯ ವಿಕೆಟ್​ಗೆ ರಚಿನ್​ ರವೀಂದ್ರ ಮತ್ತು ಅಜಾಜ್ ಪಟೇಲ್​ 52 ಎಸೆತಗಳನ್ನೆದುರಿಸಿ ಭಾರತದ ಗೆಲುವಿಗೆ ಮುಳ್ಳಾದರು. ರವೀಂದ್ರ 91 ಎಸೆತಗಳಲ್ಲಿ ಅಜೇಯ 18 ರನ್​ಗಳಿಸಿದರೆ ಪಟೇಲ್ 23 ಎಸೆತಗಳಲ್ಲಿ ಅಜೇಯ 2 ರನ್​ಗಳಿಸಿ ನ್ಯೂಜಿಲ್ಯಾಂಡ್​ ಸೋಲು ತಪ್ಪಿಸಿದರು..

ನವದೆಹಲಿ :ಭಾರತ-ನ್ಯೂಜಿಲ್ಯಾಂಡ್​​ ತಂಡಗಳ ನಡುವೆ ಕಾನ್ಪುರ್​​ದ ಗ್ರೀನ್ ಪಾರ್ಕ್​ನಲ್ಲಿ ನಡೆದ ಮೊದಲ ಟೆಸ್ಟ್​​ ಪಂದ್ಯ ರೋಚಕ ಡ್ರಾನಲ್ಲಿ ಅಂತ್ಯಗೊಂಡಿದೆ. ಇದೇ ವಿಚಾರವನ್ನಿಟ್ಟುಕೊಂಡು ಕಾಂಗ್ರೆಸ್​​ನ ಹಿರಿಯ ಮುಖಂಡ ಶಶಿ ತರೂರ್​ ಕಿವೀಸ್​ ಆಟಗಾರರನ್ನ ಕೊಂಡಾಡಿದ್ದಾರೆ.

ಟ್ವಿಟರ್​ನಲ್ಲಿ ಈ ವಿಷಯ ಬರೆದುಕೊಂಡಿರುವ ಶಶಿ ತರೂರ್​, ಭಾರತ ವಿರುದ್ಧದ ಟೆಸ್ಟ್​​ ಪಂದ್ಯ ಉಳಿಸಿಕೊಳ್ಳಲು ಕೊನೆಯ 9 ಓವರ್​ಗಳವರೆಗೆ ನಮ್ಮ ಬೌಲರ್​ಗಳಿಗೆ ಪ್ರತಿರೋಧವೊಡ್ಡಿದ ಭಾರತ ಮೂಲದ ಇಬ್ಬರು ನ್ಯೂಜಿಲ್ಯಾಂಡ್​ ಆಟಗಾರರಾದ ರಚಿನ್​ ರವೀಂದ್ರ ಹಾಗೂ ಅಜಾಜ್ ಪಟೇಲ್​ಗೆ ಹ್ಯಾಟ್ಸ್​​ಆಫ್​.

ನೈಟ್​​ ವಾಚ್​ಮ್ಯಾನ್​​ ಆಗಿ ಬಂದಿದ್ದ ವಿಲ್​ ಸೋಮ್​ರ್ವಿಲೆ ಕೂಡ 110 ಎಸೆತ ಎದುರಿಸಿರುವುದು ಇಲ್ಲಿ ಪ್ರಮುಖವಾಗಿತ್ತು. ಮುಂಬೈ ಟೆಸ್ಟ್​​ಗಾಗಿ ಟೀಂ ಇಂಡಿಯಾ ಕೆಲವೊಂದು ಬದಲಾವಣೆ ಮಾಡುವುದು ಅಗತ್ಯವಾಗಿದೆ ಎಂದಿದ್ದಾರೆ.

ಕೊನೆಯ ವಿಕೆಟ್​ಗೆ ರಚಿನ್​ ರವೀಂದ್ರ ಮತ್ತು ಅಜಾಜ್ ಪಟೇಲ್​ 52 ಎಸೆತಗಳನ್ನೆದುರಿಸಿ ಭಾರತದ ಗೆಲುವಿಗೆ ಮುಳ್ಳಾದರು. ರವೀಂದ್ರ 91 ಎಸೆತಗಳಲ್ಲಿ ಅಜೇಯ 18 ರನ್​ಗಳಿಸಿದರೆ ಪಟೇಲ್ 23 ಎಸೆತಗಳಲ್ಲಿ ಅಜೇಯ 2 ರನ್​ಗಳಿಸಿ ನ್ಯೂಜಿಲ್ಯಾಂಡ್​ ಸೋಲು ತಪ್ಪಿಸಿದರು.

ಇಂದು ಬೆಳಗ್ಗೆ ಮಹಿಳಾ ಸಂಸದರೊಂದಿಗೆ ಸೆಲ್ಫಿ ತೆಗೆದುಕೊಂಡಿದ್ದ ಸಂಸದ ಶಶಿ ತರೂರ್​ ಅದನ್ನ ಟ್ವಿಟರ್​ನಲ್ಲಿ ಹಾಕಿ ಅದಕ್ಕೊಂದು ಶೀರ್ಷಿಕೆ ನೀಡಿ ಟೀಕೆಗೊಳಗಾಗಿದ್ದರು. ಇದರ ಬೆನ್ನಲ್ಲೇ ಕ್ಷಮೆಯಾಚನೆ ಸಹ ಮಾಡಿದ್ದರು.